دعى قلبى يهيم بحبه الأجمل 🌸
........
صباحآ كان يجلس على هائمآ يتذكر ما حدث بالأمس
حتى أجتمع الجميع حوله
ريم : أبو على
على : نعم يا ريم
ريم : بنتكلم أنت مش معايا
على : معلش مخدتش بالى
حسام ينظر لعلى : فى حاجه
على هز رأسه بالنفى
ثم تأتى ليلى وتقول : يلا يا حبايبى الأكل جهز
سارة : يلا يامى عشان ورانا حاجات كتير
أنتظر على سلين ولكن لم تأتى ذهب لتناول الطعام معهم
بعدها جلس على وحسام بعض الوقت معآ ثم ذهب للإستعداد للحفله مساءآ
على صعيد أخر كانت غارقه فى النوم فهى لم تنام ليلآ ..
تدخل ليلى الغرفة
تجلس بجانبها
ليلى : سلين .. يلا قومى
سلين بصوت منخفض : حاضر
ليلى : سلين قومى هتتأخرى ومش هتلحقى تجهزى
سلين : حاضر يا ماما دقيقه وهقوم
ليلى : عيب ! قومى بقا مش المفروض تكونى مع مى
أعتدلت وجلست على السرير قائله صحيت أهو
ليلى : فوقى كدا وأنزلى كلى حاجه
سلين وهى تقترب منها وقبلتها : هتلقينى وراكى بعد عشر دقايق يا ليلو
ليلى : ماشى يا بكاشه
ثم ذهبت
بعد دقائق نزلت سلين للأسفل
وجدت الجميع منشغل
ذهبت إلى المطبخ وجدت فريدة وليلى
سلين : صباح الخير
ليلى : قصدك مساء
فريده : صباح النور ..ياستى هنمشيها صباح عشان خاطرها
ليلى : لا دى حماتك بتحبك بقا
سلين : وأنا كمان بحبها
فريدة : لازم أحبها مش حبيبه على
ليلى : طيب يلا يا فريدة خدى علاجك عشان نخلص اللى ورانا
فريده : هاتى ياستى
سلين : ماما استنى
ليلى : الأكل اهو أنا مجهزهولك
سلين : متحرمش منك
تذهب ليلى وفريده لإنهاء بعض الأمور
وعندما تنتهى سلين
تذهب إلى غرفة مى
تجد ساره وريم وسلمى والمتخصصه التى تجهز مى
سلين : ممكن أدخل
ريم : لا
سلين : مش اوضتك على فكرة
ريم : أوضه أختى زى أوضتى على فكره ، وبعدين كنتى فين كل دا
ساره : ما أنا قولتلك نايمه
تنظر سلين لمى
سلين : شكلك قمر يا مى
مى ترسل لها قبله فى الهواء
ثم تجلس بجانب ريم مجددآ
تميل ريم عليها وتهمس
ريم : ايه السهره كانت طويلة
سلين : لا والله هى نص ساعه بالكتير
ريم وهى تنظر لها بنصف عين
سلين : متبصيش كدا يا بنتى
ريم : ماشى
أعلنت المتخصصه إنتهاءها
لينظروا جميعآ لمى بإنبهار كانت فى غايه الجمال
سلمى : يأخواتى قمر
ساره : تحفه بجد
ريم : طالعه لأختك يابت
سلين : بس يا اوزعه انتى .. جميلة ماشاء الله
مى : مرسى مرسى ياجماعه أحرجتونى والله
سلمى : لا سيبى الإحراج لوقت تانى
ضربتها مى على يدها
أستأذنت سلين وذهبت لتستعد وتركتهم لمتخصصه التجميل تساعدهم ..
بعد دقايق سمعوا طرق على باب الغرفه
فتحت ريم وجدت على
على : مى خلصت
ريم : اه
على : طيب أندهى لها تكلمنى
ريم : ماشى
تذهب مى مع على إلى غرفته
على وهو ينظر لها بسعادة : ايه الحلاوة دى
مى : يوه بس بقا عشان أنا بتكثف
على : تعالى اقعدى
جلست أمامه ثم أمسك يدها
على : أنا عاوزك متخفيش طول ما أنا موجود جمبك فاهمه
اؤمئت مى ..
ثم أكمل أنا هفضل موجود لو أحتاجتى مساعدتى فى أى حاجه والواد حسام دا لو زعلك قوليلى وانا هاجى أضربهولك
مى : خلاص كدا مش هقولك عشان متضربوش
على وهو يضحك : خلاص مش هضربه
ثم أخرج هديه لها
فتحتها مى
مى : الله تحفه يا على
على : تعالى البسهولك
مى : هى دى المفجأه
على : لا فى حاجه تانى
مى : ايه هى .. ؟
على : هتعرفى بعد الحفله ويلا بقا عشان اجهز أنا كمان
مى : ماشى ياعلى
أنت تقرأ
سلين ..💙 ( جارة القمر )
Romanceسأهرب من هنا .. لم أخطط لذلك نعم فأنا أضع الخطط قبل القدوم على اى شئ ، ولكن .. لا بد أن أذهب من هنا أنا مجبرة .. ليس بيدى حيلة هذه المدينة لم اعد أشعر بالسكينة والأمان فيها سأرحل قبل الضياع سأترك خلفى ما مضى أتمنى فقط أن أجد هناك ما يطيب خاطرى...
