خطوة نحو الجحيم 3 ( باللهجة التونسية)

الحلقة 100

الحلقة 100 :
أوس يحكي :
قمت على حلمة خايبة ... وقت ريت اليف غارقة فالدم و تتبسملي .. هزيت يدي مسحت العرق ...من على وجهي ... صورتها بين عينيا ... جامي ننساها ..قمت خذيت دوش .. اليوم عرس كيم .. لبست مريول و شورت ..نزلت نفطر .. لقيت جود زادة يفطر ... عديت يدي على شعروا ..
جود؛ ثباح الخيل
أوس؛ صباح الخير صافا
جود؛ اممم مليح هاني ناكل فالنوتيلا ثنوة  يخثني
تفكرتها وقت كانت تاكل فيها .. اصلا ما تفطر كان بيها ...تبسمت من غير ما نحس ..
سيرين؛ تي هديل تو تتعطل
هديل؛ عادي يستنا منفطرش انا اهم شي كرشي
دخلوا للكوجينة
أوس؛ مالا فجعة نورمالموا يديرلك سقام العرايس بقرة
هديل؛ هههههه تحوس على عركة ..شمقلقك هاو راجلي قانع
أوس؛ هههه كان يشوفك توا يبطل
هديل؛ صحيتك طلعتلي المورال
سيرين؛ هههههه
فطرنا الكل ... بعدها أوس راح مع كيم و جود زادة ... سيرين جات معايا .. هزيت راسي نغزر للمراية ..اليوم عرسي من الراجل اللي نحبو ...احساس ميتوصفش ..هزيت راسي غزرت لسيرين ...حلات برشا أصلا بسيف ما قنعتها تاخو روب متاع عراس .. منعرش اما نحسها قافلة على روحها جملة .. تي حتى دبش تلبس العريض .. شعرها ديما مسيب ... تي اصلا اللي عاشتوا موش قليل .. منجمش نحط روحي .. في بلاصتها ...تذكرت اليف و هدرتها متاع البارح ..حسيت انو تحكي فالحق ... كنت باش نعيطلها  في دقيقتها اما وعدت كيم.. منتواصلش معاها جملة .. كملت الماكياج دخلت لبست الروب ... دوب ما خرجت بداو يسميو ... و يباركوا... نزلوا دموع سيرين بالوقت
هديل؛ تي شبيك تبكي
سيرين؛ هه تأثرت متلومش عزيزتي تبارك الله عليك ..طالعة تفتق كيم باش يهبل
هديل؛ ههههه يزي عاد
سيرين؛ هههه
كملنا ..عيطلها كيم اللي هو البرا ...الرجفة حكمتها ... باقية نهدي فيها .. لين خرجت ...قابلني أوس و جود ... لابسين كوستيم كيف كيف .. تبسمت ..و نزلت راسي ... قلبي وجعني .. زعما كنت شنعيش اللحظة معاه ... كان باش يقابلني كيف توا .. وصلنا عندهم بالوقت ..كيم سلم على هديل و باسها من راسها ..حكم يديها .. غمزني أوس ..مشينا حنا للكرهبة متاعو ..
كيم؛ محلاك يا روحي طالعة تفتق
نزلت راسها تتبسم
كيم؛ بووو زينوووو اللي يحشم اما شبيك مزيانة برشا هكا شقولك منروحوش للعرس جملة ...
هديل؛ احشممم كييم
كيم؛ هههه باهي هيا
حللها الباب ركبت .. تلفتت غزرت لأوس تبسملي ..خدم الكرهبة و مشينا ... وصلنا للأوتال لي فيه العرس .. الكل يصفقولهم و هوما يتعداو فوق البساط لحمر ... لين وصلوا للتابل متاع العقد ..يكتبوا صداقهم ..كبشت في يد جود اكثر ..ناخوا في قوتي منو ... دوب ما كملوا.. صفقنالهم حكم يدها .. و نزلوا لنص الصالة ...الضو ولا خافت .. موسيقى سلو تحطت .. بداو يشطحوا .. لي كوپل زادة نزلوا ..
جود؛ ماما اثطح انتي و ثاحبي هو اكيد يعرف يثطح
هزيت راسي غزرت لأوس ..
سيرين؛ لا يا
أوس؛ ايجا
مدلي يدو .. غزرتلوا في عينيه .. حطيت يدي على يدو .. احساس ندرا كيف .. حط يدو على جنبي .. طلعت يدي لكتافوا .. و بدينا نتمايلوا .. باقي منزلة عينيا ... احساسي سابقني قلبي يخبط علخر ... متوحشتوا برشا .. كلشي فيه .. متوحشة كثر حبو ليا ... و اهتمامو بيا .. تذكرت بوستو بالوقت .. هزيت عينيا غزرتلوا .. غزرلي ..، كنت نسال فيه بعينيا .. ام مفما حتى جواب...
أوس يحكي:
نشطح معاها تفكيري  بعيد برشا ... هو عند اليف .. متوحشها رغم كلشي عملتوا متوحشها .. حتى رغم كلشي عملتوا ... تذكرت أول مرة تلاقيتها كيف كشاكشها طالعة كي طولت .. و كي فاقت و حكيتلها عالمهمة .. وقت بدات تخدم فالشركة .. و العركة اللي عملتها .. كي جات لداري تصحح لورق ... وقتها حكيتلها على سيرين ...كلشي كيف نجمت تسمع من غير ما يرفلها جفن على عملتها .. يعني تكون خاطيها .. كان اكاكا علاش تحتفل بانتمائها لعيلة المالكي .. و تشطح معا أمير المالكي .. مخي تحرق من التخمام .. دوامة كبيرة راني فيها .. خايف كون نروح نسقسيها نقتلها كان تقول انا .. رغم الأدلة عليها نحب تقولي لا خاطيني ... وفات الغنية فقت من سرحتي ..سيرين بعدت مني بالشوي .. نعرف تسال فيا بعينيها على البارح ...اصلا انا مكنتش حاب نعملها .. مهما حبيت سيرين اما بعد اليف ... منجمش نستخايل روحي مع وحدة خلاف ... منعرش اما اليف حسيتها مختلفة .. مميزة او عالأقل اذاكا اللي حطيتوا ...ساعات ووفات الحفلة اصلا كنت سارح نخمم ... و الحلمة متاع البارح .. باركنا لكيم و هديل ... بعدها راحوا فواياجهم ..باش يعديو ليلة فأوتال و غدوة يروحو لباريس ... روحنا طلعت طول ترميت عالسرير ...تاعب علخر ..تكيت للتالي و آخر صورة جات بين عينيا اليف .. تفكيري يقولي نروح عندها و نسقسي على كلش و نتهنا من التخمام هذا ..غمضت عينيا على هاذ الفكرة ..
⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيمالحلقة 100 :
أوس يحكي :
قمت على حلمة خايبة ... وقت ريت اليف غارقة فالدم و تتبسملي .. هزيت يدي مسحت العرق ...من على وجهي ... صورتها بين عينيا ... جامي ننساها ..قمت خذيت دوش .. اليوم عرس كيم .. لبست مريول و شورت ..نزلت نفطر .. لقيت جود زادة يفطر ... عديت يدي على شعروا ..
جود؛ ثباح الخيل
أوس؛ صباح الخير صافا
جود؛ اممم مليح هاني ناكل فالنوتيلا ثنوة  يخثني
تفكرتها وقت كانت تاكل فيها .. اصلا ما تفطر كان بيها ...تبسمت من غير ما نحس ..
سيرين؛ تي هديل تو تتعطل
هديل؛ عادي يستنا منفطرش انا اهم شي كرشي
دخلوا للكوجينة
أوس؛ مالا فجعة نورمالموا يديرلك سقام العرايس بقرة
هديل؛ هههههه تحوس على عركة ..شمقلقك هاو راجلي قانع
أوس؛ هههه كان يشوفك توا يبطل
هديل؛ صحيتك طلعتلي المورال
سيرين؛ هههههه
فطرنا الكل ... بعدها أوس راح مع كيم و جود زادة ... سيرين جات معايا .. هزيت راسي نغزر للمراية ..اليوم عرسي من الراجل اللي نحبو ...احساس ميتوصفش ..هزيت راسي غزرت لسيرين ...حلات برشا أصلا بسيف ما قنعتها تاخو روب متاع عراس .. منعرش اما نحسها قافلة على روحها جملة .. تي حتى دبش تلبس العريض .. شعرها ديما مسيب ... تي اصلا اللي عاشتوا موش قليل .. منجمش نحط روحي .. في بلاصتها ...تذكرت اليف و هدرتها متاع البارح ..حسيت انو تحكي فالحق ... كنت باش نعيطلها  في دقيقتها اما وعدت كيم.. منتواصلش معاها جملة .. كملت الماكياج دخلت لبست الروب ... دوب ما خرجت بداو يسميو ... و يباركوا... نزلوا دموع سيرين بالوقت
هديل؛ تي شبيك تبكي
سيرين؛ هه تأثرت متلومش عزيزتي تبارك الله عليك ..طالعة تفتق كيم باش يهبل
هديل؛ ههههه يزي عاد
سيرين؛ هههه
كملنا ..عيطلها كيم اللي هو البرا ...الرجفة حكمتها ... باقية نهدي فيها .. لين خرجت ...قابلني أوس و جود ... لابسين كوستيم كيف كيف .. تبسمت ..و نزلت راسي ... قلبي وجعني .. زعما كنت شنعيش اللحظة معاه ... كان باش يقابلني كيف توا .. وصلنا عندهم بالوقت ..كيم سلم على هديل و باسها من راسها ..حكم يديها .. غمزني أوس ..مشينا حنا للكرهبة متاعو ..
كيم؛ محلاك يا روحي طالعة تفتق
نزلت راسها تتبسم
كيم؛ بووو زينوووو اللي يحشم اما شبيك مزيانة برشا هكا شقولك منروحوش للعرس جملة ...
هديل؛ احشممم كييم
كيم؛ هههه باهي هيا
حللها الباب ركبت .. تلفتت غزرت لأوس تبسملي ..خدم الكرهبة و مشينا ... وصلنا للأوتال لي فيه العرس .. الكل يصفقولهم و هوما يتعداو فوق البساط لحمر ... لين وصلوا للتابل متاع العقد ..يكتبوا صداقهم ..كبشت في يد جود اكثر ..ناخوا في قوتي منو ... دوب ما كملوا.. صفقنالهم حكم يدها .. و نزلوا لنص الصالة ...الضو ولا خافت .. موسيقى سلو تحطت .. بداو يشطحوا .. لي كوپل زادة نزلوا ..
جود؛ ماما اثطح انتي و ثاحبي هو اكيد يعرف يثطح
هزيت راسي غزرت لأوس ..
سيرين؛ لا يا
أوس؛ ايجا
مدلي يدو .. غزرتلوا في عينيه .. حطيت يدي على يدو .. احساس ندرا كيف .. حط يدو على جنبي .. طلعت يدي لكتافوا .. و بدينا نتمايلوا .. باقي منزلة عينيا ... احساسي سابقني قلبي يخبط علخر ... متوحشتوا برشا .. كلشي فيه .. متوحشة كثر حبو ليا ... و اهتمامو بيا .. تذكرت بوستو بالوقت .. هزيت عينيا غزرتلوا .. غزرلي ..، كنت نسال فيه بعينيا .. ام مفما حتى جواب...
أوس يحكي:
نشطح معاها تفكيري  بعيد برشا ... هو عند اليف .. متوحشها رغم كلشي عملتوا متوحشها .. حتى رغم كلشي عملتوا ... تذكرت أول مرة تلاقيتها كيف كشاكشها طالعة كي طولت .. و كي فاقت و حكيتلها عالمهمة .. وقت بدات تخدم فالشركة .. و العركة اللي عملتها .. كي جات لداري تصحح لورق ... وقتها حكيتلها على سيرين ...كلشي كيف نجمت تسمع من غير ما يرفلها جفن على عملتها .. يعني تكون خاطيها .. كان اكاكا علاش تحتفل بانتمائها لعيلة المالكي .. و تشطح معا أمير المالكي .. مخي تحرق من التخمام .. دوامة كبيرة راني فيها .. خايف كون نروح نسقسيها نقتلها كان تقول انا .. رغم الأدلة عليها نحب تقولي لا خاطيني ... وفات الغنية فقت من سرحتي ..سيرين بعدت مني بالشوي .. نعرف تسال فيا بعينيها على البارح ...اصلا انا مكنتش حاب نعملها .. مهما حبيت سيرين اما بعد اليف ... منجمش نستخايل روحي مع وحدة خلاف ... منعرش اما اليف حسيتها مختلفة .. مميزة او عالأقل اذاكا اللي حطيتوا ...ساعات ووفات الحفلة اصلا كنت سارح نخمم ... و الحلمة متاع البارح .. باركنا لكيم و هديل ... بعدها راحوا فواياجهم ..باش يعديو ليلة فأوتال و غدوة يروحو لباريس ... روحنا طلعت طول ترميت عالسرير ...تاعب علخر ..تكيت للتالي و آخر صورة جات بين عينيا اليف .. تفكيري يقولي نروح عندها و نسقسي على كلش و نتهنا من التخمام هذا ..غمضت عينيا على هاذ الفكرة ..
⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم