خلايا الحب

19

لقيت في وحدة واقفه قدام الباب مغطيه اللوحة المكتوب فيها الرقم ، عاينت علي يساري لقيت الغرفه التانيه 814 و حسب الترتيب دي مفروض تكون 815 قربت من البت و لانها لابسه توب اتوقعت تكون امها لنازك ، بس من قلت : سلام عليكم ، دي من غير ما تشوفني مشت بطريقه مربكة شديد مشيت وراها بقيت اقوليها لو سمحتي ، لو سمحتي اتلفتت عاينت لي بنص وش وادتني نظرة طول ما انا عايشه ما حنساها ، و جري هرولت علي كدا و نزلت ، جا دكتور سفيان نادني : يا رياان م رديت ، كرر تاني : رياااان
قلت ليهو نعم يا دكتوو ، قالي واقفه هناك عندك شنو ، والغرفه هناا !! قلت ليهو كنت بفتش فيها ياداب ، قال لي طيب تعالي ، مشيت اداني كمامة و جوينتات ، و دخلني ودخل معاي ، عن كميه الخراطيش والاجهزه الفيها ، بالجد حمدلله علي نعمة العافيه الواحد كان وين و بقي وين ، ف نحمدالله علي خير القضاء و شره ، فاا رغم ان الدكتور قال كانت بتحاول تنتحر او ما شابه بس انه اول ما بدا العلاج كانت بتتجاوب معاهو بصورة مبشرة حمدلله ، طلعت علي كداا ، قالي الدكتور .. الليله جمعه و ما بدوام اليوم كله و اتصلت بي نداا قالت لي اجيبك معاي ، قلت ليهو لالا انا باخد امجاد ، قالي انتي مخك دا مركب قلبوتي ، و لا رديت .. قلت احسن امشي انا البيت زاتو ما بعرفو ، ف اتصلت علي عبير ، قالت لي جمعات مباركات قلت ليها تتبارك ايامك اهاا الخبر ، قالت لي ريان عليك الله انتي جادة ؟ دا ما وقت هزارك ، قلت ليها في شنو يا اخت ، فالت لي الليل كله انا ما نمت بتفرج في الفساتين و التساريح والمكياجات ياخ حاجه كدا اناقه شديده ، قلت ليها اها اخترتي ان شاء الله قالت لي اخترت اقل عرض وبرضو غالي ، عبير ماليكي دخل بي غالي ولا رخيص ياخ اختاري الدايراهو من مجاميعو ، انا كلمت امي من المستشفي بمشي عند نداا ، كان دايرة تعالي لي و نمشي سوا تختاري و تقيسي ، قالت لي مع الحبس والدخان طلوعي صعب ، يا عبير اللبسي النقاب بس او خلي بكرة نطلع من الصباح اصلا عندي جلسه ، قالت لي جلسه شنو ؟ طبعا اتزلقت بلساني ، قلت ليها جلسه شنو ؟ قالت لي انا عارفه انتي القلتي جلسه ، عبير عن النقه الكتيرة انا عايزة اتخرك و معطلاني انتظري لمن اجي البيت نختار سوا ونتفاهم ، قالت لي ثمح و قفلنا ، سفيان قال لي اسبقيني دا مفتاح العربيه دوسي هنا و من الصفارة حتعرفيها اركبي مسافه اغير واجي ، شلتو ونزلت من غير كلام ، بس قاعده افكر دي منو و اصلو ما غريبه علي البت دي ، في اللحظة دي جاتني رساله ، من رقم مكتوب فيها ..
* سلامة صحبتك ،عقبالك * !!! رجعت اتصلت علي الرقم بيديني خارج نطاق الخدمة ، اتوترتا بس في سر و السر دا مافي زول غير نازك بعرفو ، في اللحظة دي جا سفيان من بعيد ، و من غير الابكوت والنضاره الطبيه ، الشاب دا كلمة وجيه قليله عليهو ، المهم ركب قالي قاعده ورا مالك سواقك انا ،حاتكم ولا رديت ، اتحرككنا علي كدا و هدوء صمت مافب غير صوت العربات في الشوارع و زحمة الخرطوم .. للحظة اتزكرت كلام نازك لي والاهانه الاهانتني ليها ، و يوم عرفت بكسرها كنت اول من يقيف معاها و اتا علي ياتو اساس اخد ليها حقها ولا فكر منو العمل فيها كدااا !! لا انا ما عايزة مشاكل نازكك تتحسن وكل واحد يرجع لحياتو ، في لحظة خسرت محمد و خسرت نازك و ديل اكتر اتنين بعد اهلي ما كان بيفوت علي يوم من غير ما امون معاهم ، كل حياتي كانت متعلقه بيهم و الاتنين بعدو وخلوني من غير اي ذنب ، حتي لو خالد اخوي شافنا و محمد خايف علي منو اكيد ما خوف لدرجه انه ما يعاين فيني تاني ، ولو كداا خلاص خالد سافر وكان بأمكانه يرجع يواصلني ..
سالت نفسي سوال اها يا ريان حاي لوومحمد رجع واصلك هل حيتزوجك ؟ ولو حيتزوجك حيكون بعد شنو بعد كم سنه ؟ باختصار انا جميلة و شغلي ماشي و في فترة صغيرة بقدر اصلح وضعنا و اشتري بيت ونرحل من هنا ، عارفه اهلي لو عرفو بي شغلي دا احتمال كبير يرفضو بس ما حكلمهم الا بعد اكسب قروش تعيشنا مرتاحين و ابوي يقعد من الشغل و هو حيفضل شقيان فينا لحد متين .... فجأة قاطع تفكيري صوت نداا بتقول لي رياااان يا بت هييبب هش هااا سرحانه وين يا بت " ضربتني في كتفي " يا بت انتي كويسه ، ياداب لاحظت اننا وصلنا وندا جمب باب العربيه ، قلت ليها انا كويسه بس سرحت شويه ، قالت لي خلعتيني ياخ سمح انزلي و الله انا ميته من الجوع ، نزلت و طبعا م يحتاج اقوليكم شكل البيت بس بالجد ربنا يقدرني واجيب زيو لاهلي باذن الله ، من دخلنا لاقتنا امها و و داااك يا السلام الحار و حبوبتا ، و والله يسلمو علي سفيان دا زي الراجع من سفر ، بيحبو حب ما عادي ، المهم قعدنا واتونسنا و بالجد انبسطتا معاهم لدرجه ما عايزة ارجع زي البعدت عن عالمي وحياتي للحظات ، وراجعه ليها تاني ..
جات الساعه ٧ سفيان و ندا وصلوني قبل نصل البيت نزل جاب لينا ايسكريم قالينا انزلو اكلو هنا ، قالت ليهو لا ف العربيه ، جاب لينا و نضحك و نهزر لمن وصلنا ،،،
قلت ليهم اللا تنزلو تسلمو علي ناس بيتنا ، دخلت قدامهم كلمت ابوي وامي و طبعا مي شلاقه براها جات ، دخلو الصالون و قعدو شويه ، و سفيان يتونس مع ابوي زي الفي عمرو سبحان مولف القلوب ، لمن طلعو مننا كانت 9:40, ودعتهم و دخلت صليت العشا وانجدعتت في السرير ..
اذ فجأتاً امي جاتني داخله والضحكة للضرس الاخير ، قالت لي هي يا يمة سفيان السرور اريتو يطلع من نصيبك يا ريان يا بتي ، طوالي نططتا ليها عيوني ، يمة انتي فاهمه غلط دا اخو ندا و علي ما اعتقد خاطب يمة ( ما خاطب بس عشان تشيل الفهم دا من راسها ما حتقتنع الا كدا و ربنا يسامحني بس ) .. قالت لي خسارة بس والله يا ندا حاساهو من نصيبك ، قلت ليها اجي الراجل خاطب يبقي نصيبي كيف ، يمة والله نعسانه و بكرة عندي جامعة ، نتم كلامنا بكرة ، قالت لي سمح اكلتي ن قلت ليها اي معاهم ،
و صحي تعال نسالك عبير كلمتني بالزفاف والحاجات دا لو بعنا املاكنا كلها ما بنجيب طرحه الفستان من المحل دا ،، قلت ليها يمة بفهمك كل حاجه بس في الوقت المناسب ي غاليه اتفقنا ؟ قالت لي ، كان كدي ننشوف .. طلعت من هنا استلمت رساله تهديد من هنا
فيها *انا بأمكاني اعمل فيكي زي ما اتعمل في صحبتك بس لو انتي ما جبانه تعالي علي العنوان دا (....) * ..

استككانة👋~

يتبع .....