سافرت أبعد ما أطيق ولم تزل .. عيناك في عيني ووجهك وجهتي ..
____________
فى صباح اليوم التالى أستيقظ على بنشاط وذهب إلى شركتة ..
يقابل معتز عند مدخل الشركة
معتز : صباح الخير
على : صباح الفل
معتز : شكلك رايق
على : يعنى ..
معتز : يارب دايمآ
وصلو إلى المكتب وآمر الجميع بالذهاب إلى غرفة الإجتماع ليناقش معهم بعض الأشياء .. وبعد أكثر من ساعة أعلن على عن إنتهاء الإجتماع ..
.................
أما عند مزرعة الرفاعى ذهبت الفتيات إلى دراستهم أصبحت سارة مقربة من مى وسلمى جدآ
وليلى تبحث عن عمل فى إحدى المستشفيات ، كانت سلين تزداد وحدتها وعزلتها وشعورها بالغربة والضياع يلازمها
تنزل سلين من غرفتها فى هذا الوقت يوميآ حيث لا يوجد أحد فالجميع ذهبوا إلى أشغالهم
تذهب إلى المطبخ وتجد الحاجه فاطمة ومعها فتاه تساعدها وعندما تراها
فاطمة : عاوزة حاجه يا بنتى اعملك فطار أنتى مفطرتيش
سلين : شكرآ يا دادة .. عاوزة عصير بس
فاطمة : من عنيا ثوانى وهجبهولك
سلين : مفيش داعى أنا هقعد معاكو هنا لو مش هتدايقوا
فاطمة : دا المطبخ نور بيكى يابنتى
سلين بإبتسامة : دا منور طول ما انت فيه يا دادة والله عارفه بحب ابتسامتك جدآ أنتى إنسانة بشوشة وشك بيضحك تخلى اللى يقعد معاكى يضحك وميزعلش
فاطمة : الله يجبر بقلبك وبخاطرك يارب
وبعد دقائق تضع لها على الطاولة طبق به سندوتش وكوب من العصير ..
تأكل سلين وهى تنظر لهم وتدردش معهم تدخل عليهم فريدة ..
فريدة : أنتو بتشوفو شغلكم والا مش فاضين غير للكلام
فاطمة : طبعا بنشوف شغلنا وتقريبا الأكل قرب يخلص
فريدة : تمام وهى تنظر لسلين أصل المطبخ مش للمسايرة
تأخد سلين كوب العصير وتذهب إلى حديقه المنزل .. تجد جدها يجلس على إحدى الكراسى وتلتف لكى تذهب بعيدآ عنه فتسمع صوته ينادى بإسمها فتذهب إليه
سلين : نعم يا جدى
الجد : أقعدى جمبى تعالى
تجلس سلين
الجد : عاملة ايه يا بنتى
سلين : بخير
الجد : أنت زعلانه منى
سلين : لا ..
الجد : أمال كنتى عاوزة تمشى ليه
سلين : عادى
الجد : أنتى فكرة إنى مقدرتش أحميكى صح
سلين : لا حضرتك عملت اللى عليك أنا اللى مسمعتش كلام الحرس يعنى غلطتى مش غلطه حد
الجد : لا يا بنتى كل اللى بيحصل دا مش غلطتك .. أنتى ملكيش ذنب فى حاجه وخليكى متأكدة أن أنا مش هسيب أى حد يأذيكى طول ما أنا عايش وخليكى مطمنة
سلين : شكرآ يا جدو
الجد : هقولك على حاجه
سلين : أتفضل
الجد : أنتى يوم ما خرجتى مامتك كانت معترضه وانا اللى اقنعتها أنها تسيبك وهيبقى معاكى حراسة ..
أنا كنت عارف أن مراد دا وصل مصر واكيد هيحاول يراقب البيت او يعمل اى حاجه عشان كدا سبتك تخرجى عشان أنا أعرف اصطاده لانى كنت متأكد أنو لما يشوفك حرة هيحاول يعمل اى حاجه
سلين : يعنى أنا الطعم اللى هتصطاده بيه
الجد : مكنش فى حل غير كدا وانا كنت مخلى حد تانى مكلف بمراقبتك من بعيد مكنتش هسمح انه يعملك حاجه بس كان مستنى يعرف مين بيساعده هنا وبضحك بس أنتى عرفتى تهربى منه قبل ما هو يتدخل ..
سلين وتهز رأسها : طيب الشخص دا ليه ما جاش ورايا ووصلنى ليك
الجد : لانو استنى لما يظهر الناس اللى معاه الأول وبعدها هو كمان ضيعك وبعدين على اللى لقاكى
سلين : على العموم حصل خير متحسش بالذنب
الجد يبتسم لتفهمها
سلين : وأنا مش زعلانه منك يا جدو
الجد : ربنا ما يجيب زعل يابنتى
سلين : جدو هو أنت فعلآ بتحبنا وخايف عليا والا بتعمل دا بدافع انو ماما لجئت ليك
الجد : طبعآ مكنش ينفع بنتى تلجأ ليا وأنا مقفش جمبها .. بس منكرش بردو أنو أنا كنت مشتاق أشوفكم وكان نفسى تيجو هنا وتقعدى معايا وملقتش فرصه أحسن من دى وبعدين فى مثل اسمه اعز من الولد ولد الولد
سلين : عارف كنت أنا وسارة دايما بنقول يا ترى انت شكلك عامل ازاى من كتر ما ماما كانت بتتكلم عنك ..
الجد : طيب وطلعت زى توقعاتكم
سلين : أممم مش عارفه اوى لانو أنا لسه مش عرفاك كويس بس كشكل أوسم طبعا
الجد وهو يضحك : قدامنا وقت طويل هتعرفى فيه كل حاجه
سلين : أن شاء الله
وظلوا يتسامرون معآ
أنت تقرأ
سلين ..💙 ( جارة القمر )
Romanceسأهرب من هنا .. لم أخطط لذلك نعم فأنا أضع الخطط قبل القدوم على اى شئ ، ولكن .. لا بد أن أذهب من هنا أنا مجبرة .. ليس بيدى حيلة هذه المدينة لم اعد أشعر بالسكينة والأمان فيها سأرحل قبل الضياع سأترك خلفى ما مضى أتمنى فقط أن أجد هناك ما يطيب خاطرى...
