عمي محمد قعد يومين في غيبوبه.. حتي وعي.. بس كان عندو شلل في يدو اليمين و رجلو اليمين...
طلع الغرفه .. دخل ليهو ابوي ااول زول.. محمد من شاف ابوي ببقي يبكي و يقول ليهو:( اعفي لي ي اخوي.. ده حقك.. اعفي لي)
ابوي حضنو و بقي هو كمان ببكي..
عبدالرحمن:( عافي ليك ي اخوي.. والله عافي ليك ي كبيرنا) ....
دخلو الباقين سلمو علي محمد ..
ايهاب دخل ببكي سلم علي ابوهو و حبي ليهو راسو و يدينو..
ايهاب:( اعفي لي ي ابوي.. اعفي لي)
عمو محمد بعد يومين طلع البيت... و جابو ليهو دكتور علاج طبيعي.. بس حالتو النفسيه كانت كعبه..
ابوي مشي لايهاب الصباح في البيت فوق.. لقاهو بلبس..
عبدالرحمن:( ايهاب ماشي الشغل?)
ايهاب:( ماشي المخزن اشوف الحاصل و اشوف حجم الاضرار و كده)
عبدالرحمن:( انا ماشي معاك)
ايهاب:( اوكي ي عمي.. يلا)
ابوي و ايهاب مشو المخزن و شافو سبب الحريق كان ماس كهربائي.. لقو البضاعه الفي المخزن كلها حرقت.. الخسائر كانت قريب ملياار..
ايهاب كان صابر و بقول.. ربنا يعوضنا...
عبدالرحمن:( عندكم راس مال ممكن تعوضو بيهو?)
ايهاب:( والله ي عمي.. راس مالنا اغلبو كان في البضاعه دي و القروش الفي االبنك لو جبنا بيها بضاعه حاكون م عندنا راس مال تاني..و في قروش حقت عماتي و حبوبه.. م ببنقدر نتصرف فيها الا بموافقتهم)
عبدالرحمن:( ربنا بسهلا)
ابوي جاب عمال طوالي نضفو المخزن من اثر الحريق و بدو يعيدو تصليحو.. بناء و بوهيه و توصيلات و كده..
ايهاب بقي متابع الشغل في البقالات.. و ابوي ماسك المخزن..
ابوي انتهي من تصليحات المخزن كلها بقي علي البضاعه بس...
ابوي ضرب لي..
قال لي:( رسلي لي قروش مبلغ(..... )في حسابي هنا)
قلتا ليهو بخلعه:( لشنو المبلغ الكبير دده?)
عبدالرحمن:( بعدين بتعرفي)
قلتا ليهو:( كويس.. طوالي حولتا ليهو القروش)
ابوي مشي لتجار البتعامل معاهم عمي.. و سالهم من البضائع.. ابا يسال ايهاب عشان ايهاب حارفض.. مشي ملا المخزن بضاعه جديده.. ذي البضاعه الحرقت.. عوض عمي البضاعه الكانت في المخزن كلها...و ده كلو و م كلم ااي زول بالبعملو...
ابوي كان مبسوط...مشي لعمي البيت.. لقاهو راقد مهموم..
عبدالرحمن:(تعالي معاي ي محمد)
محمد عاين ليهو باستغراب:( امشي وين?)
عبدالرحمن:(قريب .. م بعيد)
محمد:( م بقدر اتحرك انا شايف حركتي كعبه)
ابوي جاب الكرسي االمتحرك ختاهو ل عمي.. و نادي ايهاب.. يدوب كان جا داخل من الشغل..
ايهاب:( ماشين وين ي عمي?)
عبدالرحمن:( ارح معاي و بتعرفو)
نزلو محمد بالكرسي...و مشو علي المخزن...
وصلو.. ابوي فتح ليهم المخزن...و نور الانوار..
المخزن كان كانو جديد.. و مليااان بضاعه..
