زهره:( م عارفه والله.. عمي ممكن يحصل ليهو حاجه والله)
سامي:( م بقدر اكلمو انا والله)
زهره:( هو اصلا عندو خلفيه عن الموضوع، ، كدي لمن تجي ماشي ليهم المطار بكلمو ،، عشان م يقلق من اسي ساي)
سامي:( خلاص كويس.. ربنا يستر)
و قام طلع...
زهره قعدت زعلانه و بتفكر..
لبسنا انا و ايهاب و طلعنا المطار.. ايهاب لا عاين جهتي لا اتكلم معاي لا اي شي.. كاني م موجوده و كانو مسافر براهو،، و انا ارتحتا بتعاملو ده..
زهره مشت لابوي في غرفتو..
لقتو بصلي.. قعدت استنتو...لمن خلص..
زهره:( حرم ي عمي)
عبدالرحمن:( جمعا ي بتي)
زهره بقت متوتره و تفرك يدينها ببعض..
ابوي قام قعد في السرير و عاين ليها..
عبدالرحمن:( خير ي زهره في حاجه? شكلك مقلقه)
زهره:( اي في)
عبدالرحمن:( خير قولي)
زهره:( ياسمين و ايهاب جايين راجعين في المطار سامي مشي ليهم)
ابووي اتخلع و وقف علي حيلو...
عبدالرحمن:( ليه? في شنو? حصل شنو?)
زهره :( اهدي ي عمي.. انت عارف ياسمين مقلقه و شفتها براك كيف تقريبا كلمت ايهاب و ايهاب قال ليها نرجع بس)
عبدالرحمن:( لا حول لله ي ربي.. لا حول لله..استر ي رب استر ي رب)
ابوي طلع و زهره جاريه وراهو..
زهره:( ي عمي اهدا ماف شي.. اهدا)
ابوي دموعو نزلت:( اهدا كيف و بتي م عارف حاصل عليها شنو?)
ابووي نزل قعد تحت ..
عبدالرحمن:( سامي مشي?)
زهره :( ااي)
ابوي قعد في الكرسي و ختا يدينو في راسو و بقي يقول ( حسبي الله و نعمه الوكيل.. حسبي الله ونعمه الوكيل)
زهره قعدت جمبو بقت تهدي فيهو..
جات حبوبه سالت في شنو..ابووي حكي ليها الحاصل.. حبوبه اتخلعت:( لا حول لله.. عين و اصابتهم ،، عين والله كانو ذي الفل حصل شنو?)
زهره:( ي جماعه اهدو خلوهم يصلو و نشوف الحصل)
جو عماتي و سلافه و ليلي و محمد و امجد .. كلهم مقلقين و قاعدين علي اعصابهم ..
وصلنا المطار ركبنا مع سامي بدون ااي كلام.. سامي من شاف حالنا م قدر يسالنا.. سكت بس..
وصلنا البيت نزلتا دخلتا.. سامي نزل الشنط، ، ايهاب ساق عربيه سامي و مشي طوالي.. سامي ناداهو بس م ردا عليهو..
دخلته الصاله لقتيهم كلهم قاعدين.. ابوي من شافني جرا علي حضني.. حضنتو و بقيت ببكي..
عبدالرحمن:( بسم الله، ، اهدي حبيبتي...اهدي.. ربنا يستر عليكم.. )
بقيت ببكي شديد لمن م وعيت.. سامي و امجد و ابوي مسكوني طلعوني غرفتي فوق..
زهره:( خلوها ترتاح ..اعصابها تعبانه.. )
طلعو خلوني...بس قاعد جمبي ابوي...
قاعدين زهره و دلال و سلافه و مياده.. في الحديقه.. زهره:( والله عين و اصابتهم.. م ممكن تكون دي حاجه عاديه)
سلافه:( اي والله كانو سمنه علي العسل الحصل شنو م معروف)
دلال:( ربنا يستر عليهم .. ربنا يهديهم.. والله شيطان و دخل بينهم)
مياده بزعل:( شيطان شنو? انتو جنبتو? انتو م فاهمين اي شي)
دلال:( اها فهمينا)
مياده:( ايهاب لقاها م بت عشان كده رجعها)
زهره قامت وقفت علي حيلها..
زهره:( انتي جنيتي? كيف تقولي علي ياسمين كده)
و مشت عليها دايره تضربها.. دلال و سلافه مسكو زهره..
زهره:( انتي كعبه و فهمك كعب عشان كده بتفكري في الناس بطريقه كعبه.. اوعي تتكلمي عن ياسمين نص كلمه انتي اخر وحده تتكلمي عن ياسمين)
سلافه:( اهدي ي زهره.. اهدي خلاص)
مياده:( الزول لمن يقول كلام صح بتطلعو غلطان)
زهره:( لسه مصره...فكيني ي سلافه خليني اإدب البت الما بتعرف الادب دي)
دلال:( مياده.. عيب تقولي كلام بالشكل ده)
زهره:( دي م بتعرف العيب اصلا.. انتي وحده حقيره)
سلافه:( امشي ي مياده فوق.. امشي)
مياده مشت زعلانه..
زهره قعدت زعلانه ..
زهره:( مياده دي حقيره والله م حاسيبها بس خلي موضوع ياسمين ده يخلص)
سلافه:( عيب عليها تفكر كده في ياسمين)
دلال:( تفكيرا كعب ميااده)
امجد و سامي واقفين في الشارع و امجد بضرب ل ايهاب بس تلفونو مقفول...
سامي:( م دخل لسه?)
امجد:( لالا انا جد مقلق عليهو.. خايف يعمل في روحو حاجه)
سامي:( ربنا يستر)
امجد:( انتي ليه خليتو يمشي براهو)
سامي:( م اداني فرصه ،، نزلتا الشنط لقيتو ساق العربيه و مشي)
امجد:( نسال منو اصحابو?)
سامي :( لالا انت جنيت? يمكن م مشي ليه..يقولو شنو? عريس بعد 4 يوم من عرسو م لاقينو?.. خليهو بجي)
امجد:( طيب طيب)
انا راقده في غرفتي و نايمه م واعيه بحاجه.. و ابوي جمبي ،، جات سميه لابوي..
سميه:( م صحت?)
عبدالرحمن:( لا لسه)
سميه:( قوم اتوضا و اقرا ليها قران ،، بتهدا شويه)
عبدالرحمن:( ي ريت ..شوفي وشها مخطوف كيف و حالتا كيف!! )
سميه:( دي عين والله.. قوم اقرا ليها)
ابوي قام مشي الحمام اتوضا و جا...
شال المصحف بقي بقرا لي في سوره البقره... و انا كل م يمشي في السوره شويه انا بتنفض و بعمل اصوات غريبه.. سميه و ابوي ركزو لبعض..
سميه:( بتك دي عاملين ليها حاجه.. شوفها بتعمل كيف.. اصلا اي زول عندو حاجه بتتعرف بسوره البقره)
عبدالرحمن:( منو العامل ليها حاجه?)
سميه:( م معروف.. تعال تعال م نتكلم جمبها)
طلعو برا
الصاله.. لقو حبوبه و امنه و ليلي و محمد..
محمد:( صحت?)
سميه:( ياسمين دي معمول ليها حاجه)
ليلي:( عرفتي كيف?)
سميه:( عبدالرحمن قرا ليها سوره البقره.. و هي بقت تتنفض و تعمل اصوات بخشمها غريبه..)
حبوبه:(لا حول ولا قوه الا بالله.. لا حول ولا قوه الا بالله)
نتلاقي😊
