خلايا الحب

9

جاتني امي داخلة ، انتي الوداكي المكان دا شنو ؟ ( المكان الحصلت فيهو نازك) ..
انا هنا انصدمتا واتاكدت ان في طرف خفي و في حاجه مراغباني عايزة اجن حياتي بقت عبارة عن لغز ، قلت ليها مكان شنو يا امي ؟
قالت لي ريان انتي حاصل عليكي شنو ابايام دي جنيتي انتي ، يمين بالله يا ريان كان ما عقلتي انا بوافق علي احمد المتقدم ليكي دا ولا بعرف جامعه ولازفت ، عايزة تقري تقري ف بيتك ، قلت ليها احمددددد!!!!
احمد منو يا امي ؟ وبعدين انا مالي اسي ؟ قالت لي زهور جارتنا شافتك قبيل في ال( ....) نازله ليكي من ركشه و واقفه في الشارع ، قلتا في سري بركة دا لعز واحد اتحلا براهو ، قلت ليها اعفيني من الاجابه وانا عارفه امس وعدتك ما اغلط تاني بس والله توبه يا امي و انا اتعلمتا من غلطي ، قالت لي تمام يا ريان اشوغ اخرتك شنو وانا عيني عليكي ، قلت ليها تسلم لي عيونك ، اها واحمد دمنو كمان ، قالت لي دا ود عمة مجتبي خطيب عبير اختك ، و شافني وين دا كمان ؟ قالت لي كيف يعني شافك وين بطلي اسئله عويرة اكيد في خطوبه اختك ، قلت ليها و ما اعرف الا بالصدفه ، قالت لي اصلاً ابوكي رفض لانو عارف طموحك في القراية يوم تتزوجي حيكون القرار راجع ليكي ، قلت ليها والله يا امي الله ما يحرمني نعمة وجودكم في حياتي بالجد انا بحمد ربنا عليكم ، قالت لي ولا يحرمنا منك بس اعقلي عشان الايام دي ظاهره ليكي حركات جديده كدااا .. قلت ليها حقك علي ، قلت ليها عرس عبير حددتوه متين ؟ قالت لي بعد شهر في العيد الكبير كان الله احيانا ، بس ابوكي يسافر البلد يبيع بيت ابوه الهناك ويجي انتي عارفه ظروفنا بعد دا زاتو خجلنا الخطوبه جرت شديد ، حزنت من جواي ، قلت ليها خير يا يمة الفيهو خير ربنا يقدمه ، قالت لي امين و طلعت .. رقدت وكلام نازك ما فارقني بالجد مافي حاجه بتوجع قدر زول تكون خاتيهو في مكانه براهو وبتحبو و يطبز الدنيا دي عشان يثبت ليك انو ما بيستاهل المكانه دي و بالجد مكان ما رفعتها في السما اسي نزلتها سابع ارض و اتغيرت ...
( في بيت محمد )
شوف يا محمد انت الايام دي ما انت ما محمد ولدي البعرفو ، حاصل شنو يا ولدي هميت بي والله ، مافي حاجه غاليه انا بخير
محمد كلامك دا قولو لزول ما بيعرفك لكن انا امك الولدتك ما بتغشني انا ،
امنيه اخت محمد خشت في النص ، قالت ليها شنو يا حجة نبقي محمد ولا كيف عشان يهتمو بينا ، قالت ليها يا بت قنبي ساي مالك انتي همك شنوو قاعده تنططي زي القرد ، مالك يا امي معاي انا كنت بهزر ساي والله ، محمد قال لامو : امي انا بفكر اسافر
قالت ليهو سسسسجمي تسافر تفوت وين وتخلينا انت راجلنا يا محمد بعد ابوك الله يرحمه ، والله يا امي عندي قرشين لاميهم بفكر اشتري لي اقامة و اسافر السعوديه يمة البلد دي بقت صععععبة شديد والله والدكان دا ياداب يقضي مصاريف اليوم ، ( بقلم / سحر سمير ) ..
قالت ليهو الشايفو صح اعملو يا ولدي انا راضيه ودام كداا انحنا بنمشي البلد نقعد هناك مع اخواني ، والله يا امي ما عندنا حل غير كدا فترة نستحملا و كمان ....... سكت
قالت ليهو كمان شنو ؟ قاليها مافي حاجه
قالت ليهو محمد انا حاسه في حاجه يا ولدي عليك الله ما تعذبني وتدس علي ، قاليها والله يا امي انا عندي زولة بريدااا ريده شديدة و كنت مستعد اسف التراب عشانا ، دي منو يا ولدي ؟ والله يا يمة بت عبد الدايم
عبد الدايم عبدالدايم ما عرفتهم والله سمح امها اسمها منو ؟ والله يا امي اظن لي اسمها نجاة ، بس قامت علي حيلها و دقت صدرا ووووووووبعلي وووبعلي ، كدي عيدو لي نعلا الدناقلا ديلاك ، بس ياهم ، ووووب الليلة وووووب ووووووب عليك سجمي يا ولدي يعني سبت بنات اهلك كلهن و مالقيت غير بت عبدالدايم يا محمد يا ولدي ،،

استككانة🍒~

يتبع ........