محمد:( لا حول لله..منو الممكن يعمل ليها كده?)
عبدالرحمن:( م عارف والله.. بتي دي لا عندها اعداء لا عندها معارف...ناسا محدودين جددا)
امنه:( ليه بس يضروها كده.. اسي الحل شنو?)
سميه:( نجيب شيخ يقرا ليها)
ليلي:( نلقي شيخ كويس وين?)
عبدالرحمن:( م عارف والله م عارف)
حبوبه:( اضربو لاميره اسالوها.. مصطفي عندو خالو شيخ كان بقرا لناس)
سميه:( ااي صح)
سميه طوالي ضربت ل اميره كلمتها...
اميره:( لا حول لله ي ربي.. كيف الكلام ده? و ليه م كلمتوني)
سميه:( اسي عرفتي.. شوفي لينا خال مصطفي)
اميره:( حاضر بسالو و بوريكم)
و قفلت...
جات داخله زهره و سلافه و دلال قعدو..
سميه حكت ليهم بالحاصل..
بعد شويه اميره ضربت قالت ليهم:( بكرا الصباح بجيب الشيخ وبجي..)
ليلي:( امجد و سامي وين? م لقو ايهاب?)
زهره:( طلعو م عارفاهم وين)
مشو امجد و سامي ل شقه ايهاب الكان قاعد فيها لمن كان زعلان...سالو البواب قال ليهم :( ايوا استاذ ايهاب قااعد فوق)
طلعو دقو الباب كتيييير ... ماف زول برد..
سامي:( مش جوه ليه م برد?)
امجد:( م عارف والله...انا بديت اقلق)
سامي بقي يدق شديد..
امجد (اكسر الباب)
سامي:( لالا ياخ)
امجد :(انا قلقتا شديد)
سامي:( طيب.. يلا معاي)
بقو يضربو في الباب شدييد.. في الاخر اتفتح.. دخلو بنادو ( ايهاب..ايهاب)
سامي مشي علي الغرفه و امجد بفتش علي باقي االبيت...
سامي عاين في الغرفه لقي ايهاب واقع علي السرير جرا عليهو لقي جمبو علبه حبوب فاضيه..
سامي كورك:( امجد.. امجد.. الحق ايهاب)
امجد جا جاري..
سامي:( ايهاب حاول ينتحر)
امجد :( شيل معاي نديهو االمستشفي)
شالوهو الاتنين و مشو لمستشفي..
قاعدين كلهم في الصاله.. امجد ضرب ل امو سميه..
سميه:( ايوا ي امجد)
امجد:( امي ايهاب حاول ينتحر بلع حبوب و اسي احنا في المستشقي)
سميه قامت بقت تكورك:( ينتحر? لا حول لله)
كلهم اتخلعو..
ليلي صرخت:( ايهاب مالو? )
سميه :( بلع حبوب حاول ينتحر ودوهو المستشفي)
ليلي و محمد و زهره بقو يكوركو.. و كلهم طلعو جري علي الباب.. الا سلافه بس قعدت معاي...
دخلو المستشفي لقو امجد و سامي قاعدين..
ليلي:( طمنوني حصل شنو?)
ليلي كانت بتبكي ..
امجد:( بعملو ليهو غسيل معده)
سميه:( انتو لقيتوهو وين? )
امجد:( في شقه الرياض)
قعدو مقلقين و بدعو..
سلافه مقلقه بتضرب كل شويه تتطمن علي ايهاب..
و انا نايمه م واعيه بحاجه...
الدكتور طلع طمنهم علي ايهاب بس قال ليهم محتاج يرتاح ..
اميره جات داخله البيت ومعاها مصطفي و الشيخ..
لقت البيت فاضي.. بقت تنادي فيهم:( عمي.. حبوبه)
طلعت ليها سلافه..
اميره:( وين ناس البيت?)
سلافه:( في المستشفي مع ايهاب)
اميره اتخلعت..
اميره:( مالو ايهاب?? )
سلافه:( حاول ينتحر بس لحقوهو)
اميره:( لا حولله.. كيف?)
سلافه:( بلع حبوب.. بس لحقو و عملو ليهو غسيل معده)
اميره:( اسي هو كيف?)
سلافه:( قالو كويس)
اميره:( ليه م كلمتوني?)
سلافه:( والله ي اميره جايطين شديد م مركزين ل زول.. انا هنا براي مع ياسمين.. و ياسمين نايمه م واعيه لحاجه)
اميره:( ربنا ينتقم من العمل فيهم كده)
سلافه:( اللهم آمين.. الشيخ جا?)
اميره:( ايوا معاهو مصطفي تحت)
سلافه:( حالبس ياسمين و خليهو يجي يقرا ليها هنا)
زهره:( طيب)
ايهاب وعي عاين.. لقي.. ابوهو و امو جمبو..
ليلي مشت عليهو و هي بتمسح في دموعها..
ليلي:( حمدلله علي السلامه حبيبي)
ايهاب سكت و دموعو نازله...
ليلي:( م تزعل حبيبي...ياسمين مظلومه.. في زول عامل ليها حاجه عشان كده بقت تتعامل معاك كده)
ايهاب:(ياسمين غشتني م دايراني م بتحبني)
ليلي:( لالا ياسمين م واعيه بالحاصل...جبنا ليها شيخ يقرا ليها اكيد عندها حاجه)
ايهاب:( م اظن.. م بتحبني ...غشتني)
ايهاب غير كلمه غشتني.. و م بتحبني ...و م دايراني... م بقول حاجه...
الشيخ بقي يقرا لي.. و انا وعيت و بقيت بكورك و الشيخ كل م يقرا ايات السحر انا بكورك و بحاول اقوم و اتحرك.. الا مصطفي ماسكني..
نتلاقي😊
