معى ولست معى ..
يفصل بينى وبينك من المسافات القليل
لن أسمح لهذا العالم على بناء المزيد من الحواجز
لن يكن العالم قادرآ على إبعادنا ..
سأجمع قوتى وأواجه العالم من أجلك
__________
الساعة 3:00 فجرآ
يهرول مسرعآ على إحدى الطرق المخصصة لرياضة الجرى ..
( يحدث نفسه )
أنا متعب ..
مرهق ؛
ليس من الجرى
لكننى متعب من الحياة
لقد سلبت الحياة الطمأنينة من قلبى
إلى متى ستختبر قوة تحملى
برغم أننى أبدو ثابت لا أتغير ، أبقى صامدآ لا أتأثر
لم يعد لدى القدرة على الثبات والمقاومة .. على مواجهه كل هذا ..
على الجانب الأخر يدور معتز بسيارتة على الطرقات يبحث عنه ينظر هنا وهناك لعله يجده
وأخيرآ بعد مرور ساعتين وجده
يقف واضعآ يد فى جيبه وباليد الآخرى يمسك زجاجة مياه
أقترب منه يسمع صوت أنفاسه
معتز يضع يده على كتف على
معتز : على أنا بدور عليك بقالى ساعتين
نظر له على ثم نظر أمامه مجددآ
معتز : فى ايه طنط فريدة كلمتنى وقالتلى أشوفك فين مالك ياابنى
على : أنا مش كويس يا معتز
المفروض إنى دلوقتى أكون سعيد ومرتاح فى حياتى أنا بقالى فترة مضطرب فى كل حاجة تفكيرى ونومى ومشاعرى كل حاجه
كأنى كنت حاسس أن هيحصل حاجه
ثم صاح بمرارة .. وتعبت
أقترب معتز منه أكثر : فهمنى فى ايه اللى حصل قول اللى جواك وإرتاح
على : اللى جوايا !! جوايا كومة مشاعر متعلقه بروحى مش هتخرج
معتز : حصل إيه فى المزرعة يا على
على : أمى .. فريدة
معتز : أيون مالها طنط فريدة
على بخيبة أمل : أنا هخسرها زى ما خسرتها وبنفس السبب عندها كانسر
نظر معتز بصدمة مما سمعه فهو يعلم ما يشعر به صديقة وما يخاف منه
معتز : على أنت لازم تكون جمبها وأن شاء الله خير وتخف وتبقى كويسه خلى عندك أمل فى ربنا كدا
على : متضحكش عليا بشويه كلام وأحنا عارفين اللى هيحصل فى الآخر
معتز : على أنا فاهم انت حاسس بإيه
على : لا مش حاسس
معتز : تمام يا عم مش حاسس بس أنت لازم تكون جمبها ياعلى
على : مش قادر أبص ليها مش هقدر اشوفها وهى بتموت بالبطئ زيها أنا لما عرفت كان كل همى أهرب بعيد مش عاوز أصدق
معتز : أستهدى بالله يا صاحبى كله قدر ربنا
على : وإشمعنا أنا قدرى كدا
معتز : حرام عليك يا على أهدى بس وأن شاء الله خير
.........
فى المزرعة ..
الجو يملأه التوتر
منذ معرفه الجميع بمرض فريدة
الجميع حزين ..
حاولت فريدة الإتصال بعلى ولكن دون جدوى لم يستجيب
لجئت إلى صديقه معتز لكى يطمئنها على
تدخل ليلى على فريدة
ليلى : فريدة بكره هنروح المستشفى أنا وأنتى
فريدة : لا مش هروح
ليلى : ليه
فريدة : مش قادرة أنا فى ايه والا إيه يوم تانى
ليلى : مفيش حاجه أسمها يوم تانى أنتى لازم تفوقى لنفسك شويه ولو على على هو كويس أكيد مش هيجراله حاجه
فريدة : بس
ليلى : مفيش بس بكره هنروح ومفيش نقاش
أنت تقرأ
سلين ..💙 ( جارة القمر )
Romanceسأهرب من هنا .. لم أخطط لذلك نعم فأنا أضع الخطط قبل القدوم على اى شئ ، ولكن .. لا بد أن أذهب من هنا أنا مجبرة .. ليس بيدى حيلة هذه المدينة لم اعد أشعر بالسكينة والأمان فيها سأرحل قبل الضياع سأترك خلفى ما مضى أتمنى فقط أن أجد هناك ما يطيب خاطرى...
