خلايا الحب

7

عاينت ليها بس و عرفت ان في حاجه غلط واول مرة نازك تبقي معاي كدا ، قلت خير عاذراها لمن توضح لي في يوم ..
طبعاً دا اول صباح ما اصبح فيهو علي محمد غير الحصل لاحظت دكانه قبيل كان قافل ما جبت ليكم سيرتو عشان معاذ كان معانا ، المهم وصلنا الجامعه ر بالي مشطوب بفكر في ستين حاجه ، اولهم مي اختي وتانيهم نازك و تالتهم اللغز الحاصل لي دااا ..
قلت لنازك انتي زعلانه مني في حاجه ؟ قالت لي ابداا ليها بتقولي كدا ؟ قلت ليها صراحه سكوتك و تعاملك بارد معاي ، انا كان غلطت عليكي بقصد ولا من غير قصد وريني ، قالت لالا عداكي العيب ، دا كلو واحنا واقفين اتفاجاتا بي جية مالك و احد صحبو غير بتاع المرة الفاتت ، طبعا وقفتا عشان خاطر نازك ، سلم ابيت امد يدي عملت فيها م جايبه خبر ، نازك قالت لي مادي ليكي يدو ،
قلت ليها اهاا بعتذر م انتبهتا و مديت طرف اصابعي و سحبت يدي ، قعد يقوليها انتي ما عايزة تقابليني ولمن من البدايه ما عايزاني جابرة روحك علي ليه ، كان تقولي لي ما بينفع نرتبط و خلاص بس ما تسفهيني بالطريقة دي ، قالت ليهو مالك انت عارف مكانتك جواي حجمها قدر كيف ، بس ظروف اعذرني يومين كدا و نتلاقااا ، قاليها لا
الليله يا نازك و كان ما جيتي اعتبري البينا منتهي لاني حعتبرك ما جادة ، طبعا انا اتخلعتا من اسلوبو معاها ، وهي مسكينه قعدت تبكي ، غلبني اسكت علي قساوة كلامو ، قلت ليهو اعذرني علي التدخل بس الحب عمرو م كان كدا انو دي بنت مفروض انت تخت العذر لي ظروفها و تقيف معاها ما تضغط عليها و اكيد هي لو ظروفا مساعده كانت لاقتك من غير م تطلب منها ، عاين لي وسكت لانو اصلا عندو ميول تجاهي و لو كان قلت ليهو كلام زي السم م كان حينتبه ، قلت لنازك انا بمشي علي المحاضرة انتي امشي معاهو الكافتيريا اتكلمو ..
قالت لي لالا مافي داعي انا بطلع معاهو برا
اتخلعتا ، قلت ليها برا وين يا نازك ؟ قالت لي ريان عليكي الله كفايه تدخل في حياتي ،
يوم انتي حبيتي محمد وكنتي بتقابليهو انا ما اتدخلت في خصوصياتك ، دموعي نزلو بس في فرق بين محمد و مالك ، محمد دا كان لقاني عريانه بيغطيني لكن مالك دا من النوع البيعري ما بيغطي ، بس انا من الزعل مشيت وخليتا لانو بجد انا خايفه عليهاااا ، مشيت قعدتا في بينش في حرم الجامعه جمب وحدة حتي ولا سلمت ، قالت لي اصبحنا واصبح الملك لله ، معقولة وشك دا بيبكي زينا ، ضحكتني قلت ليها ليه مخلوقه من طين غير طينكم ، بقت تضحك و صراحه شكلها زوله راقيه من كل النواحي و انا لي سنوات في الجامعه دي ، واول مرة الاقيها مدت لي يدها قالت لي انا ندا ، قلت ليها و انا ريان ، قالت لي تشرفنا و بقينا نتونس وتخصصك و تخصصي و اتبادلنا الارقام ، كل دا و نازك شايفاها بتتناقش مع مالك والظاهر متنشنين ، لحد ما جاتني نازك غضبانه ما شايفه قداما ، قلت الله يستر ، ندى قالت لي مالك ؟ قلت ليها صحبتي الجايه علينا ديك بس شكلها ما رايقه ، قالت لي من شفتها واقفه مع مالك دا دعيت الله يهديها و انتي كيف تصاحبي وحدة زيها ؟
قلت ليها زيها كيف يعني مالها ؟ قالت لي اي وحدة تقيف مع الزول دا يبقي ماضيها معاهو اسود انسان تافهه شديد ، بس نازك وصلت قالت لي انا بطلع مع مالك ولو اتاخرتا انتي امشي ما تنتظريني ، قلت ليها لا ما حتمشي
قالت لي ريان ما تدخلي ، لا يا نازك بتدخل و ما تعلي صوتك المكان دا ما مكان للنقاش ، كفايه سكوت لحد هناا كل حاجه مالك مالك مالك و مقفله عليهو من كل الاتجاهات دا مجرد انسان تافه و ظاهر من اسلوبو و تعاملو انه قليل ادب ، قالت لي ايواااااه قولي انك بتغيري مني ما خلاص موضوعك مع محمد طرشق ، قلت ليها موضوعي مع محمد !!! و انتي عرفتي كيف و الصباح خشمك ما فتحتي معاي ، قالت لي ريان مالك منتظرني ونضفي جواكي كويس و بطلي حقد ، طبعا انا عنا مصدومة ما قادرة اتخيل نازك دي حاصل ليها شنو يا رب ، بس قعدت ابكي ندا قالت لي والله ربنا يصلح الحال ، قعدت جمبها قالت لي بقعدك شنو ؟ صحبتك دي كان طلعت مع الزول دا ما حترجع سليمة ، قلت ليها كيف يعني ، قالت لي عديل يا ريان امشي وراها اتكلمي معاها ، قلت ليها هي ما قادرة تفهمني من اول مرة انا عرفت الزول دا تافهه من نظراتو وسلامو لي .. م حسيت بنفسي الا وانا بفتش فيهم برا الجامعه زي المجنونة ما لاقياهم ، لحد م عاينت لقيتهم في ركشه طوالي وقفت لي ركشه و اتحركتا وراهم ، بس جاري و جارين وراه ، انا ما عارفه جاتني القوة دي من وين ، اللهم لازم احصل نازك باي تمن ، بقيت اقول لبتاع الركشه عليك الله يا عمي اسرع قدر قدرة الله اداك ، بس يمكن مشوار نص ساعه
وانا زمن محاضرتي انتهت و مفروض ارجع البيت للضيوف ، المهم وصلنا مكان اغرب من انه يتوصف م نزلت من الركشه بقيت بعاين من بعيد وانا حموت من الخوف ، وشايفه نازك دي بتضحك للضرس الاخير ، دخلو كدا مكان زي حوش و منه في كافتيريا ولا غرفه ما عارفه المهم مكان اغرب من الخيال ، بس المنطقه عمرانه ، من شفت المكان مليان ناس قلت امان مافي داعي اضايقا و بعد تخلص نرجع سوا ، نزلت وقلت لبتاع الركشه شكراً و حاسبتو ومشا ومن ضمن الايام عندي قروش في شنطتي ( بقلم/سحر سمير ) ..
واقفه مكاني محمد اتصل علي ، اترددت كتير ارد ، ف الاخر رديت ، قالي ريان كيفك ؟
قلت ليهو انا بخير حمدلله انت كيفك ؟ قالي تمام نحمد الله ، قلت ليهو يستاهل الحمد ، قالي انتي كويسه ؟ قلت ليهو ايوة
قالي حبيت اطمن بس ، قلت ليهو فيك الخير ،، كنتا باردة شديد معاهو يلا هنا قلبي اكلني شديد اتاهرت نازك ، قلت لمحمد عن اذنك انا حقفل ، قالي تمام .. بس بقيت رايحه وجايه و الناس بتعاين فيني ، اتاخرت و غالبني انتظر ، بس طوالي مشيت علي المكان الدخلو فيهو دا ، بقيت بخبط مافي صوت ، شلت حجر من الواطه و بخبط برضو مافي صوت بس دفرت الباب و بقيت بفتش لمن وصلت لي غرفه كدا في ركن و شفتا نازك دي تبكي و خاتي يدو علي خشما و 🔞
انا هنا ما شفت قدامي تاني و جمبي حديده مصديه و جريت بس رفعتها وقلت ليهو فك نازك الا ويمين بالله بنزلا علي راسك انت القبر و انا السجن ، و نازك تبكي بس زح منها قلت ليها اللبسي باقي ملابس و بعاين ليهو ومتوقعه اي ردة فعل منه .....

استككانة☕~

يتبع ......