أحببت ما أنا عليه معك ..
______
تفتح عيناها وهى تسمع صوت العصافير ورائحة الخبز تعم المكان ..
سلين : أممم رائحة طيبة هقوم ألبس وأنزل هموت من الجوع ولكن اكيد على هيكون موجود وأيه يعنى ولا يهمنى موقف وأعتذرت عنه وخلص
( تذهب لتستعد للنزول ..
اما عند على أستيقظ ونزل للأسفل ووجد فريدة وأبيه وجده
على : صباح الخير
الجد : صباح النور
فريدة بفرحة : على يسعد صباحك يا قلبى أنت هنا ، جيت أمته ؟
محمود : أهدى براحة على الواد صباحك نور يا أبنى
على يسلم على والدة وجده ويقبل رأس فريدة
على : جيت متأخر والكل كان نايم محبتش أقلق حد
فريدة : لا كنت أقلقنى أنا راضية أنت كويس يا على
على : أطمنى يا ست الكل أنا بخير متقلقيش
فريدة : مقلقش أزاى يا واد
محمود : ماهو قدامك حلو اهو
فريدة : ولو مش أطمن
على : أطمنى ينظر حوله أمال فين الناس اللى هنا
فريدة : هينزلوا دلوقتى
على : مى وريم وحشونى أوى أنا هروح اصحيهم عن أذنكم ..
يذهب على أولآ إلى تلك المشاغبة الصغيرة
يدق الباب عده مرات ولكن لا يوجد رد
على : كالعادة نايمة ومش هتسمعى ( يدخل ويأتى بكوب من الماء ويقترب منها ببطء ويسكبه عليها تفزع ريم من نومها وعندما تراه يقف أمامها ويبتسم تصرخ عليه
ريم : مش كدا بجد فى حد بيصحى حد كدا
على : اه أنتى مينفعش حد يصحيكى غير كدا
ريم ( تجلس على السرير بزعل ) : دا بدل ما تدخل عليا بهديه كدا داخل تعمل فيا كدا مكنش العشم يا أبو على
على : والله الهدية موجودة
ريم : بجد .. هى فيين
على : بس اعتبرى مفييش هديه
ريم : ليه بس
على : بسبب اللى عملتيه
ريم : ميين .. أنا دا انا نسمه ومعملتش حاجه
على : يا راجل طب عينى فى عينك كدا
ريم : نظرى ضعيف
على : يمسكها من اذنيها ايه خلاكى تدخلى أوضتى وانا مش هنا لا وكمان بتوزعى حاجتى كدا من غير أذنى
ريم : آه آه بس سيب كدا بساعد البنيه الغلبانه يا حبه عينى قاعدة حزينه وزهقانه قولت أفرحها وأديها كتاب تقرأه غلط أنا يعنى يرضيك طيب تفضل زعلانه
على : الصراحة لا
ريم تغمز بعينيها : كنت عارفه
على : ( يهرب من تلميحها ) طيب يلا يا لمضه انزلى وتانى مرة متتكررش
ريم : ماشى يا عمنا فوريرة وهكون وراك
................
على طاولة الطعام يجلس الجميع
سلين تأكل بتلذذ فهى جائعة جدآ وكانت تهرب من ريم فهى لا تريد أن تتكلم معها
ذهبت سلين بعد الفطار إلى الحديقة مع الفتيات اتت ريم وجلست بجوارها
ريم : لا دا الموضوع شكله كبير
سلين نظرت لها وبعدها أدارت وجهها للناحيه الأخرى
ريم : طيب أنا أسفة هو أجى فجأه كنت هعرف أزاى
سارة : هو مين اللى أجى
مى : اه بتتكلمو على ايه
نظرت سلين لريم لكى لا تتكلم وفهمت ريم
ريم : أبدآ مش على حد
سلمى : شكله سر
سلين : مفيش سر ولا حاجه هقوم أجيب حاجه وجايه
ذهبت ريم وراءها
ريم : سلين
سلين : نعم
ريم : انا أسفة ياستى وخدى الشكولاه دى وسامحينى
سلين : أممم خلاص سامحتك بس بلاش تحطينى فى مواقف بايخه كدا تانى
ريم : كان قصدى اساعدك مش اكتر
سلين : انا عارفه وهاتى الشكولاه بقا
ريم : سامحتينى عشانها صح اعترفى
سلين : الصراحة اه
ريم : اخص على دى صحوبيه
سلين : معلش الصحوبيه حاجه ودى حاجه تانيه
ريم : تعالى احكيلى بقا ايه اللى حصل
( قصت عليها سلين ما حصل )
ريم : ( ظلت تضحك )
سلين : وبتضحكى كمان
ريم : عادى يابنتى مكبره الموضوع ليه
سلين : اسكتى بقا معتش عاوزة افتح سيرة الموضوع تانى
ريم : تمام سكتت
سلين : حلوة الشكولاه دى اوى
ريم : اه على بيجبهالى على طول
سعلت سلين : على اللى جايبها
ريم : اه حتى هو اللى قالى ادهالك
سلين : بجد
ريم : أه والله
سلين : ليه
ريم : مش عارفه بس عادى يا بنتى
أنت تقرأ
سلين ..💙 ( جارة القمر )
Romanceسأهرب من هنا .. لم أخطط لذلك نعم فأنا أضع الخطط قبل القدوم على اى شئ ، ولكن .. لا بد أن أذهب من هنا أنا مجبرة .. ليس بيدى حيلة هذه المدينة لم اعد أشعر بالسكينة والأمان فيها سأرحل قبل الضياع سأترك خلفى ما مضى أتمنى فقط أن أجد هناك ما يطيب خاطرى...
