لا تدعنى أذهب .. تمسك بى جيدآ 💙
أنا معك ..
______
لم يرهقنى شئ كما فعلت أفكارى
منذ يومين وهى جالسة فى غرفتها لا تخرج ولا تتكلم مع أحد ..
حاولت سارة أن تتكلم معها ولكن كانت دائما تطلب منها أن تتركها بمفردها
فى المساء تجلس ليلى فى غرفتها تراجع بعض التقارير الطبيه حتى سمعت صوت طرق على الباب
ليلى : أتفضل
سلين : فاضية يا ماما ممكن اتكلم معاكى
ليلى : طبعآ تعالى أنا كنت مستنياكى على فكرة أقعدى جمبى
سلين بصوت مخنوق : ماما أنا تعبانة
ليلى : احكيلى مالك يا حبيبتى
سلين : قصت لها ما حدث معها هى وعلى وصمتت
ليلى : وبعدين
سلين : بس مفيش بعدين
ليلى : بس انا مليش دعوة بعلى ولا باللى حصل أنا عاوزة أعرف انتى حاسه بأيه
سلين : أنا حاسه أنى مخنوقه ، وضايعة وفى وخز فى قلبى وخايفة بردو
ليلى : خايفة تكونى بتحبية دا أن ما كنتيش حبتيه أصلا
سلين : مش عارفة ومش فاهمه نفسى
ليلى : انتى بتعيطى بقالك يومين عشان قولتى له كلمه جرحته ومشى زعلان صح
سلين : أومئت بنعم أنا مش فاهمه تصرفاتى أصلاً الفترة دى مش قادرة أتحكم فيها
ليلى : أنتى عوزانى أقولك تعملى ايه صح
سلين : أه
ليلى : لا ، مش هقولك أنتى اللى لازم تعرفى عاوزة ايه (وضعت يدها على قلبها )شوفى قلبك هيبقى مطمن لما تعملى ايه وأعمليه وأنا معاكى وهدعمك مهما كان قرارك بس متخفيش انتى قولتى كدا لعلى عشان تحمى نفسك عشان خايفة لعلى يكسرك فى يوم فهميه اللى جواكى وأنا متأكدة انه هيكون متفهم
أرفعى رأسك وبطلى بكا بقا
لو بتحبيه إتمسكى بيه عشان متندميش فهمتينى
سلين : أه فهمت ، شكرآ
....................
مر يومين
قد أخذت سلين قرارها
ذهبت إلى ريم وطلبت منها رقم على اخذته منها وحاولت مرارآ وتكرارآ الإتصال به لكنه لم يرد عليها مما زاد من قلقها
ذهبت إلى ليلى
سلين :ماما
ليلى : نعم يا سلين
سلين : عاوزة منك حاجه
ليلى : ايه يا حبيبتى ، بس بسرعه عشان أنا خارجه
سلين : أنا قررت اتكلم مع على وافهمه انا ليه خايفة وحاسه بإيه
ليلى : تمام لما يجى بقا
سلين : لأ مهو أنا مش هستنى لما يبقى يجى
ليلى : أمال هتعملى ايه
سلين : عاوزة أسافر له
ليلى وهى تنظر لها بإبتسامة
سلين : ايه مش أنتى اللى قولتى أتمسك بيه
ليلى : طيب هتروحى أزاى
سلين : أنتى اقنعى جدو بأى حاجه
ليلى : مش هيرضى وأنا كمان مش راضية أنتى هتروحى له لوحدك ازاى
سلين :أنتى مش بتثقى فيا وبعدين هروح وأرجع على طول مش هقعد يعنى وكمان السيارة هتروح معايا وترجعنى
ليلى : هشوف بس متتأمليش أنك جدك يوافق
هخرج ولما ارجع بليل هتكلم معاه
سلين : شكرآ يا احلى ماما
وافق الجد بصعوبة
ولكنه يريد أن يعلم إلى أين سيصل هذا الموضوع
أستعدت سلين من الصباح الباكر
وذهبت هى والسائق
تشعر بالتوتر كلما اقتربو حتى تحدثت مع السائق
سلين : أنت عارف على ساكن فين صح ؟
السائق : اه طبعآ الحاج كان بيبعتنى ليه دايمآ
سلين : تمام هتأخدنى على هناك لما نوصل
السائق : بس البشمهندس على مش فى شقته دلوقتى
سلين : أمال فين ؟
السائق : أكيد فى الشركة
سلين : أها خلاص خدنى على هناك
السائق : حاضر
أنت تقرأ
سلين ..💙 ( جارة القمر )
Romansسأهرب من هنا .. لم أخطط لذلك نعم فأنا أضع الخطط قبل القدوم على اى شئ ، ولكن .. لا بد أن أذهب من هنا أنا مجبرة .. ليس بيدى حيلة هذه المدينة لم اعد أشعر بالسكينة والأمان فيها سأرحل قبل الضياع سأترك خلفى ما مضى أتمنى فقط أن أجد هناك ما يطيب خاطرى...
