خطوة نحو الجحيم 3 ( باللهجة التونسية)

الحلقة 91

الحلقة 91 :
اليف تحكي :
وقفت نغزرلهم ... رغم كلشي تعدا .. و اللي قاعد يصير نحس في روحي وحدي .. أوس كان معمرلي حياتي ..متوحشتوا برشا .. أكثر شي نحب عليه توا أني نعنقوا كهو .. غمضت عينيا تعداو بين عينيا ..ذكرياتنا كيف .. شعرو ضحكتوا اكا العضلات ... احساس غريب متملكني نحب نعدي يديا عليهم ..جاني سراج ..تبسمتلوا ..
سراج؛ الييف انتي فرحانة موش هكا
غزرتلوا
اليف؛ اممم
سراج؛  عينيك يقولوا اللي انتي تاعبة
اليف؛ طمن سراج مرسي
سراج؛ تعرف علاش مقتلناش أوس رغم انو عرفنا انو تابع للبوليس
اليف؛ علاش
سراج؛ خاطرني نعرف اللي انتي تحبوا
تعمقت ف غزرتي ليه نستنا شباش يكمل ..ككحك
سراج؛ اما هو وقت يعرف اللي انتي من عيلة المالكي باش يكرهك و زادة خطيبتو
اليف؛ باهي باهي نعرف سراج من غير ما تحكي
سراج؛ نعرف متنجمش تتحمل اليف اما مدامني خوك واجبي ننصحك
اليف؛ عيشك
سراج؛ دير في بالك انك موش محبوسة هوني ...انتي هوني خاطرك تنتمي للعايلة و عندك الحق في كلشي ..  و مدامك من عايلة المالكي ...توا باش يكون ليك أعداء ...اكبرهم ال cosa nostra ...على هذا خوذ حذرك .. وتأكد شي ماو باش يمسك مدامني حي ..
قدمت ليه عنقتوا ..نزلوا دموعي بالوقت .. قداش مليح يكون عندك خوك يخاف عليك ... ينصحك .. عامين وكثر تعداو عايشة وحدي .. عالم كئيب وقت متكونش عندك عيلة ..لف يديه عليا ..
.............
سيرين تحكي :
جبد روحو شوي ...حليت عينيا غزرتلوا .. عينيه حمر دم ... سارح موش هوني جملة ..حطيت يديا على وجهوا .. غزرلي ..
سيرين؛ شبيك ؟
أوس؛ تاعب ...تاعب برشا سيرين ..
سيرين؛ ايجا
حكمتوا من يدو نمشي فيه ... دخلنا للفيلا ..طلعتوا لبيتوا .. يبان مهدود عاللخر .. قعدتوا فوق السرير..جبت البوات فارماسي عقمتلةا الجرح .. و حطيتها ... حطيت يديا على كتافو و تكيتوا للتالي .. غطيتوا ...حطيت يدي على وجهوا ..غزرلي
سيرين؛ كلش باش يكون مليح .. نعرفك قوي و شي ما يهدك ..باز تضعف ساعات .. اما دايما نوليو خطوة للتالي باش ننجمو نقدموا للقدام ..
باقي يغزرلي .. دوب تبسمتلوا... عديت يدي طفيت الضو و خرجت ... جريت طول لبيتي حكمتني غصة متاع بكا ..نزلوا دموعي لين وليت نبكي بالشهقة.. جامي ريتوا فهاذ الحالة ..، اول مرة يكون هكا ...قلبي وجعني عليه كان نجمت .. نحمل وجيعتوا الكل ..حطيت يدي على شفافي نتحسس فيهم ... يديا يرجفوا ...آخر شي توقعتوا ..أنو باش يجي يوم و يكون قريب ليا هكا ... اصلا وقت عرفت لي فما وحدة في حياتوا ...توجعت برشا منجمش نوصف وجيعتي ..اما من  حقو يحب .. أصلا نيالها اللي يحبها أوس .. شنحس توا منعرش شعور غريب مخلط ..بين دهشة و وجيعة ..،خاطرو يحب وحدة خلاف ..علاش قدم يبوسني ...علاش ردني لثلاث سنين للتالي وقت كنت كان انا وهوو..كنا نبنيو أحلامنا ... و واش باش نعملوا ...مخططات القدر صعيبة ...خاطر  تحطنا في مفارقات..وين ما نجموش نتوقعوا شباش يصير فالدقيقة الجاية ..،انا مثلا جامي توقعت انو يتحول مصيري من وحدة ليوم عرسها ... لوحدة مغتصبة و خطيبها في بالوا ميتة ... و توا بولد في دارو ... و هو يحب وحدة خلاف .،،هاذ التعقيدات هي اللي تخلينا نتمسكوا في أمل ...كيما تخلينا نتوجعوا كثر .. هزيت يدي نمسح فالدموع .. هزيت راسي غزرت لجود ..قدمت قعدت على طرف السرير ،،،نعدي في يدي على شعروا يمكن هو الوحيد ..اللي ربحتوا من هاذ الحكاية الكل ... حكمت يدو .. حطيت راسي عالمخدة..هكا كهو ننجم نرتاح عالأقل شوي ..
.......
اليف تحكي :
واقفة فالبالكون ... قلبي موش مطمني .. احساس غريب اجتاحني .. متقلقة على أوس ..نحب نكلموا .. و زادة موش حابة ..خاطرني نعرفوا كان حاب يوصلي كون راهو توا قدامي ... ينجم يعمل كلش ...هزيت التيليفون طتبت نومروه .. باقي مترددة ..،خايفة ..،خايفة كان يكونو توا عايشين حياتهم على اذاكا نساني.. و زادة عندها ولد على هاذي ..محال يسلم فيها أوس و نعرفوا .. ضربت في راسي هديل ...احسن شي اني نحفظ النوامر بالخف .. خدمت نومروها وكلمتها ....هزت ..
اليف؛ هديل بونصواغ اليف معاك
كيم؛ منيش هديل
⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم