خطوة نحو الجحيم 3 ( باللهجة التونسية)

الحلقة 86

الحلقة 86:
لقيت الحارس اللي كان يخدم عند علي ...تحت التهديد اعترف اللي عندو برشا هويات من بينها انو حاط اسمو علي في دزاير...ف إسبانيا كان معروف باسم ماثيو ...عام وانا نحوس في دزاير لين لقيتك ..كنتي وقتها بوليسية....وقت ريتك تبدلتي برشا على اليف الصغرونة اللي كنت نعرفها..كنت باش نجيك نخبرك كلشي ..اما ريتو وقت جا يوصلك للدار كيف معنقتوا وتقوليلوا بابا..غزلت كثر..بعدها هديت عليهم انا و سراج ..عذبتوا حق ما عمل في عمي مالك و طاطا سلوى ..خاطرهم هوما سباب كلشي ..يعد ما ماتت امو و مرتوا و بنتوا زادة ..سقسيتوا علاش خطفك و عمل الشي هذا الكل ..خبرني اللي هو كان يعرف اللي باباك عاملك في حسابك فلوس مينعرفش طرفها وين ..و حط كيف كل فرد فالعايلة ..انو تنجم تتصرف وقت يكون عمرك 25 سنة ..هذا قانون عيلة المالكي ..كان يحضر فلورق باش ينجم ياخوهم من غير ما تفيق ..على أساس هو خباهملك ..قتلتوا بست رصاصات و مبردش قلبي لتوا ...
شعل دخان و كمل يحكي ...
حاولت نحكي معاك وراها اما ريتك كيف ..دخلت فاكا الحالة متاع الإكتئاب ...كنت متبعك خطوة بخطوة ...على اذاكا بعثتلك اكا المرا الكبيرة تنصحك بطبيب نفسي ...و جيتي لعندي بالطبيعة كلش يمشي في دزاير كي يعود عندك فلوس ...حاولت نخرجك من حالتك على قد ما ننجم و انتي تعرف هاذ الشي و بعدها ..
اليف؛ بعدها خليتني
غزرتلوا في عينيه ..خرج الدخان من فمو ..
أمير؛ اليف كنتي بديتي حياتك و نجمتي تعيشي ايطاليا كانت الدوا لحالتك ..
وقتها الجدة الكبيرة اللي هي ماريا عرفت بكلشي .. أمرت انو نخليوك بعيدة على إسبانيا خاطر وقتها مكانش فما استقرار صرات حرب كبيرة مع الكوزا نوسطرا .. و زادة حبتك تتعلم تكون قوية ،،انا بعثتني لروسيا خاطر ،،تجارة العايلة كانت في خطر هونيك ،،اما سراج باقي يتبع فيك .. وقت دخلت مع أوس بن مالك فالشي هذا .. يعني خلاك تعمل اللي تحب باش يثبت لماريا ..انك قد المسؤولية ...باش تنجم تاخوا منصبك فالعايلة  و يتحل الكونط متاعك .. كل حد فينا عقب اختبار قوة باش ينجم يثبت روحو فالعايلة ،، كلشي كنت تعملوا كان متبع ..وقت رجعت من روسيا كنتي ديجا وصلتي لتركيا ..سراج جاوه أخبار ..متاع سيلا و اللي هي خطفتك ..كان باش يجي هو لتركيا ..اما قتلوا انا نروح..و
اليف؛ ووقت جيت كان مؤيد
غزرت للتراس اللي في فخضي و على يديا ...نزلت دمعة سخونة  ...
أمير؛ سامحني اليف موش بيدي
هزيت راسي غزرتلوا
اليف؛ هههه جات في هادي كهو أمير الشي اللي كنت نسمع فيه حبسلي راسي راهو
أمير؛ نعرف اما لازم تعرف باش متبقاش برشا أسئلة فراسك
اليف؛ مزال و سيرين انتوا ورا حكاية اغتصاب متاعها  و العايلات لخرين
أمير؛ لا وائل
اليف؛ وائل!! تقصد  اكا السخطة اللي
أمير؛ وي حنا خدمتنا الأساسية هي التهريب متاع السلاح ..حكايات الإغتصاب لا
اليف؛ وين كانت هي ؟
أمير؛ حابسها في تركيا و أوس خلصها عندها ولد يجي في عمرو عامين اكاكا ..
اليف؛ وولدها !!!!!
أمير؛ وي
اليف؛ هههههههه أمير تفدلك هكا ؟!؟
أمير؛ لا
اليف؛ واااو و توا أوس معاها هكا
أمير؛ باز
اليف؛ لا أكيد خطيبتوا راهي ..كانوا باش يعرسوا ... مزالوا يحبها أصلا وصل للموت ...غير باش ينتقملها .. كان مهما يكون معايا اما غزرتوا تبعد ..وقت تجي في بالوا ... تعرف امير اني اكثر وحدة نحسدها هي سيرين ..صحيح متعاطفة مع الشي اللي صرالها ..اما اغزر لحالتي توا ..انا الوحيدة اللي طلعت خاسرة ..خاطر كنت عايشة 24 سنة من حياتي كذبة ...و فالتالي ندخل روحي في جحيم .. حياتي كانت فوق خيط باز تكون بخير باز نو...سلمت في برشا حوايج ..وصلت نحب و نضحي .. جريت ورا انتقام مكانش منو ... فالتالي طلعت سيرين عايشة ..و اكيد هو انتقملها يعني بالمختصر ...كلش باش يولي لبلاصتوا
كان انا وصلت لنقطةةمنعرش شنعمل توا .. تعرف اللي كنت حابة نشوفوا ..اما توا لا خاطر باش يشفق عليا .. في عوض ما يكون معاها ...زعما باش يفك خطبتوا معاها على جالي ..بعد اكا اللي صرالها محال ... طلعت خاسرة أمير ...كيف كل مرة .. خاسرة و موش أي خسارة ...كلش تقلب ..
⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم