12

280 2 0
                                    



قلت ليها موضوع طويل يوم تجيني الجمعه بنتونس ، قالت لي شوفي يا ريان انا وحدة من الناس بقدر الصدقات شديد و ما ببدلها بأي حاجه لانو يوم تحصل لي حاجه صحباتي هم البقيفو لي ، طبعا البسمع كلامي دا حيقول انا عندي دستة صحبات وفي الحقيقه انا علاقاتي كلها داخل عيلتنا يعني انتي اول وحدة اتعرف بيها ، قلت ليها دايماً الزول البقدو النصايح بكون هو في نفسه ما بيطبقا بس دايما بتكون نصايح حقيقيه حتي لو ما قدر يطبقا علي روحه ، المهم موضوع نازك فات ابعاد تانيه بتوجع لمن تختي زول في مكانه ما بالساهل زول يوصلا و الزوله دي بتعمل حاجات مصرة انها تهدم مكانته جواكي ، علي العموم ربنا يصلح الحال لو انا غلطت عليها ربنا يسامحني ولو هي غلطت علي انا مسامحاها ، قالت لي مالك صريتي كدا ؟ قلت ليها صراحه انا من جواي متاثرة و متاكدة في حاجه غلط يا ندا ، ف سبحان الله جات سيرتا شفناها برا الجامعه والنبهتني عليها ندا وللاسف كانت بتركب العربيه بتاعت مالك ، طبعا مالي حق اتدخل بس كيف بعد العملو فيها اليومداك ، م علينا .. ندا قالت لي صحبتك دي البتعمل غيهو غلط ، قلت ليها ندا اللهم بلغت اللهم فشهد ، اسمعيني بس انا عايزة امشي مشوار ، قالت لي وين ؟ قلت ليها لحظة ، طلعت العنوان من شنطتي و وريتو ليها ، قالت لي دا قريب من بيتنا والله لكن المحل دا ناااااااار يا ريان عندك فيهو شنو ؟ قلت ليها نار كيف ؟ قالت ليعني حق المروقين و حاجات مستوردة و علي مستوى ، قلت ليها بس ارح معاي ، قالت لي عندك شنو ؟ قلت ليها لمن نوصل حتعرفي ، قالت لي حلو اصلا بحب الحاجات دي ، ركبنا وقاضين السكة كلها ونسة ، ندا عندها اختها كبيرة متزوجة وعندها بنوته ، اتصلت علي ندا ببرنامج كدا اسمو ايمو ولا شي و ونستنا لمن وصلنا ، دخلت دفاتري في شنطتي وصلحت طرحتي وملابسي واتماسكنا دخلنا و عاد همبريب التكيييييف دا يسوي كدا👋 يضربك من المدخل ، دخلنا المحل عباره كدا عن حاجه خياال ، عاينت للسكرتيرة لقيتا اجنيه م بعرف شقرا كدا غايتو قلت يا ربي دي اتكلم معاها شنو ، ف قلت ليها Hello
ردت لي Hi my beauty,how can i help you ؟ قلت ليها : than q , i found an advertisement for this player &U want a girl woh is displayng you'r products. Is the offer still available؟ قالت لي : Unfortunately
.. سالتها عن اني لقيت اعلان علي شغلكم و انكم دايرين وحدة تشتغل علي منتجاتكم و عايزة اعرف اذا في مكان لي ولا لا ، قالت لي للاسف ، طبعاً هنا انا اتاثرت زي الكنته بشنغل معاهم و تم طردي ، قلت ليها شكراً
جيت امرق لقيت شاب طالع من غرفه ولا مكتب م عارف ، قالي يا مرحب
قلت ليهو هلااا عن ازنكم و عايزة اسوق ندا ونمشي ، قالي سامعك بتسألي عن وظيفه المودل الكنا دايرنها فعلا في تلاته قدمو واشتغلو معانا رغم انك جيتي متاخرة لكن بالجد انتي انسب وحدة للشغل داا ، بس دي ورقه فيها طريقة الشغل ، اخديها معاكي البيت و اقريها ، و علي اليمين تحت دا تلفون المشغل و جمبو طوالي دا رقمي ة اخر رقم دا رقم السكرتيرة دي ، شوفي حابه تردي علي منو فينا و ياريت ردك م يتاخر عن بكرة ، لان دي اكتر فترة حنحتاج ليكي فيها و بخصوص المرتب كل شي موجود .. ياخ فرحتا فرح قلت ليهو حاضررر ، مد لي يدو قالي انا استاذ ادم ، و لقدام حنتعرف ، قلت ليهو اتشرفتا بيك و انا ريان .... و طلعنا علي كدا نداا قالت لي ريان انتي جاده ؟
قلت ليها بعد اقرا الشروط بس اما جادة اصلا بحب الحاجات دي من صغيرة حتي ظروفي ما ساعدتني ان يكون عندي علبة مكياج وحدة ولا اللبس لي فستان انيق ، قالت لي صراحه انتي ما محتاجه اساساً الحاجات دي المهم فكري و خلينا نقرا الورقه دي سوا لمن نصل ، ركبنا البص و ابتدينا نقراهااا ، طبيعه الشغل دا بعيده عن مجال قرايتي طب م ليهو علاقه بالموضه و المكياجات ،
شروطهم ما مقيده الراتب ما بالشهر لا علي حسب الشغل بعدو باخد حقي اقل راتب 2500 ج المشكله الوحيده ان شغلهم دا بتصور ، و بينزل علي صفحتهم في الفيس و مجلة اظن ، فاا دا كان محتاج اقعد معاهم .. المهم وصلنا ندا مشت علي بيتهم وانا ركبت تاني لمن وصلتاا بس وانا نازله من المواصلات شفت نازك نازله من عربيه مالك و بتبكي وحالتا غريبه ، م اهتميت ، واتعمدت ارجع من جمب دكان محمد ، برضو لقيتو قافل ، اشتقت ليهو وقلقت عليهو شديد ، ف مريت من جمب بيتهم لقيت في عربية دفار واقفه فيها عفش و دا بيدل علي انهم راحلين ، بس وقفتا وبقيت بعاين و دموعي نزلو معقوله يكونو راحلين ، بس لقيت محمد طالع من البيت والله كنت متمنيه اجري عليهو واقوليهو حتي لو ما لينا نصيب مع بعض ما تمشي يكفي وجودك في المكان داا مستحيل اتخيل الحلة دي من غيرك ،(بقلم/سحر سمير)
شافني واقفه وبعاين عاين لي و رجع تم البسوي فيهو ولا عبرني ولا عاين لي تاني داخل مارق ، مارق داخل كأني حيطة ولا حجر ، بالجد هنا اتمليت بشعور اني ولا طايقه اشوفك يا محمد للحظة كرهتو كراهية ما عاديه ، نفسي اعرف انا عملت ليهو شنوو
.. انا سرحانه في محمد فجاه حسيت بزول واقف جمبي ..............


استككانة🏃💙 جمعه مباركة عليكم💙

يتبع .......
التوقعات و ياريت التعليقات علي الالبوم الرئيسي...

خلايا الحبحيث تعيش القصص. اكتشف الآن