البنات منشغله فى دراستها
وعلى فى شغله ..
ومع اقتراب موعد الزفاف
ليلى وفريدة يقومون بالإستعدادت الأزمة
حتى يفاجآهم ..
على وسلين أنهم لن يقوموا بالزفاف وسيكتفون بحفله بسيطه فى البيت وستكون صباحآ وفى منتصف النهار
سيذهب هو وسلين للسفر لمدة ثلاث أيام
لا يسطيعون المكوث أكثر من ذلك حتى لا تفوت سلين الدراسه
ولكن على لا يأبى ولا يهمه ما دامت ستبقى معه وبجواره فهو راضى بأى شئ
................
فى القاهرة
يجلس على على مكتبه منشغل فى الأوراق التى أمامه ..
يدخل عليه معتز
معتز : خلصت اللى طلبته أهو
على : شكرآ يا صاحبى ، نردهالك كدا يوم فرحك
معتز : قول يارب
على : يارب بس مش لما تلاقيها الأول
معتز : لا منا حاسس أنى لقيتها
يرفع على نظره عن الاوراق : ودى مين بقا
معتز : أحم بس من غير ضرب
على : أخلص ياعم ، أوعى تكون اللى فى بالى
معتز : هى أم شعر كستنائى
على : أنا كنت حاسس من يوم ما شفتها وأنت بتقعد تلف ودور عشان تسأل عليها وأنا عامل عبيط
معتز : تفتكر هتوافق ، وجدك
على : مش عارف يا صاحبى دى حاجه ترجع لها
معتز : وبعدين
على : بص سيبها لبعد الفرح وأنا هظبطك
معتز : طول عمرى بقول عليك محترم والله
على : عشان مصلحتك يا معفن
معتز : دا أنت حبيبى يا أبو على
على : طيب يلا نكمل اللى ورانا عشان أخلص بقا
معتز : يلا ..
.............
فى مدرسة الثانوية
فى معمل العلوم
يجلس كل أثنين معآ لعمل الإختبارات
تجلس ريم بضجر بعد أن علمت من زميلها الذى سيشاركها ..
كرم : شكلك مش طيقانى
ريم : كويس أنك بتحس
كرم : أنتى بتتكلمى معايا ليه كدا
ريم : عاوزنى اتكلم معاك ازاى
كرم : يعنى أنا بشوفك بتكلمى الكل عادى اشمعنا أنا بتكلمينى بالاسلوب دا
ريم : دا من اسلوبك انت كمان معايا
كرم : وأنا ياستى كنت جاى اتأسفلك
ريم بتعجب : تتأسفلى
كرم : أه فيها حاجه دى
ريم : لا ، مفهاش
كرم : طيب أنا أسف واوعدك مش هزعجك تانى
ريم : تمام وأنا كمان أسفه على أسلوبى
كرم والإبتسامه تشق وجهه : خلاص صاف يا لبن
ريم : حليب يا قشطه
كرم : شفتى بتبقى حلوة وأنتى بتتكلمى براحه ازاى
ريم : كرم
كرم : خلاص بهزر
ريم : بص أنا هتكلم معاك فى حدود الزماله مش اكتر يعنى حدودك متتعدهاش عشان نفضل كويسين
كرم : تمام بس بالمناسبه عاوز اقولك على حاجه بس بعد الدرس
ريم : طيب وممكن نركز بقا
كرم : ممكن طبعآ
بعد ساعة فى فناء المدرسه تقف ريم وأمامها كرم
ريم : اتفضل
كرم : بصى أنا عارف اللى هقوله ممكن ميخلكيش تكلمينى تانى أصلآ بس أنا هقوله وخلاص
ريم تقف صامته ..
كرم : بدون مقدمات أنا معجب بيكى لا مش معجب أنا بحبك ومعرفش امته وازاى كل اللى أعرفه كنت بحب اشوفك مع أننا مكناش بنشوف بعض غير ونتخانق وبدايق لما تكلمى حد غيرى وعارف أنك هتهزقينى دلوقتى و ..
ريم لم تدعه يكمل كلامه : لا كفايه كدا واسمعنى انت أنا مش بتاعه الكلام دا
دا أولآ وثانيآ حب ايه دا لعب عيال المفروض تفكر فى دراستك ومستقبلك وثالثآ انا مبفكرش فى الحاجات دى دلوقتى أنا لسه قدامى مشوار طويل
و إياك تكلمنى تانى فى الموضوع دا او غيره
أمسكها كرم ليوقفها قبل أن تذهب : أنا ياستى مقولتلكش حبينى وكلمينى أنا عارف أنك مبتفكريش فيا ولا فى غيرى ودى اكتر حاجه خلتنى أحبك أصلاً بس أنا قولتلك لأن هفضل ندمان لو مقولتش الكلمتين دول
كل اللى عاوزه ان لما يجى الوقت وتفكرى فى الحب أتمنى اكون اول حد تفكرى فيه
والسنين اللى جايه هثبتلك أنه مش لعب عيال
وحاضر مش هدايقك تانى ولا هكلمك لأنى أصلاً هسافر اكمل تعليمى برا
وتركها ليذهب
ريم سالته بصوت عالى : هتستنى كتير
ابتسم لها وأكمل طريقه
ابتسمت هى أيضا ثم قالت تحدث نفسها : ايه الهبل دا
وذهبت فى طريقها أيضاً
..................
أتى خبر افرح الجميع
فريده أوشكت على الإنتهاء من مرضها ولله الحمد وهذا أفرح على جداً
تمضى الأيام
ثم يأتى اليوم المنتظر
ذهب الجميع إلى النوم
متطلعين ليوم حافل غدآ
_________
معلش الفصل صغير شويه ..
بس وصلنا للنهاية والفصل الجاى الأخير ان شاء الله🌸
أنت تقرأ
سلين ..💙 ( جارة القمر )
Romanceسأهرب من هنا .. لم أخطط لذلك نعم فأنا أضع الخطط قبل القدوم على اى شئ ، ولكن .. لا بد أن أذهب من هنا أنا مجبرة .. ليس بيدى حيلة هذه المدينة لم اعد أشعر بالسكينة والأمان فيها سأرحل قبل الضياع سأترك خلفى ما مضى أتمنى فقط أن أجد هناك ما يطيب خاطرى...
