إن لم تكن لى فمن لى ...
إن قلبى مشبع بالخوف من كل شئ ..
فطمئنى
_____
صباحآ قبل أن تذهب سارة إلى دراستها قررت أن تتكلم مع سلين بعدما علمت ما حدث ليلة أمس ... دخلت غرفة سلين وجلست بجوارها
سارة : عارفة أنك مش نايمة
سلين تلتفت لها : أممم
سارة : إيه اللى حصل أمبارح بس أنا عاوزة الحقيقة مش اللى ريم قالته ..
سلين : مفيش حاجه غير اللى ريم قالته
سارة : أنا حاسه بيكى من أمته أحنا بنخبى حاجه على بعض
سلين : مش قصدى أخبى حاجه يا سارة والله
سارة : طيب حاولى تحكيلى على اللى حصل او اللى حاسه بيه
سلين : ( قصت عليها ما حدث ) ومش عارفة أنا حاسة بحاجة غريبة ، كأنى تايهة حاسة مكنش لازم أعمل كدا وأنجرف ورا أحساسى ، كأنى بينت نفسى غبية
سارة : لقد وقعت فى الفخ يا تؤأمتى
سلين : فخ إيه أنتى كمان
سارة : أسمعى قلبك ومتخفيش من حاجه وأنتى مش غبيه ولا حاجه وأنا متأكدة أن على حاسس نفس اللى أنتى حساه
سلين : ايه خلاكى متأكدة كدا
سارة : يا بنتى أنتى ما بتشوفيش عينه لما بيشوفك بتلمع ازاى
سلين : بس يا سارة أسكتى المفروض لسه بدرى للتفكير فى الحاجات دى أنا لسه قدامى دراستى وحاجات كتير اوى
سارة : يا غبية أنتى وايه يعنى أنتى بتهربى ليه من مواجهه مشاعرك
سلين : أنا مش بهرب
سارة : لا بتهربى ، كل اللى بتقوليه دا حجج
سلين : مش عارفه تعبت من كتر التفكير
سارة : روقى كدا وسبيها زى ما تيجى ويلا ننزل نفطر
سلين : لا ، أنا محرجة جدآ من اللى حصل أمبارح ومش هقدر انزل وأشوف طنط فريده وتقولى كلمتين
سارة : يا حبيبتى
قاطعة كلامها سلين : متحاوليش مش هنزل يلا أنتى عشان تلحقى كليتك
سارة : تمام نكمل كلامنا لما أرجع
سلين : أوك
قبلتها سلين وتمنت لها يوم جيد
.................
فى المساء بعدما نام الجميع
فى غرفة أحدى الفتيات يجتمعون جميعآ
مى : أمممم وأخيرآ ليلة فتيات
سلمى : وهنسهر للصبح
سلين : مش وراكو دراسة ؟
مى : بكرة عطلة الأسبوع
سلمى : مين هايجى معايا نعمل فيشار
سارة : أنا
سلمى : أوك يلا
أقتربت مى وجلست بجانب سلين
مى : سلين هو أنتى لسه زعلانة من كلام ماما
سلين : هى عندها حق
مى : هى زودتها شويه معلش متزعليش بس هى كدا بالذات فى أى حاجه تخص على
سلين : خلاص يا مى لو سمحت ممكن متفتحيش الموضوع دا تانى
مى :تمام أنا بس مش عوزاكى تزعلى
سلين : مش زعلانة أطمنى
مى : ماشى تعالى نختار فيلم لما سارة وسلمى يخلصو
سلين : أوك هى ريم مجتش ليه
مى : قولتلها وقالتلى هتنام
سلين : طيب ثوانى هشوفها وهاجى
مى : متتأخريش
تذهب سلين إلى غرفة ريم تدق عليها عده مرات حتى أتاها صوت
ريم : أدخل
سلين : مجتيش ليه تسهرى معانا
ريم : مش عاوزة ازعج حد
سلين أقتربت منها : أنا أسفة أنا كنت مدايقة وقولتلك كلام بايخ ساعتها
ريم : وأنا عملت بيه مش قولتلى أبعد عنك شويه وأنى السبب
سلين : مكنش قصدى والله . مفيش حد هو السبب أنا السبب بس فى اللى حصل أنا أسفة بجد
ريم أنتى عارفه أنى بحبك جدآ سامحينى وأوعدك معدتش هتتكرر
ريم : متأكدة
سلين : أه متزعليش بقا
ريم : تمام خلاص مش زعلانه
سلين : تعالى يلا بقا نروح للبنات
ريم : يلا
أنت تقرأ
سلين ..💙 ( جارة القمر )
Romanceسأهرب من هنا .. لم أخطط لذلك نعم فأنا أضع الخطط قبل القدوم على اى شئ ، ولكن .. لا بد أن أذهب من هنا أنا مجبرة .. ليس بيدى حيلة هذه المدينة لم اعد أشعر بالسكينة والأمان فيها سأرحل قبل الضياع سأترك خلفى ما مضى أتمنى فقط أن أجد هناك ما يطيب خاطرى...
