خلايا الحب

11

* الفار قرب يدخل المصيدة *
... اما من جانبي اليوم بالنسبه لي انتهي و فعلاً انتهي تماماً و بكرة صباح جديد اتوضيت وصليت و نمت علي كدااا ، صحيت بهدف جامعتي وقرايتي و انا عايزة اصلح وضع اهلي ، طلعت من غرفتي جهزت للجامعه و كان ناس امي صاحين و مدخلين حاجات كميه ، العرفتو انها حاجات الحبسه حقت عبير ، بما ان لسه قدامي زمن قلت احسن افطر مع اخواني و قعدت ، جا خالد وابوي ماشاءالله يتونسو ويضحكو و عبير دي صارة القدوم دا مترين ، فرحت بس ضحكته و وجودهم دا بالدنيا كلها ، جات امي شايله الشاي ، قالت ليهو يعني خالد فوق ما انك ناوي تتغرب يا ولدي كمان عرس اختك ما بتحضرو والله ما بينفع الكلام دا يا ولدي ، انا هنا اتفاجاتت، قلت ليها يمة خالد ماشي وين والله زعلت والدنيا دي دارت بي و دموعي نزلت ، اي خالد صعب بس حنين وطيب وجودو بيمدني بطاقه قويه والله ، قال لي حترتاحي مني يا ابلة ريان خلاص اوراقي جهزت و حسافر ، من قالي ترتاحي مني دموعي جرت زياده ، قلت ليهو خرام عليك انت ابوي التاني و وجودك ما ببدلو بتمن عليك الله ما تسافر هدا انحنا حالنا كويس ماكلين و شاربين ومستورين يكفي وجودنا مع بعض يا خالد القروش ما كل حاجه ، قال لي كان تابعنا العاطفه يا ريان م حنعمل حاجه كفايه ابوي الشيب طلع وهو لسه بشتغل جا دورنا و دا شبابي كان ما تعبت فيهو اسي تاني حتعب متين ، و بعدين انتي زاتك لتزم تشدي حيلك و تجتهدي عايزك تعملي عياده او تشتغلي في احسن المستشفيات حققي حلمك وابني مستقبلك ، دي الحاجه الوحيده الحتنفعك و تنفعنا ، مي قالت ليهو وانا شنو يعني ؟ قاليها اناي لسه قدامك كم سنة لكن ريان ما فضل ليها حاجه ، عبير قالت ليهو طيب احضر عرسي ما متخيله تكون مافي كدا فرحتي حتكون ناقصه ، قالينا بالعقل يا بنات انحنا اسي شهر 8 وعرسك ف العيد يعني شهر 9 و شهر 9 موسم حج اموري حتتعطل وتاني الا استني شهور عشان الكفيل يخلص لي اوراقي ، اعذروني انحنا الموافقه دي منتظرنها لينا زمن اسي وقت الله سهلا نتحمل عشان نعمل حاجه ، (بقلم/سحر سمير)..
طبعا كان كلامو منطقي شديد و بالعكس بدل الزعل ضحكنا و فرحنا ليهو وبالجد اداني قوة وحافز ما عادي اساساً انا بحب القرايه ، بس بالجد حبيتا اكتر و كل حاجه عملتها من صغري لحد الان كانت بحب ،
ومن صغيرة امنيتي ابقي دكتورة مشهورة ، قاطعني اتصال من ندا ، رديت ليها ندويه بصوت مليان فرح ، كلهم سكتو بقو متابعين ، سامعني برد ليها بفرح وروح حلوة ، قلت ليها انا جاهزة من قبيل بس الونسه مع تاس البيت جميله واخدتني ، اها انتي وين ؟ قالت لي خاشه علي الجامعه ، قلت ليها اها لا ما بحصلك اسبقيني و نتلاقي ف مكان المرة الفاتت وقفلت و وشي دا مليان بهجه ما عاديه ، كلهم مبتسمين قالو لي تدا دي منووو ؟ قلت ليهم والله بت ياداب اتعرفت بيها لكن حجيبا يوم قبل خالد يسافر و عاينت ليهو و طلعتا ، امي قالت لي نازك وين ؟
قلت ليها راحت لحال سبيلا ي امي ، قالت لي كيف يعني ؟ قلت ليها انا متاخرة بعدبن نتكلم ،اغرب شي خالد قالي حوصلك معاي عربيه عاطف ، قلت ليهو تكون ما قصرتا ، نادا لمعاذ طبعاً محشور في نص الكتب بي نضارتو ،
جرينا ركبنا ، و مي الزمن داك كانت طلعت المهم مشغلين اغاني و ونسه و ضحك ، بس في السكة لاحظت لدكان محمد كان مقفول مطبل عديل و دي المرة التانيه ، طبعا ملامحي اتاثرت بس قلت لا ما حرجع للماضي
.. و بقيت بتونس مع خالد قلت ليهو الليله بسحروك خالد بحالو يوصلني الجامعة ، قال لي اسي بنزلك ، قلت ليهو لالا خلاص
لحظة اتصل علي ندويه ، اشوفا وين ، قال لي اتصلي في زول ماسكك ، حقار هههه
اتصلت قلت ليها اطلعي لي براا ، قالت لي اصلا برا طلعت اصور اوراق من المكتبه ، قلت ليها انا جمب الجامعة ، بس بس خلاص اقفلي شفتك .. نزلتا مسكتها من كتفها ، سلمت علي بحراره و البت دي لمن تضحك تحلفو تقولو شمس وشرقت ماشاءالله عليها ، قالت لي جيتي مع منو ؟ قلت ليها خالد اخوي ، خبطت ليهو الباب انا عايزة يطلع يسلم عليها بأي طريقه ههه فهمتوني انتو صح 😉؟ المهم نزل لف ناحيتنا من شاف ندا واصلو احساسي ما خاني فتح خشمو متر و كانت ظاهره ههه و هي زاتا ابتسمت ، سلمو علي بعض عادي جداااً ، و هو رجع علي عربيتو و انحنا دخلنا جامعتنا .. قضيناها ونسه و ضحك وهزار لحد اخر اليوم ، للاسف شفت نازك مع مالك و وحدة كدا و صاحبو داك ، ندا قالت لي صحبتك ،
قلت ليها ما بقت صحبتي ، قالت ليه وكدا قلت ليها موضوع طويل يوم تجيني الجمعه بنتونس .......

استككانة🐒🍌~

يتبع .......