خطوة نحو الجحيم 3 ( باللهجة التونسية)

الحلقة 84

الحلقة 84:
قدمت عندي ترمات عليا ...لابسة الكاب متاع الدوش كهو ...
اليف؛ توحشتك اوس
أوس؛ *** تعرف اللي انتي جيت لموتك
اليف؛ موت شنوووة أوس فاش تحكي ياخي
أوس؛ مزلت تلعب فيها اليف عرفت كلش
قدمت ليا حاوطت رقبتي بيديها ...جبهتها على جبهتي ....حطيت يديا على وسطها دزيتها للتالي ..جيت فوقها تبسمت ...كبست على يديها لفوق ..و ڨحرتلها ....
اليف؛ كنت نستنا فيك تعرف توحشتك برشا
أوس؛ كرهتك اليف على قد ما حبيتك علاش عملت هكا فهمني
اليف؛ الحب والحرب يا اوس ديما مع بعض ..تعرف علاش ...خاطر باش تحارب على جال شكون تحب ...و زادة باش تحب الحرب ...باش تنجم تفوز...وفالتالي حد ما يحب يخرج خاسر...
أوس؛ علاش سيرين بصح !!
اليف؛ ههه تضحيات صغيرة على جال منفعة كبيرة ...و فالتالي هاي معاك وما خصها شي ...
أوس؛ شنية منفعتك من هاذ الشي الكل
اليف؛ يمكن اني عديت فترة حلوة برشا.. اصلا تعرف هاذ الشي انتا
أوس؛ طلعت تلعب بيا هكا
اليف؛  صحيح كان كلشي لعبة اما حبيتك لدرجة سلمت في روحي خاطرك
أوس؛ ههه حبيتني اليففف تعرف اللي انتي خليتهم يغتصبوا خطيبتي ..و انتي تضحك
اليف؛ هي جات في الطريق كهو كيفها كيف غيرها
أوس؛ ********
نطرت من فوقها...هزيت الفرد اللي فوق التابل صوبتوا ليها ..تبسمت ووقفت ...
اليف؛ هههه اممم باش تصوب هوني في قلبي ولا هنا في كرشي ....ههه لا لا في راسي بين عينيا ...نعرف تعرف تصوب ...هياا اوس نقدم كثر باش متتعبش باهي ..قدمت عندي ما فماش مسافة بيناتنا ..غزرتلها غمزتني .. ريقلت الفرد حطت يديها ورا ظهرها ...غمضت عينيها وتبسمت ..احساس غريب تملكني .. قلبي يوجع شبيني ...متردد ...الفرد دوب ما راني حاكموا ..حلت عينيها غزرتلي ..قدمت عندي ...حطت الفرد على كرشها ...حاوطتني من رقبتي ..
اليف؛ احساس غريب وقت تبدا النهاية ... اما حلوة برشا اللحظة هاذي
قدمت ليا اكثر..حطت جبهتها على جبهتي ..باقي نتنفسوا نفس الهوا ..حطت شفافها على شفافي باستني بوسة خفيفة ...وبعدت
أوس؛ الييف يزي
اليف؛ باش تحرمني من هاذ اللحظات زادة أوس
عديت يدي على شعرو نزلت على وجهو لين وصلت للحيتوا...
اليف؛ تعرف اللي انا حافظة كل تفصيل فيك .. و نعشق فيه .. شهور كهو ...اما كانوا حياة ..محسيتش هكا انتا ؟
أوس؛ علاش فسدت كلش اليف ...كنتي تلعبي عليا كنتي تابعتوا ...و..
اليف؛ اما حبيتك و انتا تعرف هاذ الشي ...تحس فيه في قلبك
حطت يدها على قلبي ...و اليد الثانية حطتها فوق يدي اللي حاكم الفرد...
اليف؛ تعرف الشي اللي مصبرني انوا هذا القلب خبط على جال عالأقل نهار واحد تذكرو أوس كانت أحلى ليلة ..اما. توا يخبط لسيرين خاطرها خطيبتك و حبيبتك ...
أوس؛ الييف مزال
اليف؛ الوقت مبقاش اما
طلعت يدي الثانية لفيتها على رقبتها و غطست في شفافها ...منعرش علاش عملت هكا ...اما قلبي يوجع فيا ..اللي نعرفوا انو تبعت احساسي كهو..جبدت روحي شوي ..
أوس؛ نعشق فيك علاش عملتلي هكا
منحبش تجاوب على أسئلتي خاطرني نعرف الأجوبة متاعهم ...غطست فيها كثر ..فقت وقت سمعت صوت الرصاصة ..جمدت وقت غزرت لدمها ..لحقت طلع يدي جيهة قلبها و تكبس عالفرد ..
أوس؛ الييييييييييييف شعملت ياخي
جات باش طيح ...لقفتها و نزلت بيها للأرض ..غزرتلي و تبسمتة
أوس؛ اليييييف علاش عملت هكااااا عيش حبي قاوم ...ملازمش تموت ..
اليف؛ الن نهاية أوس نعرف ما تنج مش تعمللها امما باش تبقى مأنب على حق سيرييين ..و و زادة مففماش مستقبب ل ليناا
أوس؛ فمممماااااا اليف فما هيااا
اليف؛ أوووووس حبس مبقاش وقت اممااا ن
أوس؛ اليييييف تعيييش ما تموتش ما ننجمش بلا بيك وراس حبي ما ننجم
اليف؛ نحبك أوس
تبسمت ..ترخفت يدها اللي حاكمها
أوس؛ الييف اليييف قوم يزي من اللعب الماسط نفد منو حبي امانك
حطيت يدي نتحسس في نبضها ...لقيتوا حااااابس
أوس؛ الييييييييييييييييييف
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم