خلايا الحب

1

يا محمد يا ولد ، قوم ضناي انا قووم يا نور عيوني والله يا ولدي انا قلبي دا ما بطاوعني كل يوم اصحيك من النوم اااااااخ يا ولدي الله ما يحرمني منك راضيه عليك يا ولدي راضيه عليك دنيا و آخرة ،
يمة انا سامعك لكن كل يوم يا يمة كلامك دا انا هسي راجل البيت ما تحسسيني اني بعمل حاجه فوق طاقتي ، وانا بحمد ربنا علي رزقنا لكن طموحي انتي عارفاها و ان شاءالله يا يمة اقدر ااسس ليكي بيت ملك واقري اخواني ، عشان كدا يا يمة انا لسة ما شقيت في حقكم ولا تعبتا ،
الله يرضى عليك يا ولدي قوم قوم افطر انا شديت ليك جرة الفول اسي بتكون نجضت يلا عشان تحصل ، حاضر تسلم لينا يدك
و بعدين انتي مالك ما صحيتيني لصلاة الصبح ، والله يا محمد انا زاتي شالتني نومة ما حصلتو اسي قوم صلي يلا عشان تفتح الدكان ، حاضر ..
مسكت تلفوني علي امل القى رساله من الشخص المنتظر ، لكن للاسف لا رساله ولا مكالمة ، انا اخير اقوم اشوف صلاتي ،،
(في جانب اخر بس ما بعيد شديد عن محمد)
هم كلهم سمسترين الفضلو ليكي
ما قادرة تستحمليهم و تشدي حيلك يا ريان
، في شنو يا عبير هاجمتيني كدا ، بعديت من متين انا بقصر في قرايتي داخله اصعب تخصص بمجموعي وطول السنوات الفاتت دي انا ما اتنازلت لاول دفعتي لزول
بس كمان انا بشر محتاجه بيئة مهيئه للقرايه ، محتاجه ارتاح عشان اقدر ارجع لقرايتي بذهن صافي ، طيب يا ريان انا عارفه المعلومات دي كلها ، و انتي ادري بوصعنا كويس ما كل يوم حنقعد نعيد و نزيد في نفي القصه ، نهيأ ليكي بيئه من وين يعني اكتر من انه يكون ليكي غرفه براكي دايرة شنو اكتر من كدا ؟؟
يا عبير انا فعلا عارفه وضعنا من كل النواحي كل القصدت اوصلو ليكي ان بتجي علي فترة بكون عايزة ارتاح شويه من الكتب و االقرايه ، و اصلاً قبل تجي بثواني انا كنته قايمة اجهز ، يلاااا انا حقوم واعفي لي عليت صوتي عليكي ما قصدتا .. ( اعرفكم بي ) ..
انا اسمي ريان عمري 22 سنة اخر سنة لي في طب الخرطوم م حتكلم ليكم عن نفسي كتير لكن كل حاجه حابين تعرفوها عني حتعرفوها قدام ، طبعاً عبير دي اختي الاكبر مني عمرها 25 سنة مخطوبة ، و خالد اخونا اكبر من عبير بسنة واحدة ، ومي اختي تحتي طوالي في اولي جامعه الرباط ، واصغر اخ عندنا معاذ في تامن ، انحنا وضعنا اقل من عادي بيتنا ايجار شهر ندفع وشهر لا ، ابوي الله يديهو العافية عندو محل حلاقه و خالد اخوي شغاال معاهو واخر اليوم بشتغل في ورشه بيساعد ابوي في المصاريف ، و امي كمان موجودة الله يديها العافيه ... تابعو قصتي .. اووووووه كنته حأنسي حاجه مهمة ، محمد الاتعرفتو علي جزء من حياتو قبيل دا يبقي حبيبي و روحي وسعادتي و عمري المر والحلو ، وانحنا جيران ساكنين في نفس الحلة .. متابعه ممتعة (بقلم/سحرسمير) ..
جاني اتصاال ....
_انتي لسه تحت البطانيه يا كلبة يا رمة يا...
*هووي هوي يا بت روقي انا لابسه وجاهزة وماشه علي الباب ، الدور والباقي عليكي ..
_سمح امرقي لي برا انا قربت عليكي
*سمح انا اصلا براا والله يا نازك لو طلعتي ناسيه القلتو ليكي الليله بزعل منك ،،
_ياخ اقفلي بس جنك تكملي لي رصيدي اصبري و قنبي في الواطه دي لمن اصلك يلا سلاااام ....
واقفه قدام بابنا و بقيت واقفه منتظراها ، دي لو جايه من مرروي كدرلي كان وصلت ، شويتين مافي جات ، قلت ليها نازك والله ما بسالك لي قريب ربع ساعه واقفه قدام الباب انتي عارفه لو خالد شافني واقفه كدا والله بيضبحني ، ياخ خلاص روقي ارح هرولي خلينا نحصل البص .. نزوكة حبيبتي انتي ، روووحي انتي ،، اوووووووف يا ريان يعني انتي بتقولي خالد لو شافك واقفه في الشارع بيضبحك يعني لو شافك واقفه مع محمد حيمشيها ليك مجنونة انتي !!! كل يوم محمد محمد محمد
نازك كلها ثواني كل يوم زي العارض ياخ هو في سكتنا اصبح عليهو بس و نمشي ، خلاص سرعه عليكي الله وقفتي وانا منتظراكي زاتا ما ظريفه ، طيب طيب ..
طبعا محمد في سكتي شغاال في دكان ابوه الله يرحمو وانا كل يوم كان ما شفتو وصبحنا علي بعض بحس ان يومي ما بداااأ ...

استككانة🏃💙~

يتبع ............