جا داخل ابوي مبسووط.. من شفتو جريت عليهو حضنتو و حبيت علي يدو و راسو..
عبدالرحمن:( حمدلله علي السلامه حبيبتي)
قلتاليهو:( الله يسلمك ي ابوي)
عبدالرحمن:( قلقتيني و خوفتيني عليك شديد)
قلتاليهو:( اعفي لي ي ابوي.. م بيدي)
جو داخلين عماتي و حبوبه و ليلي و محمد و البنات كلههم سلمو علي و مبسوطين اني بقيت كويسه.. لمن خلصتا من السلام عليهم سالتهم..
قلتا ليهم:( ايهاب وين?)
ليلي:( فوق في غرفتو)
قلتا ليهم :(ماشه اشوفو)
و طلعتا مشيت...
دخلتا الغرفه لقيت ايهاب راقد و دموعو في عيونو و بعاين في السقف..
دقيت الباب قلتا ليهو:( ممكن ادخل)
ايهاب قام و بقي بعاين لي..
قلتا ليهو:( مالك?.. انا بقيت كويسه م تخاف)
ايهاب برضو سااكت بعاين لي..
قلتا ليهو:( اشتقتا ليك ي راجلي)
ايهاب ابتسم و فتح يدينو و قال لي:( و الله بقيت بخاف منك...تعالي)
جريت عليهو حضني و دموعو نزلت..
قلتا ليهو:( اعفي لي ي ايهاب.. اعفي لي)
ايهاب:( انتي اعفي لي ظلمتك معاي)
قلتا ليهو: ( ربنا يجازي الكان السبب في بعدنا)
ايهاب:( لازم اعرفو و م حاخليهو)
قلتا ليهو:( ربنا عارفو .. ربنا م بسيب حقنا)
ايهاب:( اانتي اسي كويسه?)
قلتا ليهو: ( الحمدلله كتييير)
ايهاب:( الحمدلله)
عاينتا في يدو لقيتها ملفوفه..
قلتا ليهو:( يدك مالا?)
ايهاب:( ضربتها لمن كنا في تركيا... انتي عارفه انا حاولتا انتحر يوم رجعتا)
اتخلعتا..
ايهاب:( بلعتا حبوب.. بس امجد و سامي لحقوني في اخر لحظه)
دموعي نزلت ..
قلتا ليهو:( ليه كده?)
ايهاب:( حسيت انك غشيتيني و م بتحبيني.. م قدرتا اتحمل الحياه بدونك)
دموعي نزلت قلتا ليهو:( انا اسفه)
ايهاب:( م مشكله حبيبتي..المهم اسي انتي بقيتي كويسه و رجعتي ياسمين حبيبتي الانا بعرفا)
قاعدين المساء كلنا في الصاله بنتونس الا سلافه و زهره .. قاعدين سلافه و زهره في الحديقه برا..
زهره:( سلافه...ممكن تحكي في شنو? لينا ساعه قاعدين هنا و انتي ساكته)
سلافه:( م قادره احكي والله)
زهره تقوم:( خلاص لمن تقدري ناديني)
سلافه:( لالا خلاص استني)
زهره ربعت يدينها:( خلاص قولي سرعه)
سلافه:( انا...عارفه منو العمل السحر ل ياسمين و ايهاب) زهره اتخلعت و قعدت في الكرسي..
زهره:( منو? قولي)
سلافه بخوف:( مياده)
زهره:( مياده?)
سلافه :( ااي سمعتها بتتكلم في التلفون و قالت خايفه يعرفوها و كده لمن ياسمين جابو ليها الشيخ)
زهره:( الحقيره.. و الله م حاخليها)
سلافه مسكتها ..
سلافه:( استني.. المواضيع دي م بتتحلا كده.. كلمي ايهاب بس،، يتصرف معاها.. اوعي تكلمي ياسمين)
زهره:( حاكلم امها و ابوها.. م حاسيبها)
سلافه:( ياسمين و عمو عبدالرحمن م يعرفو.. كلمتك)
زهره:( والله م بسيبها)
في الصاله جوه قاعدين كلنا..
سميه:( ناوين تعيدو شهر العسل تاني وله كيف?)
قلتا ل ايهاب:( صح والله..حنعمل شنو?)
ايهاب:( قبيييل حليت الموضوع ده.. بكرا الصباح حنسافر بس م حاوريك وين.. مفاجاه)
ضحكتا قلتا ليهو:( كويس)
بليل كنا قاعدين في الحديقه و عاملين عشاء و سامي بغني لينا بالجيتار...الا ايهاب كان في غرفتو و مياده في بيتهم مكشره كالعاده.. زهره و سلافه قامو طلعو فوق..
دخلو لايهاب في غرفتو لقوهو ماسك ورق قدامو..
زهره:( ايهاب.. دايرنك في موضوع)
ايهاب:( اتفضلو ي برنسيسات)
دخلو و بعاينو لبعض..
ايهاب:( مالكم.. احكو)
زهره:( احنا عارفين العمل ليكم السحر منو)
ايهاب اتخلع و وقف علي حيلو..
ايهاب:( منو?)
سلافه:( مياده)
ايهاب :( مياده!)
و رمي الورق من يدو و جرا علي برا و سلافه و زهره وراهو ..
سلافه:( اهدا ي ايهاب)
ايهاب دخل شقه ناس مياده و بكورك..
ايهاب:( مياده.. مياده)
جات جاريه مياده من الغرفه و خايفه..
ايهاب اول من وصلها اداها كف و بقي بضرب فيها.. سلافه دايره تمسكو منها.. زهره مسكت سلافه..
زهره:( خليهو)
ايهاب:( ليه عملتي كده? انتي انسانه كعبه ... انتي شيطانه.. الله يلعنك..م عافي ليك...اصلو م عافي ليك.. انا بكرهك...الله يلعنك)
و مياده تبكي و تكورك..
ايهاب رماها علي الارض..
ايهاب:( اوعي تاني تتكلمي معاي انا وله مرتي.. فاهمه? لو مديتي يدك سااي لينا حتعرفي شغلك معاي)
و طلع مشي..
زهره و سلافه شاكلوها و م خلو ليها حاجه..
مياده:( انا بحبو)
زهره:( ده م حب...البحب م فيهو اذيه.. انتي حاقده و قلبك اسود ..انتي شيطانه.. عاجبك الحصل ليهم ده? ياسمين كان ممكن تجن.. ايهاب كان ممكن يموت...الله يلعنك.. الله يلعنك)
سلافه:( ربنا ينتقم منك)
و طلعو خلوها بتبكي..
انا و ايهاب تاني يوم سافرنا باريس.. قضينا شهر عسل رهيييييييب و عوضنا كل الفاتنا.. جد ايهاب شالني في عيونو و بقي لي الاب و الام و الاخو و الحبيب و اي زول..
اخيرا😊
