خلايا الحب

17

و نزلت تحت بفتش في عاااطف ،،،
و كانت و المفاجأة الاولي كانت هنااااااا ..
شفتا ' ندي صحبتي' جايه و معاها عمود اكل في يدها ، انحنا الاتنين بقينا واقفين نعاين لي بعض بالجد ذهول ..
الدنيا دي عمرها ما كانت ضيقه بس ربنا خلق الصدفه عشان يجمع و يولف .. انا من جانبي كان كلي علامة استفهام و من غير ما احس بكل عاطفه جريت حضنتها وبقيت ابكي و هي ماسكة العمود مخلوعه فيني من كل النواحي ، بقت تبكي و هي ما فاهمة حاجه بس قالت لي ريان روقي حبيبتي انتي الجابك هنا شنو ؟ امك كويسه ابوكي و عبير و مي ومعاذ فيكم شي ، ما تبكي ردي علي اعصابي باظت وبعدين شوفي تلفونك انا بدقدق عليكي من متين و اصلاً ما كان عندي حل غير اصلك البيت ، رجعت لورا و قلت ليها ' بصوت باكي' نازك يا ندي ، نازك ، قالت لي ناززك !! نازك مالها ؟
نازك يا ندي عيانه و في الانعاش اتخيلي ليها اسبوع وانا ما عندي خبر و علي دا ملو جيت لقيت الدماترة الكلاب ديل مطلعنها من العنايه عشان حتت ورقه و قروش ،
لا حول ولا قوة الا بالله طيب شنو الوصلا للحالة دي ؟ والله يا ندا انا ما فاهمه حاجه بس في نفس الوقت فهمت كل حاجة لكن ودييييني وايماني يا ندا انا ما حخلي ليها حقها كان ليها حق والله ما اخلي ، ّبعدها سكت وابتديت استوعب ان القدامي دي ندي صحبتي ! و ان المكان الواقفين فيهو دا المستشفي !! ندي ! و مستشفي ،، سكت مسافه بعدها قلت ليها ندي انتي جابك هناك شنو ؟ والله اتوسمت فيها الخير واصلي ما ختيت ليها حاجه شينة كل الفكرت فيهو انها تكون مشت بيتنا و امي كلمتا ..الخ
قالت لي انا يوم بعد يوم يا ريان بجي هنا لمن بكون فاضيه والجمعات خصوصاً اخوي سفيان بيشتغل هنا ، غريبه ما جبتي لي سيرة
.. كدي خلينا نمشي انا شايله ليهو العمود وجايه طايرة عشان لو برد ما بياكلو و نتم كلامنا في سكتنا ، والله يا ريان دا اخوي وابوي واي دنيا هو اخوي من ابوي لكن ما حصل حسيت الحاجه دي ، قاعد معانا في البيت من صغير اتربا مع اخواني وامه زوجة ابوي الاولي قبل امي ، و بعدها امو يتمتو وهو شافع و الباقي عارفاهو فاا سفيان دا الريد كلو ، الله يخليكم لبعض طبعا اوول مرة اعرف ، اي لانو ما جات سيرة و لمن عزمتك بيتنا كنت حابه اعرفك بيهم كلهم و ما زلنا في انتظارك باذن الله ، باذن الله بس نازك تتحسن ! ماشه معاها نادتني ممرضه قالت لي محتاجين امضتك لسداد الفاتورة ، قلت ليها جداا و قلت لندا انتي اطلعي ولا انزلي لاخوكي وارجعي بتلقيني ف مكاني دا ، بعاين ليها لقيتا منططه عيونا ، قالت لي انتي الدفعتي التكاليف ؟ قلت ليها بعدين نتكلم امشي ، قالت لي لا بنتظرك تجي معاي ، قلت ليها طيب لحظة ،( بقلم/سحر سمير)
مشيت مضيت ، و لقيتا طالعه السلم ، قلت ليها الدور الكم ؟ قالت لي الرابع علوي ،
هووووي ها والله ما بطلعو ليكي امشي ساي بنتظرك والله تعبانة يا ندا بس خليها بالنيه ، قالت لي طيب برجع ليكي و طلعت ، الاغرب من الغريب عاااطف اختفي اختفاء عجيييب، حتي رقمو م عندي ، ف امي قاطعت تفكيري بي اتصال ....
*سلام عليكم يمة الغاليه
_عليكم السلام ريان ، الوقت يا يمة حتقنبي هناك لمتين ؟
*اكيد حأجي يا امي ، بس دايرة اسالك عاطف دا جا عليكم ؟ لانو اختفي
_سجمي والبرجعك البيت منو ؟
*تساهيل م تشيلي هم لسه الوقت بدري م تخافي و حكون متواصله معاكي تلفونات باذن الله
_سمح اها نازك بقت كيف ؟
*والله يا يمة دعواتك بس ّ
_ربنا يواليها بالعافيه ، يلا م تتاخري عشان خالد دا قبيل اتصل بسال عنك قلت ليهو نايمة وعارفه ما بتنومي في الزمن دا ..
*باذن الله برجع اكلمو ، يلا ي غاليه ف امان الله .. قفلت
و لمحت عاطف دا جاي يطوطح و يتلفت زي الحرامي ، شفتو وسكت قلت اشوف نهايتو شنووو ، اما علي يميني كانت المفاجأة التانيه ........

استككاانة☕~

يتبع ........