خلايا الحب

22

محمد قال لي : والله بتمني فعلا انها تكون اخر مرة ، لان ما ممكن كل مرة اشوف غلطة حياتي محل ما انا ماشي بس هانت امرق من الباد دي عشان ارتاح من وشك دا يا بتاعت المكياجات ، والله رغم ان كلام محمد نزل علي زي الصاقعه بس كل الفكرت فيهو ان سبب كلام محمد دا ياهو نفس كلام امه ، قلت ليهو لالا ياخ عليك الله اقيف ادمع لدمعتين عشان الموقف الحزين دا ، ولا اقوليك اقيف اترجاك لكن المشكله الناس بتعاين لينا ، انت جنيت ولا شنو اااي بحبك واي حاجه و ما وعيت علي الدنيا دي الا وانت كنت جمبي لكن توصل للاهانه انساك وانسي سلالتك كلها ، اوووع كلو الا الغلط و ما تخليني اقول كلام اكتر من كدا انا ما زلت بحترم الشي الكان بينا ،
قالي والله لكن يا ريان فعلا انا الكنت عميان وكلام نازك صح انك لعبية كان صح سبحان الله ياخ الحقائق بتظهر ..
انصدمت من جواي ان نازك ليها يد في تغير محمد مني ، بس ما اظهرت احساسي دا ،
شووف محمد م تتوقع مني احنسك واسالك نازك قالت ليك عني شنو ها لانو انت كراجل مفترض يكون ليك هيبتك واحترامك ما تصدق كلام'بنت' سوري بس دي امور نسوان قلنا وقالو دي ما بتليق بالرجال ، وحاجه اخيرة لو كنت فعلا بتحبني قدر حبك لي كان ثقتك تجاهي اتبنت و فعلااا الحاجه الصح الوحيده القالتا نازك انك لا بتناسبني لا بناسبك انا دكتورة و انت ....... ولا مافي داعي .. مسكت ندا من يدها وجريتا ومشينا اتجاه تاني غير البطلعني فوق ، لقيت لي مجالس بس قعدت ورا شجرة و بقيت ابكي بحرقه ما عادي والله حاية بنار جواي بتاكل في روحي ، بالجد لمن نحب انسان دايماً بنخت الحاجه الحلوة واصلو ما بنسيئ فيهو ولا بنتوقع ان ممكن تجي لحظة بالبشاعه دي وانك تتكلم مع حبيبك كأنه خصمك و بتحارب فيهو بكل ما اوتيت من قوة ، بالجد.. ندا قعدت جمبي وحضنتني ، قالت لي خلاص روقي انا اول مرة اشوفك بتبكي كدا يا ريان ، موجوعه يا ندا والله انا نازك دي كنت خاتاها في التوب بالنسبه لي اغلا من محمد معقول تطلع كدا طيب انا عملت ليها شنو ؟ كل دا عشان حذرتها من مالك ،و اسي يوم الدنيا كلها اتخلت عنها منو المسك يدها غيري ، انا حمدت ربنا انه فتح لي باب رزق وشغل قلت ربنا اداني ليهو عشان اقدر اقيف معاها واساعده .. قالت لي يا ريان كل واحد بيعمل بي اصلو وانتي اصلك و معدنك نضيف ، بس وقفت علي حيلي و قلت ليها ايوووة هي يا نداا والله لانو مافي زول كان بيعرف غيراا ، قالت لي شنو هو انا ما فاهمه حاجه ، قالت لي يوم محمد اتصل علي وقالي صروري نتلاقي الساعه 7 و هي الوحيده الكانت عارفه مكان بنتلاقي انا ومحمد و هي الحتكون كلمت خالد اخوي ، قالت لي ريان والله احترت كل دا حاصل معاكي ، طيب ليه كدااا ؟ في اللحظة دي سفيان اتصل ، رديت ليهو ، قالي صوتك مالو ؟ (بقلم/سحر سمير)
قلت ليهو مالي ، قالي صوتك غريب و اتاخرتو ليه من قبيل جيتو انا منتظركم في الدور ، قلت ليهو طالعين .. قلت لندا ارح ، قالت لي هاكي المنديل دا امسحي دموعك عيونك حمرت ، قلت ليها لحظة طيب ، مشيت علي كنتين اشتريت قزازة مويه غسلت وشي ونشفتو وطلعنا ، سلمنا علي سفيان ، قلت ليهو نازك صحت ؟ قالي ايوة بس مواعيد الغدا لازم تاكل لانو ليها فترة عايشه علي المحاليل ، قلت ليهو نخش عادي ؟
قالينا الممرضه معاها ، دخلت انا ونداااا ، ندا متوترة اكتر مني ، قلت للمرضه دا غداها ؟
قالت لي ايوة بس اسي طلعتها من الحمام عايزة اللبسا بعداك اغديها ، قلت ليها طيب شكراا اطلعي انتي انا بعمل الحاجات دي ، نداا منططة عيونا مستغربه في تصرفي ، مشيت جمب نازك رفعت السرير ، لقيتا مبتسمة ابتسامة مخلوعه كداا ، ابتسمت ليها قلت ليها حمدلله علي سلامتك ما تشوفي شر ، قلقتينا عليكي ،، و شلت الملابس قعدتها و لبستها ، و جبت الاكل حقها و بقيت بأكل فيها ،، قلت لندا حتفضلي واقفه كداا ، اقعدي
جا سفيان داخل ، قالي بتاكليها اناي ليه وين الممرضه ؟ قلت ليهو انا قلت ليها تمشي حابه اخدم صحبة عمري ، قالي والله يا ريت لو مل الصحبات زيك كان الدنيا بقت بخير ..
بعد اكلت ، وزحيت منها الصينيه ، قلت ليها اها حاسه بحاجه ؟ هزت راسها = لا
قلت لدكتور سفيان ، كدا حتمتبو ليها خروج متين ؟ قالي لي كمان يومين بس تكون تحت المراغبه ، قلت ليهو جميل يعتبر صحتا استقرت ، قالي ايوة ، قلت ليها نازك حبيبتي بتقدري تتكلمي ؟ قالت لي ايوة ، قلت ليها بابتسامة سمح حارمانا من صوتك مالك ، حبيت شدديد كونك متمسكة بحياتك و رجعتي ليها يمكن تصلحيها ... ّ

استككانة☕~

يتبع ......