خلايا الحب

20

*انا بأمكاني اعمل فيكي زي ما اتعمل في صحبتك بس لو انتي ما جبانه تعالي علي العنوان دا (....) * .. وحاتكم ولا رمشتا ، طوالي كتبت رساله ..
* الجبان منو فينا ، قافل رقمك عشان ما اتصل علي الرقم ، و ثم تانياً دي حركات نسوان الرسايل والامور الفارغه دي ، عندك معاي حاجه ارجل و واجهني هااا امور الدسوسيه و العصابات و عنوان و زفت دا موضتو بطلت .. عايزة انوم عليك الله ما دايرة ازعاج وفارغة * .. و رسلتها و نمتا ولا فكرتا في شي ..
صحيت الصباح استحميت وصليت ، قلت لعبير كدي جيبي المجله وتعالي خلينا نختار عشان عندي محاضرتين انتهي منتهم و تقابليني انتي ومي ، مخلوعين بعاينو فيني
جابت المجله وجات ، عبير قالت لي ريان ما تهزري الشغل دا غالي ، قلت ليها عبير في شنو انتي عايزة تجيبي من مكان تاني ؟ قالت لي ايوة حاجه علي قدرنا انا عرسي كلو ما حيتم تكلفه فستان واحد من المحلات دي ( اسمها EVE, ياهم البشتغل معاهم )، يا عبير الله يهديكي عليك الله م تتكلمي كتير انتي اول فرحتنا عليك الله خليني اعمل الدايراهو و التكاليف دي علي مسؤليتي ، و اظن الوقت ضغط زاتو ما حتلقي حجز في كوافيرات تانيه ، لكن ديل انا معرفه و بيعزوني ، بس اختاري و بعدين نمشي نقيس ونحجز الدايراهو و انتهينا علي كدا الساعه 2:30 بديكي تلفون نتلاقي و انتي يا مي تعالي معاها ، قالت لي ما امشي الجامعه يعني ؟ قلت ليها عندك حاجه مهمه؟ قالت لي لا محاضرات عاديه ، خلاص دكيها الليله وانا زاتي لو م عندي حاجه مهمه ما كنت بمشي لانو الوقت زنق وما فضل علي العرس حاجه ، دخلت ندا بتلفون ، قلت ليهم زي م اتفقنا وطلعت رديت علي نداا ،
و مشيت علي الجامعة ، اتلاقينا برا و دخلنا ، قالت لي مالك انتي فيكي شنو ؟ قلت ليها والله يا ندا من امس في زول برسل لي رسايل تهديد ، قالت لي وريني ، وريتا وشافت ردي قالت لي قوية لكن لقيتك ، انتي شاكة في منو ؟ والله يا ندويه مافي غير مالك بس انا ما معادياهو بحاجه و حتي حمل نازك انا شاكة انها حامل منه ، سبحان الله كلامي م تميتو صادفت مالك وصاحبو داك ، جو بجمبنا ما اتلفت ولا عاين لينا اساساً ولا فعلا ما شافنا م عارفع ، دا برد الشك جواي تجاه مالك ، دخلنا جامعتنا خلصنا محاضراتنا ، اتصلت علي عبير و مي واتفقنا علي العنوان و انا سقتا ندا و سبقتهم علي EVE ، دخلت لاستاذ ادم شرحت ليهو برنامج اختي ورحبو بي شديد و كانت مكافأة منهم وانا كنت ناويه اسد التكاليف بالشغل والاعلانات ، بس رفضو قالو اي عارضه معاهم بتكلفو بي مناسبتهم الاسرية ، فكانت حاجه مفرحة والله ، قعدنا نتفرج انا ومي ، قلت ليها مافي فستان عجبك ليكي للسهرة ؟ قالا لي بري انا عندي ترزيه بتعمل لي الفي مزاجي كلوووو
قلت ليها ما بيحصل الشغل دااا ، قالت لي فعلاا ، في نفس اللحظة جو عبير و مي طلعت ليهم برااا ، و دخلتهم و رحبو بيهم شديد حتي هما استغربوو من التعامل ، شي بارد و ونسه ، و دخلنا برانا والمساعده في غرفه الفساتين قاست كم واحد و كل واحد احلا من التاني ، وانا اشيل واصور فيها ، المهم اختارت حاجاتها كلهااا ، و حتي مي اختارت فستان عجبا ، اما انا ومي قررنا نطقم بس لسه م اخترنا للسبب الاتي :
جاني اتصال من سفيان ، طلعت برااا المشغل
_قال لي كيفك ريان
*قلت ليهو بخير حمدلله وانت
_قال لي في نعمة من الكريم
*قلت ليهو حمدلله
_قال لي قولي لا اله الا الله
انا هنا اعصابي باظت ، قلت ليهو في شنو نازك كويسه ؟
_قال لي قولي لا اله الا الله
*قلت ليهو لا اله الا الله ، سيدنا محمد رسول الله ، قلت ليهو احكي
_قالي ناززززك
*قلت ليهو نازك مالها اتكلم ياااخ
_ قال لي .......

استككانة🏃 للاجزاء الاخيرة
ابقو الصمود🙅 توقعاتككككككككككم ،👇
يتبع ...