الحلقة 94 :
أوس يحكي :
حليت عينيا .. تاعب علخر .. غزرت للساعة لقيتها 11 .. دخلت لبيت البانو عملت دوش خفيف .. صحصحت بيه .. بدلت دبشي و نزلت .. دخلت للكوجينة .. شربت قهوة مدوزية.. تفكرت شصار البارح الكل .. كيف ريت الفيديو و هي في حملتوا تشطح ..لين بست سيرين .. مكنتش باش نقربلها ..حاير في روحي كيف عملتها .. كنت أكثر شي نحب عليه اني نرد الفازة .. ننجم نتوقع كلشي كان اني نشوفها مع حد خلاف ..
كيم؛ بونجور
أوس؛ كيم صافا
كيم؛ مليح و انتا
أوس؛ صافا
كيم؛ حالتك متقولش هكا
أوس؛ تاعب شوي
كيم؛ تي مزالك تخمم فيها انتا !
أوس؛ منعرش كيم فما تناقض كبير في راسي
كيم؛ رسلك الجنرال انتا زادة الفيديو متاع البارح
أوس؛ اممم
كيم؛ شمزال توا لازم نحكموا عليهم الأدلة باش يرشاو فالحبس بالواحد ..كلشس ظهر توا ..انتا متردد كهو خاطرك حبيتها .. و اذيكا غلطتك و توا لازم تفيق..
أوس؛ باهي اقفل عليا السوجي توا
كيم؛ باهي احزر شنوة عندي ليك مفآجأة
أوس؛ ههه شفما
كيم؛ باش نعرس
أوس تحكي بالحق ياخي !!
كيم؛ ههه لا باش نسبغ شعري صفر و يجو يخطبوني يا روحي
أوس؛ هههههه *** مبروك عليك
قمت عنقتوا و سلمت عليه ..
أوس؛ هديل وين ؟
كيم؛ برا مع سيرين
أوس؛ هيا نباركلها
خرجنا لقيتها قاعدة مع سيرين ،، دوب ما شافتني غزرتلي .. كانها تحب تطمن عليا ..
أوس؛ بونجور
سيرين؛ بونجور
هديل؛ صباحو
أوس؛ هاك باش تزوج يا فرخة .. اما كيم كيف طحت على راسك
هديل؛ أووووس تتمقصص ياخي
أوس؛ هههه نفدلك ايجا هوني مبروك
عنقتها .. جات عيني في عينين سيرين .. مزغللين بالدموع .. بعدت هديل
أوس؛ وكتاه
كيم؛ بعد غدوة
أوس؛ ههه شبيكم مزروبين تقولولييش فما بمبينو زربلكم السيناريو
هديل؛ أوووووس
أوس؛ هههه منحشمش نعرف هات الجديد
كيم؛ ههه لا طمن اذاكا الساهل جاتنا فكرة كهو اصلا نحبوا عرس فينو على الطريقة الإيطالية صاحبي
هديل؛ اما باش نعملوا حفلة راقصة غدوة فيها ثنائيات يعني ملخر وجد روحك للشطيح نعرفك ما تقصرش
أوس؛ ههههه تي كيم مزلت تحب تعرس بيها عندها أفكار من الفضاء
كيم؛ هههه شقولك نبطل
هديل؛ هههه غدوة نعتولي شطارتكم باهي تمقصصوا توا بالقدا
جود؛ ضحكوني معاكم ثفما ؟
هديل؛ ههه هاذو الزوز باش يشطحولنا الرقص متاع العصر الحجري غدوة
جود؛ ميثطحوث الهيب هوب ياخي
سيرين؛ هههههه
كيم؛ تعرف الهيب هوب انتا
جود؛ بالطبيعة هه
هديل؛ باهي أوس سيرين باش تروح معايا نختارو دبش و حوايج لازميني
كيم؛ انتا زادة باش تجي معايا جود تجي معانا
جود؛ ماماتي نروح معاهم
سيرين؛ اي متعبهمش باهي
جود؛ اوكي ماما نحبك ..
قدم ليها باسها .. ركبنا الكرهبة و هوما زادة .. و كل حد خذا ثنيتوا ..يومين كهو يفصلوني باش نكون مرتو ...أول مرة تلاقيت بيه تعاركنا .. اما مع الوقت حبيتو .. فازاتو خوفو عليا .. كان تعويض على بعد امي و بابا ليا ..خاطرهم في تونس .. وقت قلت لامي لي انا باش نعرس ..تغششت خاطر تحب تعملي ...عرس مطنطن كيف ما تقول ..بالتقاليد .. اما تفهمت .. لعشية تلحق مع العايلة زادة ..عيلة كيم تاني من تونس ..باش نتلموا الليلة فالفيلا متاع كيم ...نحب عرسي يكون فيه لمسة مميزة .. بحكم نحب الشطيح اخترت نعمل حفلة هكا و بعدها ّنعمل صداق و عرس عادي .. عدينا النهار الكل نختار فالدبش .. و الروب شديت صحيح ميجيش معايا كيم خاطر يقول فال سيء..سيرين زادة اصريت عليها ..باش تاخو دبش .. نحسها موش لاتية جملة .. عايشة كهو..تفكرت اليف وقت كنا نفدلكوا .. باز كون مصراش الشي اذاكا الكل .. راهي معايا توا .. حتى كيم وقت نحالي التيليفون .. و حكا معاها .. قلبي وجعني .. خاطر رغم كلشي ،، كنت دايرتها كيف أختي .. دوب ما كملنا خبرت أوس اللي لازم يفوتوا هاذ ليام معانا .. على اذيكا تلمينا و وصلت عايلاتنا بالوقت .. عندي برشا مفرحتش هكا .على اذيكا يقولوا اللي فرحة العرس وحدها
⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
أنت تقرأ
خطوة نحو الجحيم 3 ( باللهجة التونسية)
Hành động🔥خطوة نحو الجحيم 🔥3🔥 اكسترا الجزء الثالث 👇: اليف؛ شكون قال بلي يجي النهار و نتواجهوا هكا أوس بن مالك أوس؛ زايد الكلام معاك اليف؛ هه بالطبيعة ماك خذيت اللي تحب عليه أوس؛ ههه تعرف اللي كنت ق*** كيف أي وحدة عديت معاها أي ليلة أما انتي لا شيختني...
