الشيخ لمن خلص مني.. طلع برا...لقي ابوي و حبوبه و عماتي..
الشيخ قعد..
مصطفي:( حصل شنو ي خالي)
الشيخ:( في زول عامل ليها سحر تفريق بينها و بين زوجها)
كلهم قالو:( لا حول ولا قوه الا بالله)
الشيخ:( محتاجه كم جلسه عشان نبطل السحر)
عبدالرحمن:( و بتبقي كويسه?)
الشيخ:( باذن الله.. بجيها بكرا الظهر تاني.. )
عبدالرحمن:( شكرا ي مولانا)
طلع مشي..
بعد الجلسه كنت تعبانه شديد.. تاني نمتا...م كنت واعيه بحاجه..
ابوي قاعد جمبي اليوم كلوو..
صحيت..
عبدالرحمن:( كيفك حبيبتي?)
قلتا ليهو:(تعبانه ي ابوي)
عبدالرحمن:(سلامتك حبيبتي)
قلتاليهو:( صحي في زول عامل لي سحر?)
عبدالرحمن:( والله الشيخ قال كده..ربنا ينتقم منو)
قلتا ليهو:( م اظن في حاجه ذي دي الشيخ ده كذاب)
عبدالرحمن:(لالا م كذاب.. عندك حاجه انتي.. و لازم تتعالجي منها)
قلتا ليهو:( م عندي شي.. م عايزاهو يجي هنا تاني)
عبدالرحمن:( طيب... حاجيب ليك حاجه تاكليها انتي من امبارح م اكلتي)
قلتا ليهو:( م جيعانه)
عبدالرحمن:( لازم تاكلي )
و قام مشي نادا زهره..
زهره جابت صينيه فيها اكل.. حنستني.. اكلتا لقمتين بس و رقدتا..
مياده قاعده في بيتهم فوق...لا مشت شافت ايهاب لا شافتني لا اي حاجه..
سلافه مشت ل دلال فوق في بيتهم...
لقت مياده واقفه في المطبخ بتعمل في اكل و بتتكلم في التلفون..
مياده:( انا خايفه شديد.. حيعرفوني..... اعمل شنو?? الشيخ حيعرف...و الله بعرفو...ممكن ياسمين ذاتها تقول اسمي لو استحضرت...)
سلافه اتخلعت بقت واقفه مصدووومه تسمع في كلام مياده..
و جرت طلعت من الشقه وقفت في السلم مخلوعه.. جاتها امنه طالع في السلم..
امنه:( مالك واقفه هنا ي سلافه)
سلافه:( ماف شي ي خالتو)
و نزلت سلافه سرعه مشت...
تاني يوم الشيخ جاني.. و برضو تعبتا شديد من الجلسه و كوركتا فيهو و شاكلتو..
تاني يوم كنت نايمه بعد الجلسه و تعبااانه.. جاني ايهاب داخل الغرفه.. ابوي من شافو قام سلم عليهو..
عبدالرحمن:( حمدلله علي السلامه)
ايهاب:( الله يسلمك ي عمي.. ياسمين كيف?)
عبدالرحمن:( الشيخ طلع منها قبل شويه و نامت طوالي بتتعب شديد بعد الجلسه)
ايهاب: ( امشي ارتاح ي عمي.. انا بقعد معاها)
عبدالرحمن:( طيب)
و يطلع..
ايهاب جا علي و دموعو في عيونو.. قعد جمبي في السرير و مسك لي يدي باسها لي..
ايهاب:( اعفي لي حبيبتي.. انا اسف... ظلمتك معاي)
رقد جمبي في السرير و بعاين لي في شكلي.. شكلي كان كعب و تعبان...
صحيت لقيت ايهاب راقد جمبي نايم..
عاينتا ليهو مساافه.. و قمتا مشيت الحمام و مشيت قعدتا في البلكونه.. شويه ايهاب صحي شافني قاعده جا علي..
ايهاب:( حبيبتي)
عاينتا ليهو و كشرتا..
ايهاب:( مالك حبيبتي?)
قلتاليهو:( ايهاب...طلقني...م دايراك انا)
ايهاب اتخلع بقي بعاين لي..
كوركتا قلتا ليهو:( م بتفهم انت? بتعاين لي كده ليه? قلتا ليك طلقني بس.. م عندك كرامه?م دايراك انا م بحبك)
ايهاب:( ياسمين اهدي.. ليه بتكوركي)
قلتا ليهو:( انا بكرهك م دايره اشوفك.. اطلع من هنا و طلقني...م دايراك)
جات زهره جاريه..
زهره:( في شنو?)
قلتا ليها:( قولي لاخوك ده اطلقني.. م بحبو انا.. م دايراهو.. بكرهو)
زهره:( في شنو ي ايهاب?)
ايهاب:( والله م سالتها)
زهره:( خلاص اطلع ي ايهاب خليني معاها)
ايهاب طلع زعلان و دموعو في عيونو..
زهره:( تعالي ي ياسمين مالك? )
مشيت دخلتا رقدتا في سريري و اتغطيت..
زهره:( ياسمين)
قلتا ليها:( اطلعي ي زهره برا و اقفلي الباب ده م دايره اشوف زول انا)
زهره طلعت و خلتني..
جات ماشه امنه لقت ابوي قاعد في الصاله محتار..
امنه مشت عليهو..
امنه:( مالك ي عبدالرحمن?)
ابوي اخد نفس..
عبدالرحمن:( مقلق علي بتي شديد ي امنه)
امنه:( اهو بتتعالج و ان شاءالله بتبقي كويسه)
عبدالرحمن:( م عارف والله.. خايف عليها شديد شايفه حالتها كيف!! لا بتاكل لا بتتكلم.. اليوم كلو زهجانه و اي زول يتكلم معاها بتجوط فيهو)
امنه:( دي من الحاجه الفيها مضايقاها و خلتها تتعامل كده.. ياسمين طول عمرها رايقه و هاديه.. و ان شاءالله بتبقي كويسه)
عبدالرحمن:( لو م اتعالجت انا اعمل شنو? دي بتي الوحيده)
امنه:( ادعي ليها ان شاءالله بتبقي كويسه.. م تفقد الامل مفروض تكون قوي.. و اهو احنا كلنا جمبك و بآذن الله حتتعالج)
عبدالرحمن:( ان شاءالله)
ال3 جلسات الاخيره تعبتا فيها شديد و كوركتا و شاكلتا الشيخ و ابوي و ااي زول .. الكوراك حقي كان بتسمع لحدي الشارع برا...
اخر جلسه انتهت و رقدتا فاقده الوعي.. الشيخ قال ليهم م تصحوها ولا تسالوها خلوها تصحي براها..
فعلا خلوني نااايمه...
صحيت براي بقيت بعاين في الغرفه باستغراب... و قمتا دخلتا الحمام غسلتا وشي..و عاينتا لشكلي في المرايا لقيت وشي شااحب و تعبان.. طلعتا الغرفه..لقيت زهره قاعده..
عاينت لي...
ابتسمتا ليها
قلتا ليها:( زهره)
زهره ابتسمت و جات علي حضنتني..
زهره:( حمدلله علي السلامه)
قلت
ا ليها:( الله يسلمك)
زهره:( انتي كويسه?)
قلتا ليها:( ااي حاسه نفسي مرتااحه شديد و مبسووطه.. حاسه ذي الكان فيني جبل كبيييير و مشي)
زهره:( حمدلله حامشي اطمنهم عليك)
و طلعت تجري و مبسوووطه...
نتلاقي😊
