خلايا الحب

6

قلت ليها مفهوووم ، وحات الله قلتها بحرقه قلب بي وجعه بي نار جوااا قلبي انا كنت عارفه ان حيجي يوم زي دااا
و عارفه ان ظروف محمد دي يمكن لحد ما اتم 30 سنة حتفضل علي وضعها ، ابتديت افكر في كلام امي ونازك ، هو لو دايرني ما حيعيش طول عمرو علي دكان اجارو اغلا من دخله ، سكت علي كدا وبوستا راس امي لولاها بالجد انا م عارفه كان حيحصل لي شنو ، طلعت لابوي قلت ليهو اعفي لي عليك الله كلنا بشر و بنغلط بس خليك واثق فيني من الليله انا ما غلط ولا اعمل حاجه تزعلك ، قال لي واثق فيكي يا دكتورة ، قعدت اضحك لانو بيقولها بطريقه حلوة ..
مشيت الصالون لقيت عاطف براهو ، قلت ليهو خالد لسه ما جا ؟ قالي برا بتكلم تلفون قلت ليهو خير بجيهو بعد شويه و بقيت ماشه قام ناداني ، قلت ليهو هلاا عاطف قالي تعالي ، قلت ليهو وين ؟؟
قالي عايز اتكلم معاكي شويه اذا ما عندك مانع ، في سري استغربتا ، المهم صلحت التوب في راسي و مشيت ، قعدت في السرير المقابل ليهو ، بقيت قاعده و ساكته منتظرة يتكلم وهو ساكت ، قلت ليهو عاطف انا سامعاك اتفضل ، قال لي والله يا ريان ما عندي كلام كتير ، بس انا دايرك بسنة الله و رسوله فكري في الموضوع من غير ما ادخل خاالد وعمتي و عمو في الموضوع ، انا هنا وقفت علي حيلي حاولت اضبط روحي بقدر الامكان و ما انفعل ، قلت ليهو مستحيل
اتخلع قالي مستحيل شنو ؟ قلت ليهو قصدي ما موافقه و بتمني م تفتح الموضوع دا مع ناس البيت و مشيت علي كدااا ،
كميه الارهاق الفي جسمي بالجد ما عاديه تعبانه شديد خلاص غمضتا عايزة انوم الباب خبط ، فتحت عيوني ، قلت ادخل الباب فاتح فكان خالد ، من شفتو قمتا قعدتا ، قال لي سألتي مني ؟ قلت ليهو ايوة
قالي خير ! قمت بوستو في راسو وقلت ليهو حقك علي انا اسفه واوعدك ان غلطتي دي ما حتتكرر تاني اعفي لي ، سكت و طلع رجعتا رقدتا نمتا لانو بالجد مرهقه ،
الاغرب من الغريب نازك كنا متفقين انه امسكل ليها بعد اخلص من نقاشي مع محمد و تجي ترجعني البيت علي اساس كنت معاها ، المهم اصبح الصباح وانا م عارفه اذا حمشي جامعتي ولا لا ، قمت اخدت حمامي وصليت قعدت مع امي و ابوي طلع ..
(في جانب تاني )
شوفي يا ايمان انتي عارفاني كويس انا ما بحب اضر لي زول ، لكن في الموضوع دا بالذات انا الاتضريت ، وانا كان مافي زول هبشني وغلط علي انا ما بغلط علي زول و هسي انا القلتو ما ختنازل عنر ، عايزة تساعديني كان بها ما عايزة تساعديني اقيفي بعيد ، بس ... ( بقلم / سحر سمير )
اما عندي الحصل انو نازك متاخرة غير العادهّ
قلت لامي انا حمشي الجامعه عادي ولا خالد حيرفض و تلفوني معاهو من امس ما رجعو لي ، قالت لي حتمشي قومي اجهزي وانا بشوف ليكي تلفونك وين ، ياخ فرحتا امي دي بالجد جنة مستحيل اخذلا و لا اقلل ثقتا دي فيني ، قمتا لبست وخلصت بابنا خبطت طلعت نازك ، سامعه خالد بقوليها اتفضلي ادخلي كانت بترفض و تقوليهو انحنا متاخرين بس نادي لي ريان ، طوالي طلعت ليها سلمت عليها و وشها كان شاحب شديد بس ما سالتها عشان خالد ، جيت مارقه ناداني مد لي التلفون حبيتو شديد في اللحظة دي ،
قال لي لحظة معاذ حيتقدم معاكم ، استغربت مرسل لي معاذ حرس تاني قلت عادي معاذ زولي واصلا م عندي حاجة ، المهم جا و طلعنا التلاتة و صمت غريب الا معاذ كان كتابه في يده و بيذاكر ، معاذ دا حاجه كدا نابغه سبحان الله ما عايش عمره القدرو بيلعبو وبيصاحبو والقرايه اخر همو ، لكن معاذ لا جمب سريرو كله كتب عربي وانجليزي و كتب ناس كبار ، و المنهج حقو دا ولا شي بالنسبه ليهو ، عقليتو ما بينحكي عنها ، المهم وصلنا الشارع الرئيسي شفت " مي" مي اختي عرفتكم بيها امس و هي اصغر مني طوالي ، المهم شفتها من بعيد بتركب في عربيه مع زول ، انا هنا اعصابي باظت وكان لازم اسكت عشان معاذ معانا وعارفه تصرفي غلط بس لمن بنصدم ما بعرف اتصرف ..
المهم ركبنا البص و معاذ نزل في السكة قالي خلي بالك من نفسك ، قلت ليهو حااااضر وانت كمان ، قبلت علي نازك قلت ليها مالك ؟ قالت لي مافي حاجه بس ما نمت كويس ، قلت ليها ظاهر فيكي اصلا الليله م عندنا غير محاضرة بنخلصا وانا زاتي برجع جايننا ضيوف ( اخل خطيب عبير اختي) ، قلت ليها نازك غريبه انا متوقعاكي تسألني امس رجعت بيتنا كيف لمن كنت مع محمد مش متفقين تمسكلي لي و ترجعيني ، قالت لي ووووووووب علي انا نسيت خالص و شالتني نومة !! قلت ليها شالتك نومة ؟
في سري قلتا : اسي كنتي بتقولي انك ما نايمة كويس و في نفس اللحظة بتقولي شالتك نومة !!!!!!!!

استككانة🍨~

يتبع .....