خلايا الحب

24

قلت ليهو انا حابه اتكلم معاك بالذات يا ابوي ،
قالي طيب ارح الصالون ، مشينا وامي لحقتنا ، قلت ليهو احكي لي عن جاد السيد الله يرحمه .. طبعا اتخلع ، و هو وامي عاينو لبعض ، قالي عرفتي من وين ؟ قلت ليهو عرفتا بالصدفه حاحكي ليك علي كل حاجه ، بس بعد تحكي لي ، و طبعا سرد كل حاجه و امي كانت بتحكي معاهو ( ...) دي هنا قوة الحب والسندة الحقيقيه .. نفس الكلام القالتو ام محمد ، بس الاضافه ان ابوي ليهو زمن بفتش في اهل عواطف و جيران و ما بيعرف لدرجة سافر البلد و ما قدر يوصل ليهم ، قلت ليهو بسيطه يا ابوي ، بكرة باذن الله بسوقك ليهم بس لازم تكون قوي وتتحمل ردة فعلهم ، قالي انتي عرفتي كيف الموضوع دا من سنين ، قلت ليهو عرفت من اختها للموحومة وهي ام محمد ، تتزكر يوم خالد جابني من برا و قال اني غلطت ، امي عارفه الموضوع دا بس لانو غلط م بقدر احكي ليك ، ( ....) حكيت ليهو وحسيت بالرضا ، جو اخواتي داخلين قالو كل الكلام دا عشان تمهدي ليهم موضوع شغلك ، انا هنا راسي سخن ، امي قالت ليها شغل شنو يا بت ؟ سكتوو
قلت ليهم والله م تميت كلامي ديل جو ،حكيت ليهم (...) بس امي قامت علي حيلها شغل شنو يا بت تعرضي روحك في الصور حريقه في القروش يا ريان مالك جنيتي ، ابوي قاليها الزمن اتغير و طالمة ساترة روحا المشكله وين ، الليله الاية اتقلبت كنت بشوف امي مواكبة ومتفتحه لكن حسيت العكس ، وعدتهم انه ما حيأثر في قرايتي ، و وافقو علي كدا واخيراً بقيت بشتغل في النور ، تاني يوم مشيت بيت محمد خبطت الباب م لقيت زول ، قابلت اسماء اختو طالعه مع بت جيرانا ناديتا ، و شلت منها العنوان .. ورجعت بيتنا قلت لابوي اللبس وامي لبست توبا ، و ركبنا امجاد و عليك يا الله واتوكلنا حسب العنوان ، لمن وصلنا ، وصلنا قدام بيت حلو انا قلت اكيد دا عنوان غلط بس نخبط يمكن يكونو جيران ، خبطنا فتحت لي اسماء زاتا الادتني العنوان و سامعه امها من جوة تقول ليها دي منو ؟ خبطنا الباب وقلنا سلام عليكم عشان ابوي معانا دخلنا الصالون .. و البيت تحفه انا مستغربه .. جات ام محمد من شافتنا شيطان واتفكاا والعيون بقن زي الشراار ، قالت لي انتي يا فقر ، قلت ليها الله يسامحك ابوي عندو كلمتين جاي داير يقولهم ليكي و متوكلين م قاعدين ، امي قالت ليها فقر !! ابوي سكتا قاليها اسكتي .. بدا كلامو بالعفو والعافيه و حكا ليها كل الحصل (...) باللضافه لانو سنين فتش عليهم و مالقاهم ف اللحظة دي محمد جا داخل وكان وشو عباره عن علامة استفهام ، م رفعت فيهو وشي وشايف امو دي تبكي ، و جا هاج انتو عملتو ليها شنو وانتي مش قلت ليكي ما داير اشوف وشك دا تاني ، سكتا ، امو قالت ليهو بالعكس انا الغلطت في حقهم وشلت الضغينة تجاهم سنين زي الجبل علي قلبي ، بقت تبكي وتقول اعفو الله والله يسامحك ويرحمك يا عواطف يا اختي ، انا وقفت علي حيلي مسكت ابوي قلت ليهم العفو والعافيه قدامنا يا خالة الدنيا مافيها شي ، سقتهم و طلعنا بتاع الامجاد كان منتظرنا ، و رجعنا البيت ..
فاتو يومين ندا اتصلت علي قالت لي ريان لازم تجيني البيت ضروري قلت ليها عندي تصوير ، فالت لي تخلصي كم ؟ قلت لي 6 كداا قالت لي نتلاقي في اوزون رايك شنو ؟ قلت ليها عديله .. خلصتا ومشيت و شايفه في وحدة مع ندا قاعده شايفه ضهرها بس
خشيت سلمت عليها وعاينت للمعاهت لقيتا ....

استككانة اخيرة👊

يتبع .......