المساء لمن الناس كلها مشت بيتها و البيت هدا..
كنت قاعده مع زهره و اميره.. ضرب لي ايهاب..
رديت بفرح:( ايهاب)
ايهاب:( ي روح ايهاب.. تعالي الحديقه تحت مشتاق ليك والله)
قلتا ليهو:( جايه)
و قمتا جريت..
اميره:( ايوا لقيتي حبيب القلب تاني بتنسينا)
مشيت لقتيو واقف لي جمب باب الصاله.. وقفتا قدامو بقينا نعاين لبعض و طايرين من الفرح...مديت يدي سلمتا عليهو...
ايهاب:( مبروك لينا حبيبتي)
قلتا ليهو:( هههه الله يبارك فينا)
حبي لي علي يدي...
ايهاب:( م بتصدقي انا مبسوط كيف.. ياخ حاسي نفسي طااااير من السما)
قلتا ليهو:( و انا كمان والله.. جد اتفاجئتا)
ايهاب:( ابوي فاجئنا كلنا والله)
قعدنا انا و ايهاب في الكراسي في النجيله.. و بقينا نتونس..
قلتا ليهو:( انا كنت حاسه انك بقيت تنسي موضوعنا عشان من سافرنا من هنا انت تاني م جبتا لي سيرتو)
ايهاب:( انا كلمتا ابوك في المطار)
قلتا ليهو:( ااي ابوي كلمني بس بعد فتتتره)
ايهاب:( انا كنت حاسي اني بقيت م قدر كلمتي معاك حاسي اني خذلتك...عشان كده كنت خجلان م قادر اتكلم معاك)
قلتا ليهو:( زهره ورتني انك خليت البيت.. بس انتي ليه م قلتا لي?)
ايهاب:( م داير اقول كلام م عارف نتيجتو لسه...بقيت مستني تحصل نتيجه عشان اجي اقول ليك... بس كمان عارف زهره ماشاءالله عليها اي شي بتوصلو ليك)
ضحكنا،،،
قلنا ليهو:( صح)
انا و ايهاب فضلنا لحدي الصباح نتونس.. حاسين لينا سنين م شفنا بعض..م كم شهر بس،، لا حسينا بتعب لا نعس لا ااي شي...
الصباح جا مصطفي ل عمو محمد.. م قدر يستني لحدي المساء.. كان اول مره اشوفو.. شاب ابيض كده و وجيه.. جد لايق علي اميره شديد...
انا و ايهاب قررنا نعمل العرس طوالي بدون خطوبه و كده.. اميره و مصطفي عملو خطوبه.. و مصطفي جاب اهلو و كده..
عملو الخطوبه في الحديقه برا و زيناها زينه رهيييبه..
محمد طلب من سامي يوم الخطوبه انو يغني لينا.. سامي فرح جددا بطلب عمي و جرا جاب الجيتار و بقي يغني..
الناس كلها عجبها صوتو.. حتي عمي قال ليهو:( والله صوتك حلو شديد.. حرام تحرم الناس منو...ارجع غني في المطاعم.. بس اعراس لا)
ضحكنا...
سامي:( الله يخليك لينا ي خالي)
اميره و مصطفي الحب و الفرح كااان ظااهر في عيونهم.. و حددو عرسهم طوالي بعد 3 اسابيع..
انا و ايهاب قررنا نعمل عرسنا بعد عرس اميره ب اسبوع.. بدينا نجهز لعرس اميره..
عمي محمد شويه شويه مع العلاج بقي يقدر يحرك رجلو بس يدو لسه.. عمو محمد اتعلم كتير من الحادث الحصل ليهو.. و قرر يسعد الناس الحولو و م يحرمهم من حاجه و اتغير من جواهو كتييير.. و ليلي كمان.. بقت تحبني شديد... الا مياده.. اصلو م حبتني..مع اني حاولتا كتير معاها و اتكلمتا معاها بصراحه بس هي مصره اني شلتا ايهاب منها.. و كل م تشوفني تعمل لي حركات و تكشر لي.. بس م عبرتها...
يوم صحيت الصباح متضايقه ،، و قلبي مقبووض م عرفتا ليه ،، كلمتا ام ايوب تجيب لي الشاي و قعدتا في غرفتي,, كان مفروض نمشي انا و ايهاب نشوف عفش بيتنا ،، بشرب في الشاي جاني ايهاب كان مبسووط...
ايهاب:( صباح الخير حبيبتي )
رديت بدون نفس:( صباح النور)
ايهاب:( مالك?)
قلتا ليهو:( تعبانه بس)
ايهاب:( ارتاحي حبيبتي ،، انا ماشي عندي شغل مهم و الساعه 1 بجيك نمشي نشوف العفش)
قلتا ليهو:( طيب)
طلع مشي..
حسيت نفسي م دايره امشي ااي مكان لا اختار عفش لا اي حاجه.. ابوي كان سافر مصر عايز يعمل الاجرا۽ات حقت الشركه عشان ينقلا السودان ...
طلعتا قعدتا في الصاله.. جات اميره ..
اميره:( صباح الخير)
قلتا ليها:( صباح النور)
اميره:( مالك مكشره كده? )
قلتا ليها:( م عارفه متضايقه بس)
اميره:( في عروس عرسها قرب بتكون متضايقه? )
قلتا ليها:( م عارفه.. اسي بروح.. المهم.. انتي طالعه?)
اميره:( ايوا.. عندي كم حاجه دايره امشي اجيبا)
قلتا ليها:( براك?)
اميره:( معاي ساره صحبتي.. تمشي معانا?)
قلتا ليها:( لالا ،،ايهاب حاجيني الظهر ماشين نختار العفش)
اميره:( كويس طيب.. يلا سلام)
و طلعت مشت..
نتلاقي😊
