خطوة نحو الجحيم 3 ( باللهجة التونسية)

الحلقة 85

الحلقة 85 :
حليت عينيا نعيط غير عليها ...تقعدت من على. الفوتاي باقي ننهج ... هزيت يدي نمسح فالدموع اللي نزلوا ...رحت للدوش غسلت وجهي...كلش يبان صح ..منعرش شبيني فرحان خاطر منام كهو..تركزت على السبالة ...قوتي مهدودة عاللخر ...فالتالي تأكدت اني منجمش ناذيها...نكذب على روحي كان نقول ..انو كرهتها و منحبهاش..رغم كلشي عملتوا ...وقت تبدا الحكاية متعلقة بموتها نفشل...عاودت غسلت وجهي ..مسحتوا و خرجت ....
.................
اليف؛ موش باش نتفآجأ كثر
أمير؛ صافا ؟
اليف؛ هههه عادي يعني
تلفتت نحيت التوت ..و مشيت قعدت فالمرجوحة ...نروح ونجي ...و مرة على مرة ناكل حبة توت ...منحبش نغزرلوا ...آخر حد توقعت نشوفو من جديد ..هو و يزيد يقولي بلي اسمو امير .. عام كامل عشقتوا فالتالي كي رجعت مفماش طبيب اسموا محمد ...و يطلع توا اسمو أمير ...هزيت راسي غزرتلوا ....كيف واقف و يغزرلي ..هزيتوا وحطيتوا ... منعرش شنية اللي باش يفاجئني اكثر..اني نظهر موش بنت العايلة اللي كنت حاطتها عايلتي ..ولا انو دخلت في مهمة الكل يحب عليا ...ولا انو الطبيب اللي داواني و عشقتوا اختفى لين حسيت روحي مهبولة و انا نسقسي عليه ...يطلعلي توا و يطلع اسمو أمير...حياتي دراما عاللخر...اللي نحب عليه توا انوا نلقا أوس كهو ...و نتأكد اللي هو مليح ...لازم نلوج على طريقة باش نخرج من هوني ...مهما كلفني ...
سراج؛ أمير شعملت فال
تلفتت غزرلي طفيتوا ...
سراج؛ الييف صافا توا ؟
اليف؛ شعملتوا لأوس ؟
سراج؛ شي معندناش اصلا الوقت ليه ..
نزلت من المرجوحة ...طبقت يديا و غزرتلوا ...
اليف؛ كي عاد هكا وينو ؟
سراج؛ مع سي
أمير؛ سراااج موش توا
اليف؛ شنييية اللي موش توا انتا ؟؟
سراج؛ برا كول شي و ارقد
اليف؛ باز متعرفنيش وقت نجن و كان في بالك نخاف غير انسا توا من التالي شعملت لأوس ؟؟
سراج؛ أوس متاعك مع سيرين لاهي
تصدمت
اليف؛ س س سيريييين !!!!!!!!!
أمير؛ سرااااااج *** قتلك موش توا
اليف؛ هههههههه هاذي التالية ههههههههههههههه شمازال ياخي ...حية هي ..
تفكرت وقت كان رايح ...وجهو مبدل و اكا البرود اللي تعامل معايا بيه ..
اليف؛ آ توا فهمت هو راح يسلكها ههههههههه واااو هههههههه
رجعت بخطوات للتالي ...اللي تمر بيه موش ساهل عليها ...قدمت ليها شوي
اليف؛ بععععد انتا بالذات متقربليش
أمير؛ اليف
اليف؛ قتلك بععععععععد
أمير؛ باهي اهدا
اليف؛ زيدو شمزال زادة ...هههه علاش بقا كثر من الشي اللي سمعتوا ...ههههههه
اكا الضحكات ولاو دموع ...رجعت بخطوات للتالي ...بلاك كنت نحاول نرجع للماضي عالأقل ...قعدت نزلت راسي للتحت ...دموعي باقي ينزلوا ...هزيت راسي غزرت للسما ...وجيعتي توا منظنش فما وجيعة قدها ... تلفتت ريتو كيف  قاعد بعيد شوي يرحي فالدخان و يغزر للفوق ...سراج مفماش ... غزرت للتحت ...زعما أوس رجعلها ...ههه علاش ما يرجعلهاش ...خطيبتوا كان باش يتزوج بيها ... أصلا كيف باش ينسا حب سنين خاطري شهور كهو... هزيت راسي وقت قعد قدامي ...غزرتلوا و نزلت راسي معنديش خلاق اني ناقش حد ولا نحكي مع حد
أمير؛ مهما سمعت مترجعش للتالي اليف خاطرك باش تضعف ..
اليف؛ هههه انتا آخر حد باش نسمع منو نصيحة من غير  ما تعب روحك ...اما قولي شمجيبك هوني
هزيت راسي غزرتلوا ..جا بين عينيا اكا الوشم متاع التاج اللي في رقبتوا ...رغبة جاتني اني نعدي يدي عليه ...دورت راسي نغزر للبعيد ..
أمير؛ ولد عمك
هزيت راسي غزرتلوا
أمير؛ انا نكون ولد عمك يمكن متذكرش طفولتك بالقدا خاطرك كنت صغيرة برشا كنت انا وقتها في عمري 6 سنين ... أغلب وقتك كنت تعديه معايا خاطرك تخاف من لولاد ...وقت خطفك علي اللي في بالك باباك هربك ...حد ما نجم يوصلوا ....آخر توقع جا في بالنا انك تكوني في دزاير ...خاطر أصولنا من تونس ...العداوة اللي خلات علي يخطفك انو باباك اللي هو عمي ربحوا في مناقصة كبيرة في مشروع هوني فإسپانيا ...فلس للخر ...بعدها تقرب من باباك حتى ولا  مدير التنفيذي متاع المشاريع فشركات Luis for commerce لويس للتجارة ... ولا يجي حتى للقصر ...لين جا النهار و خطفك كان يعرف انووو انتي اغلا شي عند باباك على هاذي حاب يكسر شوكتوا بيك ... وهذاكا اللي صار...بعد خمس سنين باباك مات نتيجة مرض القلب ... امك توفات بعدو ب 3 سنين ...الكل يأسوا انهم يصيبوك ..في بالهم متتي ... غير انا و سراج بقينا نلوجوا ..دخلنا لعالم المافيا و السلاح وقت كنا باش نخسرو كلشي ...أصلا هكا نجمنا نثبتوا روحنا كأقوى عايلة مافيا في إسپانيا و إيطاليا ... مافيا sanza frontiere (بلا حدود) ...صحيح مفماش اكا الاستقرار ...اما هكا اي حد يسمع اسمنا يعمل الف حساب
   ⏩⏩⏩⏩⏩⏩⏩
#خطوة_نحو_الجحيم
#يسرى_أمجوج