عاينت لقيتا امنيه اخت محمد ، طبعا امنيه انا ما حصل احاكيت بيها شديد لكن محمد كان وراني انهم عارفني وكدا ، قلت ليها هلااا منويه ، قالت لي مرحب انتي ريان صح ؟ قلت ليها ياها انااا ، قالت لي ايووواه تمام واقفه كدا مالك ؟ ساي بس كنت مارة و شكلكم راحلين ف وقفتا يلا انا حأمشي اي مساعده ؟ قالت لي لالا تسلمي ،، صراحه كنته متأمله تقول لي راحلين وين ولا حاصل شنو بس بعد تجاهل محمد لي ماتت جواي حاجه ما قادرة اعرفا ، مشيت بخاطر مكسور شديد ، وصلت البيت ريحة الدخان معججه البيت و خالتي و مرت خالي كلهم مع عبيرر ،،
من جيت داخله مرت خالي قالت لي ريووونه عقبالك حبيبتي ، قلت ليها تسلمي خالتو ،
قعدت اضحك معاهم صراحه جو البيت فرايحي شديد ، دخلت اخدت حمامي ، ورجعت مسكت التلفون و كانت المصيبه هنا ، لقيت رساله من نازك ، بتقول لي *انا في مصيبه يا ريان كلميني ضروري* دا بعد مكالمات كتيرة لقيتا ، استغربت و جدعت التلفون قلت في سري بلا نازك بلا زفت غير البلاوي والمشاكل ما جاياني منك ، اتصلت علي نداا ، قلت ليها ندا والله انا ضميري واجعني شديد ، قالت لي ليه في شنو ؟ قلت ليها والله بعد رجعت البيت لقيت مكالمات كتيرة من نازك و رساله فيها * انا في مصيبه يا ريان كلميني ضروري * و انا ما اهتميت
و نازك عقلها صغير يا ندا تقوم تغلط و م تعرف تتصرف ، قالت لي والله يا ريان ما عايزة اشيل ذنبها لا اقوليكي كلميها ولا ما تكلميها و نا عايزاكي تدخلي في مشاكل ، يا ندا اسي وانا بتكلم معاكي داخله لي بأتصال في الويت ، قالت لي ردي ، قلت ليها م عارفه غايتو قلبي ماكلني ، طيب اقفلي يا ندا من عندك ، قالت لي سمح ارجعي لي بعدين ، قلت ليها تمام ..
الووو نازك كيفك
* بتبكي قالت لي ريااااان
بتبكي مالك ؟
*حبوبة تعبانه يا ريان و ما قادرة اتصرف
قلت ليها ربنا يشفيها ادعي ليها
*عليكي الله يا ريان تعالي لي انا فقدتك
لا والله ما بقدرر ، رسلتي لي رساله قلتي لي انا في مصيبه ، خير مالك ؟
*لالالا (بقت تتمتمتم) لا يا رريان بس ياهو مرض حبوبه وكنت عايزاكي تجيني
اهااا م بقدر والله ، انا ماشه انوم سلام وقفلت فيهااا ...
اتصلت علي ندااا
قالت لي اها ؟ والله يا ندا حسيت انها مصممة امشي ليها البيت قالت حبوبتا عيانه
قالت لي ريان سمح امشي ليها بتكون محتاجه ليكي ، والله ي ندا قلبي ماكلني و ما مرتاحه و هي شاطرة بتعرف تتصرف بس حسيت انها عايزة تجيبني عندها بأي طريقه المهم ياخ انا ما مرتاحه و خلاص ، يلا زاتو ننوم بعد دا عشان بكرة انا حمشي المشغل اشوف برنامجهم شنو ،
اها بقيتي علي الشغل ؟ والله اي ي نداا ما بخسر شي ، والله يا ريونة صراحه شغل ما بتفوت و من زمان بسمع بالمكان دا و عن منتحاتهم صراحه انتي محظوظة ونفسي اشتغل معاكي ، ي ريت نشتغل سوا ياخ ، سمح نشوف الزول الاسمو ادم داك يقول شنوو ، م ظنيت يوافق بي انتي احلا مني و الشغل دا متهلق بالجمال ، سمح اسكتي يا ندا بطلي عواره ياخ ،
سمح سكتت ، يلا تصبحي قردة ، ههه قردة انتي وانتي من اهل الجنه قلبي ، سلاااام
(في جانب ندا )
ااااخ يا ريان لو اقدر اصل للدايراهووو معاكي ياررريت بس ، كلهااا مسألة وقت يا ريوووون والدايرة بصل ليهووو ، اوعدك ....
اما انا بنيت احلامي علي الشغل دا بس قرايتي في كفه و شغلي حيكون في كفه باذن الله .....
استككانة 👋~
يتبع ....
أنت تقرأ
خلايا الحب
Lãng mạnكل حاجه وليها تمن و انا تمني كان وجع ، و مافي ظروف بتقدر ' تبعدنا ' عن زول غصباً عننا الحاجه الوحيده ال بتبعد واحنا ما عندنا ذنب فيها هو 'الموت' لكن طالما عايشين معناها احنا ال ما متمسكين .. الا في قصتي كانت مختلفه بكل المقاييس .. خلايا الحب | قصة و...
