خلايا الحب

23

حبيت شدديد كونك متمسكة بحياتك و رجعتي ليها يمكن تصلحيها..
سفيان قالي لي ريان !! قلت ليهو لا ما بقصد قصة الحمل و .. الخ
قالي الكلام دا ما وقتو ، قلت ليهو اساساً مافي كلام عشان يكون ليهو وقت ،، وهي قاعده عامله كدا 😳😳😳😳 ..
قلت لدكتوور ، كدا في تكاليف تانيه ؟ قالي لا لحد يوم الخروج ، كدا تمام ، قلت ليهو تمام
مشيت جمب نازك قلت ليها :
حمدلله علي سلامتك يا اختي و الحقولو ليكي شئ مؤسف شديد ، اني اخسر اخت بسبب راجل وللاسف لا انتي اخت ولا هو راجل ، والمؤسف اكتر ان دا اخر لقاء لينا و ما حقوليك اشوف وشك علي خير لانو مكان وشك ما بكون في خير .. واجر وعافيه
ف امان الله .. طلعت و مشيت مكان رجولي ودتني خليت ندا و سفيان في الغرغه مذهولين ، بعد وصلت تحت ندا بتنادي فيني و سفيان وراها ، وقفت قلت ليها ندويه معليش عايزة امشي البيت ، قالت لي لا انا عارفه انك متضايقه م بخليكي كدا ، قلت ليها هدا بضحك والله وانا اخر وحدة بعد اليوم دا اتضايق و حتشوفي ، قالت لي لالا بتتكلمي ساي ، قلت ليها ي بت .. جا سفيان قال لي دا كلام شنو القلتي لصحبتك دا ياريان يوم جيتي المستشفي سمعتينا كلنا فارغ وصحبتي وصحبتي ومنتظراها تفوق ودفعتي دم قلبك عشان لمن تفوق تسمعيها الكلام دا ، قلت ليهو للاسف انت ما عارف حاجه ، قالي فهميني انتي عارفه كان ممكن ترجع تنتكس مرة تانيه ، قلت ليهو لا م تخاف لانو هي عارفه انا بقصد شنوو ، جراني من يدي و بالابكوت بتاعو طلع برا المستشفي وجاريني ، لمن وصلنا عربيتو ، قالي لي اركبي ،قلت ليهو لا ،قالي ريان اركبي حابي اتكلم معاكي ممكن ! ندا جات ورانا قاليها امشي انتي علي البيت و ريان معاي م تشيلي هم ، وقف ليها امجاد حاسب ، و انا ركبتا و فضل سايق لمن ركن في حته كدا ..
قالي لي حابي افهم ، قلت ليهو دي امور بتخص حياتي الشخصيه ، قام طلع لي تلفونو و بقي يهبش لمن فتح لي مجموعة صور ، قالي دي شنو ؟ قلت ليهو صورة
قالي عارفه صورة الفي الصورة دي شنو ؟ قلت ليهو صورتي ، قالي صورتك!!!
و عادي كداا ؟ قلت ليهو اقولها ليك كيف يعني انت شايفا صورتي بتسال ليه ؟؟ قالي ما عندك اي تعجب ولا استفهام انا جبتها من وين ؟ قلت ليهو ما حتغلب انك تجيب اي صورة لي و زي ما شايف تحت ف الصورة مكتوب EVE و مافي زول ما بيعرف مجموعة EVE ، اسي انت جايبني عشان دا ؟
قالي لا ، عايز اعرف قصه نازك ، قلت ليهو جداً ، (.......) و حكيت ليهو كل حاجه ، سكت و كل القالو لي ، و لسسسة بتحبيهو ؟ قلت ليهو الحب ما بالساهل نتجاوزو اياً كان منو الغلطان فينا ، بس كل البعرفو انو ما بيلزمني ،، سكت مسافه و قال لي ريان انا بحبك !! عاينت ليهو ، قلت ليهو تحبني انا !! قالي ايوة ، تحب فيني شنو ؟
وهو متين عرفتني ؟ قالي لي من وقت ندا اختي عرفتك *باك فلاش*
تتزكرو يوم ندا قالت انه عندها هدف دايرة تصل ليهو ، اول يوم لاقتني فيهو في الجامعه شافتني وحتي قالت لي معقول الزيك دا يبكي ، في اللحظة دي ندا حست انها دايراني لي سفيان اخوها ، بس كأعجاب زي ما اي وحدة فينا بتشوف وحدة حلوة وتجي تحكي لاخوها ، ياهو نفس احساس ندا ، ندا انسانه نضيفه ما خاته شينه تجاهي ، وهدفا الدايرة تصل ليهو كانت بداية خطتا يوم عزمتني الجمعه قبل الظروف والصدف تلعب دورها واللقي سفيان قبل ما هي تعرفني بيهو ، و استمرت تحكي ليهو عني بكل تفاصيلي و من هنا اتبنت جوا سفيان خلايا الحب وكنت انا محتواها ريان ...
قلت ليهو ما غريبه تحب انسانه م شفتها بس من مجرد كلام ، انا ما حناقشك ولا بلومك في مشاعرك ، انا حبيت انسان تاني اي يمكن يكون اختياري غلط وحب بدا من المراهقه بس جواي ، و لو انا وافقت علي حبك حظلمك وكأني بحاول انساهو عن طريقك .. قال لي م شرط تحبيني يكفي اني بحبك ، قلت ليهو حالياً انا وصعي نفسياً ما تمام ف خلي كل حاجه للايام ..
انسان روحو رياضيه كان متفهمني بصورة م عاديه ... رجعت بيتنا .. رغم قياوة اليوم دا الا اني من اشوف وش امي وابوي الدنيا بتضحك لي ، لقيتهم متجمعين وونسه ، قبل ما نطلع من المشغل مي شالت مجلة عرض بتاعت EVE و المجله دي عدد جديد وكانت اغلبا صوري والباقي اعلانات عادية ، من شفتها علي الطاوله انا حيلي برد وقعدت في اقرب كرسي ، اساساً جيت وناويه اكلمهم بس يعرفو مني احسن .. قالو لي مالك يا بت ؟
قلت ليهم مافي حاجه ، عاينت لابوي وقلت ليهو كيفك ؟ قالي تمام يا دكتورتنا ..
قلت ليهم عايزة اتكلمومع امي وابوي برانا ، قالو لي اتكلمي هنا .. قلت ليهم طيب ...
( بقلم/سحر سمير)

استككانة🐒~

يتبع .....