خطوة نحو الجحيم 3 ( باللهجة التونسية)

الحلقة 87

الحلقة 87 :
سيرين؛ هديل باش نسقسيك بربي جاوبني
هديل؛ شفما ؟
سيرين؛ وينها البنت اللي حبها أوس
هديل؛ سيرين الحقيقة
سيرين؛ من غير ما تتردد نعرف اللي هو حب طفلة خلاف و منحبش نكون في طريقوا هو راح عندها هكا
هديل؛ سيرين منجمش نفهمك بروحي موش فاهمة اللي يصير تو كي يجي أوس يفهمك عزيزتي
سيرين؛ باهي
طلعت لبيتها ..عديت يدي على وجهي ..خرجت للجاردان ناخو نفس .. باقي نخمم يعني اليف تعمل هكا ...منعرش شبيني موش مأمنة الحكاية .. حسيت بيديه كي تحطوا على كتافي ..ودورني ليه
كيم؛ شبي حبي ساهرة لتوا
هديل؛ شي عرفت أوس وين ياخي؟!
كيم؛ غدوة باش يرجع لإيطاليا
هديل؛ علاه وينو توا؟؟
كيم؛ إسپانيا
هديل؛ شيعمل هونيك هو؟
كيم؛ اليف هونيك
هديل؛ تلاقاها هوااااا !!!
كيم؛ لا ميحبش يشوفها
هديل؛ خاطرو حبها مينجمش ياذيها اللي يحب عمروا ينجم يأذي اللي يحبوا
كيم؛ زعما باش يتعدا هاذ الشي وقت يغزر لسيرين
هديل؛ الموقف اللي هو فيه صعيب برشا
كيم؛ أوس قوي باش يتعداه
هديل؛ انشاالله
......................
اليف؛  تاعبة كيما جامي تعبت
أمير؛ حاس بيك والله
اليف؛  و سراج شكونو خوك ؟
أمير؛ لا خوك
اليف؛ خويا انا ؟؟؟
أمير؛ ممم
احساس ندرا كيف انوا يطلع عندي خويا ...توا منعرش شباش نعمل ..وصلت لنقطة حبس فيها كلشي ..هزيت راسي غزرتلوا
اليف؛ جعت
أمير؛ ههههههههههههههه
اليف؛ شبيك تضحك
أمير؛ شي ههههه شتحب تاكل ؟
اليف؛ الڨلاس و يكون طعم متاع الليمون
أمير؛ اليف منين تحبوا توا تعرف اللي راهي ال 3 متاع الصباح
اليف؛ جات في هادي صعيبة عليك ؟
أمير؛ باهي تو نرجع
اليف؛ باش تخليني وحدي هوني
أمير؛ حد ماو باش يقدملك هوني
اليف؛ أمير نحب نخرج فديت هوني
أمير؛ باهي هيا
قامت من بلاصتها.. مسحت التراس متاع الدموع ..رجعت شعرها للتالي ..باقي نتبع فيها بعينيا ..مشات شوي ..تبعتها باقي نمشيو لين وصلنا للكراهب ..حليت الكرهبة تعداتني ركبت ..خالطت عليها خدمت الكرهبة ...باقي نلوج على واحد حال ..
اليف؛ حببببببس
أمير؛ شفما !!!
اليف؛ هوكا واحد
أمير؛ فجعتني تقول شي رايحة تزيد
اليف؛ ههههههههههه
أمير؛ ههههههههههههه
اليف؛ ههههه سخطة ضحكتني هيا يزيد يقفل ..تترسالك تحوس ليل كامل
أمير؛ هيا
نزلنا ...رحنا لاكا الحانوت ... دخلنا قعدت قدام  الكونتوار و هو زادة ...جا النادل
اليف؛ نحب ڨلاص كبير متاع قارص
باقي يغزرلي مبهم ...
اليف؛ شبيك تغزرلي جامي شفت حد ياكل ڨلاص توا مالا حالة
أمير؛ هههههههههههه
اليف؛ شبيك تضحك زادة انتا
أمير؛ راك فإسپانيا ميفهمش الإيطالية
اليف؛ ههههه شيعرفني انا ديجا الإيطالية بسيف ما تعلمتها نزيد نتعلم الإسپانية
أمير؛ Helado de limón por favor
النادل : sir presente
اليف؛ فيسع شبيه بطيء هكا
أمير؛ الييف اصبر شبيك ياخي
اليف؛ امير موش بيدي والله
حط الڨلاص قدامها غزرتلوا و هزت راسها تڨحر للنادل ..
أمير؛ شفما زادة
اليف؛ شبيه صغير هكا
أمير؛ ههههه كول تو يزيدك
اليف؛ منحبش
أمير؛ los serviré yo  mismo un poco exigente pagaré a cambio
للنادل : Asi como desee
راح أمير جيهة منين يدخلوا دخل و قابلني
اليف؛ شقلتلوا ؟؟
أمير؛ قلتلوا اللي انتي متطلبة برشا على هذا باش نخدمك أنا
اليف؛ انا متطلبة !
أمير؛ الظاهر
اليف؛ افف باهي المهم. حطلي واحد كبير و في كورني
أمير؛ كون يطيح انتي تتحمل العواقب
اليف؛ هههه فيسع
حط كورني كبير تي عباه هههه ..دوب ما مدهولي غطست فيه ناكل و نتبنن .. تلفتت وقت حكات معاه وحدة ..هزيتلوا براسي متاع شفما
أمير؛ في بالها نادل تحب كورني كيف متاعك
دورت ڨحرتلها ... هزيت يدي عملتلها بيدي بلي هو يخدمني أنا كهو ..و عملتلها باي باي ..قامت كشاكشها طالعة ...تلفتت غزرتلوا و ضحكنا بالوقت ...كملت ناكل و هو مقبلني يغزرلي ندرا كيف ..
اليف؛ أمير
أمير؛ اممم
اليف؛ مرسي
أمير؛ على شنوة!
غزرت للتراس متاع الحبل و صوابعو اللي على يدها
اليف؛ مرسي خاطرك خلصتني منو يمكن وقتها كان مجيتش كان باش
حطيت يديا على يديها و كبست. عليها
أمير؛ اشششش ط*** ما يحط يدو عليك مدامني عايش
جبدت يديها غزرتلها
اليف؛ تعرف اللي انا سامحتك على الشي اللي تعدا كهو خاطر عملتك معايا هاذي
أمير؛ تساوينا يعني
اليف؛ تنجم تقول إي
أمير؛ باهي
اليف؛ صحا نحب كورني آخر توا
أمير؛ مشبعتيش ؟؟؟
اليف؛ شمدخلك أه هههه
أمير؛ هههههههه عندك تحكمك ڨريپ نحصل فيك
⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم