لمن صحينا الظهر نزلنا ناكل في مطعم تحت ،، ايهاب بعاين لي باستغراب..
ايهاب:( ياسمين.. في حاجه? حاسك م مبسوطه?)
قلتا ليهو:( ماف شي)
ايهاب:( بالجد?)
قلتا ليهو:( ااي)
ايهاب:( لا يتضحكي لا اتكلمتي معاي لا ااي حاجه، ، في شنو?)
سكتا..
ايهاب:( فارق معاك ابوك و كده?)
قلتا ليهو:( احتمال)
كنت بتكلم معاهو بزهج م متحملا صوتو لا كلامو لا ااي شي منو..
لمن خلصنا ..
ايهاب:( نمشي نتفسح حاوديك مكان حلو شديد)
قلتا ليهو:( خلي بكرا تعبانه م نفسي اطلع)
ايهاب:( اووكي ماف مشكله )
ابتسم لي...
طلعنا رجعنا الجناح حقنا..
ايهاب كان قاعد برا في الصاله و دخلتا انا الغرفه و قفلتا الباب و ضربتا ل زهره..
بقيت ببكي و بتكلم معاها..
قلتا ليها:( زهره.. انا دايره ارجع، ، م متحملاهو والله م طايقاهو ولا قادره اتحملو م دايراهو انا م بحبو.. دايره اجي راجعه.. )
زهره:( ياسمين.. و الله فيك حاجه م طبيعيه.. مدينك عين وله حاجه.. انتي بتحبي ايهاب و دايراهو.. كيف في ثانيه تغيري رايك فيهو? كيف تقولي م دايراهو)
قلتا ليها:( م عارفه حاسه روحي استعجلتا م ده الزول الانا بحبو و دايراهو)
زهره:( ياسمين.. كدي اقعدي اقري قران و سبحي يمكن تهدي شويه)
قلتا ليها:( م عارفه.. م قادره ..م طايقه روحي.. دايره اموت و ارتاح بس)
فجاه الباب فتح و ايهاب واقف بعاين لي و شكلو متغير..
قلتا لزهره:( يلا باي لبعدين)
و قفلتا..
ايهاب:( انا م الزول الانتي دايراهو? م بتحبيني ي ياسمين?)
سكتا م قدرتا ارد..
جا علي ..وقفتا..مسكني من يدي و بقي بكورك..
ايهاب:( انا لعبه عندك? تغشي علي انك بتحبيني و تجي في ثانيه تغيري رايك?? انتي مجنونه? احكي لي في شنو? حصل شنو خلاك تغيري رايك...انا قصرتا معاك في حاجه? )
كنت ببكي و قلتا ليهو:( لا.. بس م عارفه حاسه روحنا استعجلنا في عرسنا ده)
ايهاب:( استعجلنا?? ياسمين انتي م بتحبيني? م دايراني?)
قلتا ليهو:( م حاسه روحي بحبك ولا دايراك.. و قلتا لبابا الكلام ده بس شاكلني)
ايهاب اتخلع..و كورك فيني..
ايهاب:( قلتي لعمي انك م دايراني?)
قلتا ليهو:( ااي و قلتا ليهو يوقف العرس و م يتم بس هو رفض و شاكلني)
ايهاب:( ليه م قلتي لي? ليه م جيتي كلمتيني? ليه?)
قلتا ليهو:( م حتفهمني و ماف زول فيكم حافهمني)
ايهاب:( ياسمين.. اخر كلام.. انتي م دايراني?)
هزيت راسي و قلتا ليهو:( لا)
ايهاب:( تمام.. حاشوف حجز علي اقرب طياره و نرجع و كل زول اشوف حالو.. لو م كنتي بت عمي و عامل خاطر ل عمي كنت م خليتك علي ذمتي ثانيه وحده تانيه)
و طلع مشي...
قعدتا في السرير و بقيت ببكي بحرقه..
ايهاب طلع برا بقي ماشي و جاي في الصاله ذي المجنون و ضرب طربيزه زجاج بيدو و يدو اتجرحت و كبت دم ولا عبرها كانو م يدو..
ايهاب حجز طوالي تاني يوم الظهر ،، لا جا جمبي لا اتكلم معاي و انا راقده في الغرفه ببكي، ، لا قمتا لا اكلتا لا اي حاجه، ، حاسه روحي متضايقه شديد و مخنووقه و م متحملا روحي ..
زهره قاعده في البيت مقلقه ضربت لي م رديت عليها.. بقيت مقلقه م قادره تفهم الحصل شنو..
تاني يوم قاعد سامي في غرفتو ضرب ليهو ايهاب..
سامي:( ي عريس كيفك?)
ايهاب بصوت حزين:( كيفك ي سامي.. اسمعني تعال لينا بعدين المطار الساعه 8 مسا۽)
سامي قام مخلوع:( خير ي ايهاب في حاجه?)
ايهاب:( بعدين بتفهم كل حاجه.. يلا)
و قفل منو..
سامي بقي مخلوع و م فاهم في شنو.. طوالي طلع مشي ل زهره في غرفتها لقاها راقده نايمه..
سامي صحاها..
سامي:( زهره.. اصحي.. زهره)
زهره بصوت تعبان:( ايوا)
سامي:( قومي دايرك ضروري)
زهره قامت بزهج:( ياخ الزول م ينوم معاكم?)
سامي قعد في السرير جمبها..
سامي:( ايهاب و ياسمين مالهم?)
زهره اتخلعت..
زهره:( ليه في شنو?)
سامي:( ايهاب دقي لي اسي قال لي تعال لينا المطار الساعه 8 مسا۽)
زهره اتخلعت..
زهره:( لا حول لله.. ربنا يستر.. ربنا يستر)
سامي:( في شنو احكي لي)
زهره:( طيب بحكي ليك)
زهره حكت ل سامي الحاصل معاي ككلووو..
سامي ختا يدو في راسو..
سامي:( لا حول لله.. معقوله فجاه كده تكره ايهاب و تقول م دايراهو?)
زهره:( لالا في حاجه م طبيعيه.. انتي عارف ياسمين كويس صح? من نوع البنات البلعبو بالناس و كده)
سامي:(لالا في حاجه م طبيعيه.. يمكن زول عامل ليها حاجه.. )
زهره:( احتمال.. لانو جد م حاجه طبيعيه)
سامي:( نقول ل عمي و ناس البيت شنو?)
نتلاقي😊
