خطوة نحو الجحيم 3 ( باللهجة التونسية)

الحلقة 81

الحلقة 81 :
مشيت بخطوات للتالي ..لين تخبطت فالحيط ..غمضت عينيا بالقاوي ..غرزت يديا في شعري ..كل شي نعيشوا يطلع كذبة ..خبطت راسي للتالي ..حسيت بحاجة سخونة نزلت من راسي..ريتو وقت قدم ليا هو و اكا الطبيب ..غمضت عينيا و ما عاد حسيت بشي ..
أوس يحكي :
مخي باش يتحرق ..تي تقولشي فص ملح و ذاب ..حطيت راسي للتالي ..منحبش نخمم اللي هي ماتت مستحيل ..غزرت لسيرين كي دخلت هي و هديل ..اصلا وصيت تبقا معاها ..و متخليهاش وحدها حتى دقيقة .......الشي اللي صرالها موش قليل ..
سيرين؛ أوس صافا ؟
أوس؛ مليح سيرين
هديل؛ كيم خرج ياخي؟
أوس؛ راقد لفوق
سيرين؛ باش نحضرلك شي تاكلوا
قامت من قدامنا ..غزرت لأوس تاعب علخر ..حتى انا متقلقة برشا على اليف ..نعرف موش باش تموت بالسهولة هاذي ...اما اختفائها هكا اكيد وراه شي ..
هديل؛ اوس باش ترجع متاكدة
أوس؛ هديل خايف نكون خسرتها فالتالي انا اللي دخلتها للعبة هاذي تعرف اللي كنت باش نتزوج بيها وعدتها بعد ما يوفا كلشي نكون كان انا و هي ..اما توا مفماش هي و كلشي تخلط
هديل؛ لازم يكون عندك ثقة بحبك أوس ..مدامك تحبها باش تولي
أوس؛ نشالله نحب نشوفها كهو
هديل؛ أوس و سيرين !؟!
أوس؛ منعرش سيلا جامي دخلت في حيط كيما توا ملقيت حل لحتى شي
هديل؛ باهي اهدا
سيرين تحكي:
عديت يديا نمسح فالدموع .. سمعت هدرتهم بالغالط وقت كنت رايحة نسقسيه شيحب ياكل ..تكيت عالحيط نحاول نحكم دموعي ..قدمت هزيت كاس ما شربتوا .. و رحت نقص فاللحم باش نقليه.. يعني توا هو يحب وحدة اخرى وكان باش يعرس بيها .. هزيت يدي نمسح في اكا الدموع اللي باقي يهربوا مني ..3 سنين فاتوا جامي نسيتوا دقيقة ... وسط اكا الضرب كنت نخمم كان باز يجي النهار و نكون معاه ...كنت ديما متأملة بفكرة انا و أوس كهو ... اما توا كلش تبدل هو حب وحدة ... علاش ميحبش 3 سنين فاتوا ...باش تكون خير عليا اكيد ...اهم شي انها موش مغتصبة و عندها ولد كيما انا ...كون محكموش معاذ و رباه بالتخبية كان باش يموت ... يا ريت مت صح ... جرحت يدي بلا ما نحس ..هزيت يدي نغزر للجرح ..مسحت الدموع بيدي الثانية
أوس؛ سيريييين
قدمت عندها صبعها كلوا بالدم ... غزرت لعينيها حمر دم ...هزيت دقنونتها نزلت عينيها ...عرفتها سمعت هدرتي ...مشيتها معايا للسبالة غسلتلها الجرح خليتها هكاك ...جبدت البوات فارماسي اللي معلقة ...عقمتلها الجرح متاعها ..لفيت عليه الفاصمة
أوس؛ فاااش قام طيب اه هاك قريب قصيت صبعك
نزلوا دموعها كثر .. منعرش اصلا كيف عيطت عليها هكا ... قدمت ليها لفيت يدي عليها ..عنقتها كبشت فيا ...احساس ندرا كيف ...من جيهة توحشتها ... وليت 3 سنين للتالي و من جيهة اليف ... نحس روحي نخدع فيها و مع شكون خطيبتي !! ...طلعت راسها لوذني تحكي
سيرين؛ متخممش برشا باش نجبد روحي أوس ...
جبدت روحها مني تتبسم ..عدات يدها على وجهي ... باقي نغزرلها في عينيها ...كلشي صرالها لتوا انا سبابو ... منجمش نسمح فيها هكا ...تخلطت عليا خلاص  سيرين؛ باش نروح توا
أوس؛ سيرين وين ؟؟
سيرين؛ باش نهز ولدي مشبعتش منو البارح مبعد ساهل
أوس؛ موش باش تروح سيرين
سيرين؛ أوس اغزرلي عزيزي 3 سنين فاتت صحيح مزلت نحبك اما نحب تكون فرحان كثر كي خرجتني من اكا الجحيم ديجا عملت معايا معروف موش باش ننساه امانك متناقشنيش عالأقل هاذ المرة
أوس؛ باهي اما موش باش تروح و توا نروجو نجيبو الطفل كيف كيف
سيرين؛ باهي ...
ركبنا الكرهبة باقي نسوق ... مخي حبس من تخمام ...اليف ما بان عليها حتى شي ... و سيرين منجمش نخليها عالأقل نفرز الأمور بالوحدة اما ملقيتش منين نبدا وصلنا للدار اللي قالت عليها ...طبطبنا حل علينا معاد و مرتو ...دخلونا يحكيو...باقي سيرين تشكر فيهم على خيرهم ..جا اكا الطفل محلاه صغير .. كبش في سيرين ...رغم اللي كان بعيد عليها اما يحس بيها ...
معاذ؛ سيرين الاول مات و هاذيك باش تخليها عايشة !!
تفكرت واش حكاتلي هديل على اللي كانت السبب فاغتصابها العصب ركبلي
كلش بسبتها كان توا رانا عايشين حياتنا
أوس؛ مستحيل باش نخليها تركع قدام سيرين تعرفها انتا ؟؟
معاذ؛ فما الفيديو متاع اكا النهارر
سكت محبش ييكمل ...سيرين نزلت راسها ...
أوس؛ نحب نشوفوا
جاب البيسي حطو قدامي دورتوا باش متغزرلوش سيرين ...اما هي دورتوا باقي تشوف ...بدا الفيديو ...هو يقطع في قشها ...شهقاتها سمعتهم تلفت ليها حطيت يدي على كتافها ..نهدي فيها
أوس؛ و راس غلاوتك عندي يا سيرين باش ناخولك حقك منها و انتي تشوف كيف وائل
...غزرت للبيسي بحقد
سيرين؛ هي سباب كلشي أوس هي
تلفتت غزرت للبيسي ....عينيا تحلوا وقت ريتها
أوس؛ ال اليييييييييف !!!!!!!!!!!!
⏩⏩⏩⏩⏩⏩⏩⏩⏩⏩⏩⏩⏩⏩⏩
#خطوة_نحو_الجحيم
#يسرى_أمجوج