خطوة نحو الجحيم 3 ( باللهجة التونسية)

الحلقة 77

الحلقة 77 :
كيم؛ أوووس شبي *** من وكتاش تعمل وحدك
أوس؛ كيم سيرين
كيم؛ شبيها ؟
أوس؛ عايشة
كيم؛ شنوووووة !!!
أوس؛ هي هوني فهاد القصر حابسينها
كيم؛ اذاكا الراجل اللي جاك قبيل هو اللي خبرك
أوس؛ وي
كيم؛ أوووووس شبي ***   راك ****** من وكتاش للي يجي تصدقوا هبلت ياخي
أوس؛ شفت فيديو متاعها
كيم؛ باز تكون وحدة تشبهلها أوس شبيك تجن وقت الحكاية تتعلق بيها
أوس؛ كيييم سيرين نعرفها راني صوتها نبرة اسمي من لسانها و وزادة ولدها مربيه اكا العساس
كيم؛ ياخي عندها ولدها
أوس يحكي :
غزرتلوا و تلفتت ..باين من اكا ال***** اللي اغتصبوها..حطيت راسي عالفولون ..راسي باش يطرشق ..حط يديه على كتفي ..شوي هكا و نوقز التيليفون .. نطرت هزيت عليه..
الحارس؛ القائد مفماش هوني و الرجال كاين90. واحد   تنجم تهجم باش ننزل لسيرين ..باز يحاولوا يهربوها
أوس؛ باهي
علقت عليه جبدت زوز فرد ...فكيتهم بالوقت ..غزرت لكيم فهمني حضر هو زادة الفرد متاعو ..عيطت للرجال اللي خدموا الكراهب بالوقت ..هدينا عليهم بدا ضرب السلاح ...وحلت عاللخر ..نزلنا من الكراهب عارضونا بالوقت ..باقي نضرب ...عبيت الفرد مرة ثانية و مشيت
أوس؛ كيم هيا توا ندخلوا للقصر
كيم؛ باش نأمن ظهرك
عملت اشارة للرجال و هدينا ..اللي عارضنا نقتلوه ..باقي نفركس عالقبو مفماش ..حكمت واحد ..حطيت السلاح في وجهو ..
أوس؛ وين القبو احكككككي
👤: منجمش نحكي يقتلني
خبطتوا بيدي لي فيها سلاح جا فلرض طايح
أوس؛ توا انا اللي نطلع بروحك يا ***
ضربتوا برصاصة جات في رجلوا ...عيط على صوتوا
أوس؛ مطول مالا
ريقلت السلاح ..بلع ريقوا بالوقت
👤: بب باااهي تو نقولك
أوس؛ وووييييين
👤: ورا الباب اذاكا فما دروج خليني نعيش أمانك
تلفتت للرجال نحكي
أوس؛ اتهلاو فيه
نزلت الدروج هاذوك نجري الظلمة ...كبست عالسلاح و باقي نتسلل ..الرجال خليتهم مع كيم برا ..ريت ضو بدا يبان ..دوب ما قدمت عارضني ممر كبير ..غزرت للرجال اللي مقتولين ..قلبي حبس ..للحظة سخايلت اللي هوما داوها من هوني ..قدمت عارضني اكا العساس كي خرج .. و حاكمها من كتافها..عينيا تحلووووا ..هز راسو غزرلي ..غزرتلوا و غزرتلها ..هزت راسها جات عيني في عيني ...احساس ندرا كيف .. متوقعتش اللي بعد 3 سنين تظهر عايشة .. و واقفة قدامي توا ..قدمت عندها فيسع ..عينيها معبيين بالدموع ..حطيت يديا على كتافها ..نتحسس اللي راني نشوف فيها توا موش نسخايل كهو ..باقية جامدة في بلاصتها .. لفيت يديا عليها عنقتها ..معملت حتى ردة فعل .. بعدت عليها شوي باقي حاط يدي على كتفها ..غمضت عينيها بالقاوي و حلتهم ..عدات عينيها عليا و ترمات في حضني ..
سيرين؛ أوس انتا حقيقي موش هكا اه موش نحلم كيف كل مرة احكيي شبيك ساكت أماااانكك احكي
أوس؛ سيرين اهدا
ترمات عليا كثر باقي تبكي ..غزرت لاكا الحارس ..
الحارس؛ باش نشوف الحال برا فيسع باز يكونوا كلموا القائد
أوس؛ باهي
سيرين؛ أوس أمان خلينا نخرجو من هوني
أوس؛ سيرين لاااا
سيرين؛ باش يقتلووووك هياااا أماااان
أوس؛ سيرين يزي  حبس ما تجري
سيرين؛ باش يولي هو باش يقتتلك هياا أوس فيسع
أوس؛ السينيور ؟؟
سيرين؛ اي هياااا
أوس؛ اخرج تو نلحقك
سيرين؛ لااا نخرجو كيف كيف
'""""""""": ولا باش تموتوا كيف كيف زادة هاك نورتنا أوس بن مالك
⏩⏩⏩⏩⏩⏩⏩⏩⏩⏩⏩⏩⏩⏩
#خطوة_نحو_الجحيم
#يسرى_أمجوج