إليك ...
أفتقدك جدآ
دعنى أفضفض لك
أنا عاجزة عن وصف مشاعرى لك
اليوم كنت أتمنى أن تكون معى ،
دائمآ كنت أقول لك لن يستطيع أحد سرقة قلبى .. ولكن كما كنت تقول لى دائمآ ( سيأتى يوم يا صغيرتى وتقعين فى حب أحدهم )
لقد وقعت فى الحب ..
أننى أرى نفسى فى عينيه
عندما أسمع صوته الرخيم تتسارع أنفاسى ، ويرتجف قلبى ..
عندما يحادثنى أشعر بالبهجة ، وكأنه العيد
ليتك هنا يا أبى ..
أسمه ( على )
أغلقت دفترها ووضعته فى أحدى الأدراج بجانبها ثم أغلقت عينيها وذهبت فى نوم عميق ..
...........................
صباحآ ..
كان يضج البيت بالفرح والسعادة
فريدة كانت تتعامل بلامبالاه كأنه لا يوجد شئ .. ولكن عندما رأت سعادة على رمت وراءها كل الخلافات
ذهبت سلين إلى جدها لتقول له على موافقتها
واتفقوا ..
فى المساء تجهز الجميع واجتموا معآ فى غرفة الضيافة ..
كان على وأبيه وأمه وأخوته فى جهه وفى الجهه الأخرى يجلس الجد وليلى والبنات
ولكن ..
الأبن الأخر محمد وعزه واولادهم انتقلوا للعيش فى القاهرة ولذالك هم ليسوا معهم الآن
قدمت لهم سلين القهوة ثم جلست
محمود : طبعآ يا بابا بدون مقدمات أنا بطلب أيد سلين لعلى وأعتقد هما متفقين مع بعض على كل حاجة
الجد : والله أنا معنديش مانع بس لما أستشير أمها ونأخد رأيها بردو
على بحماس : هى موافقة
يضحك الجميع عليه
الجد : بس أحنا لينا شروط
على : موافق عليها يا جدو
الجد : طيب ما تسمع شروطى الأول
محمود : أتفضل يا بابا
الجد : أول حاجه مفيش جواز إلا بعد ما تخلص دراستها ودا شرط والدتها بردو
طبعآ مفيش خروج معاها لوحدكم
مقابلتكم هتكون هنا فى البيت
على : طيب ما تطردنى من البيت بالمرة
الجد : صدقنى كنت هعملها بس أنت مبتعدش هنا أصلا وهيبقى الوضع زى ما هو تيجى فى الأجازات زى ما بتيجى
فريدة : كل دا ليه يعنى يا عمى
الجد : والله هى دى شروطى مش عجبكم خلاااص
على : لأ لأ موافق
ومال إلى مى الجالسه بجانبه أنا حسيت بالواد حسام دلوقتى
مى : يلا دوق شويه بقا
محمود : خلاص ياحاج نقرأ الفاتحة
الجد : نقرأ الفاتحة
بعد قراءة الفاتحة
الجد : ألف مبروك يا أولاد
على : الله يبارك فيك ياجدى
سلين : شكرآ يا جدو
سارة بحماس : احنا عاوزين حفلة
ريم : آه طبعآ لازم حفلة الخطوبة
الجد : خلاص شوفوا عاوزين تعملوها أمته ونعملها
أستأذن على من جده أن يجلس مع سلين لوحدهم لحين موعد العشاء
..............
يجلس على وسلين خارجآ فى الإستراحة الموجودة بالحديقة
ظل ينظر لها وهو يبتسم لرؤيتها وهى تشعر بالخجل ويحدث نفسه
هل تعلمين كم أحبك ، وكم أتمنى أن يقف الزمان بنا الآن ، ليتنا نظل وحدنا
ثم اقترب منها وهمس
على : بحبك
أبتسمت سلين وتسارعت أنفاسها ولم تستطيع الكلام من شدة إضطرابها ..
كيف من كلمة واحدة أن تتسارع أنفاسى ويرتجف قلبى
أخذت كوب الماء من أمامها وبدأت فى إرتشافه لعلها تهدأ ..
على : عارفة بحب أشوفك وأنتى متوترة كدا
سلين : أشمعنا ..!
على : بحب أرتباكك لأنه بسببى
سكتى تانى ..
سلين : عاوزنى أعمل ايه
على : أى حاجة ، مثلآ قولى وأنا كمان بحبك
سلين : لأ
على : ليه بقا ..
سلين : الرجال هم من عليهم المغازلة
على : يا سلام .. وأنتو عليكو ايه
سلين : الخجل
على : بس
سلين : مش عجبك
على : عجبنى طبعآ أنا شكلى هتعب لا وقولت خلاص يا واد يا على الدنيا ضحكتلك
سلين : بتقول حاجه
على : لا مبقولش
وفجأة تجلس بجانبهم
ريم : مساااااا الخير
على : نعم ، عاوزة ايه
ريم : بمسى عليك يا ابو على تصدق أن أنا غلطانة
على : أه غلطانة ، أزعلى وأمشى بقا يلا
ريم : لا أنا قلبى طيب ومش بزعل من أخويا حبيبى
على : طيبة اوى منا عارف
ثم جاءت مى وسارة وسلمى
احتضنت سارة سلين ..
سارة : مبروك يا تؤأمتى
سلين : عقبالك يا قلبى
على : شكلى مش هخلص منكم
مى : دا أنا هطلع عليك القديم كله
وفجأة سمعوا صوت يلقى عليهم السلام
وهو يصفر بصوت عالى .. عندما رأه على أبتسم وذهب إليه
حسام : مبرووك يا شقيق
على : الله يبارك فيك يا أتش
حسام : ألف مبروك يا سلين
سلين : الله يبارك فيك ، شكرآ
يقترب من مى ويهمس لها : وحشتنى يا جميل
مى بكسوف : وأنت كمان ، أتأخرت ليه
حسام : يدوبك خلصت وجيت على طول
ريم : الله الله بتعملوا ايه أنتى وهو هروح أجبلكم جدى ..
على وحسام معآ : حد يقتل البت دى
يضحكان ...
حسام : أنتى لبست انت كمان
على : شكلى باين أوى كدا
حسام : أوى .. أهلا بيك يا شقيق فى قوانين آل رفاعى
على : سامحنى يا حسام عشان أنا كمان كنت برخم عليك كلو بيطلع عليا دلوقتى
حسام : سامحتك فى حقى كفاية عليك جدى ، والبت ريم أم لسانين دى اللى مسودة عشتى
ريم وهى تضع يدها فى وسطها : مين دى أن شاء الله
حسام : مش انتى خالص
مى : ريم اسكتى بقا
سارة : تعالى معايا يا ريم نشوف العشا جهز والا لسه
ريم : يلا أهو احسن
..........
يجلس حسام ومى على مقربه من على وسلين
حسام : مى أنا مبقتش قادر
مى : اعمل ايه يا حسام يعنى ما هو جدو اللى شرط كدا
( الجد اشترط على حسام الذهاب والجلوس فى القاهرة .. لكثره تذمره وطلب الزواج من مى )
حسام : انتى مبقاش ليكى غير سنه فيها ايه لما تكمليها وأحنا متجوزين وأنا خلصت الكليه السنه دى وبدات الشغل دا غير شغلى اللى كان فى الأجازات يعنى بقيت مستقل وأقدر افتح بيت زى ما قال جدى
مى : انا عارفه .. يعنى أنا مش نفسى أكون معاك بدل ما أحنا بنشوف بعض كل فين وفين بس أنت عارف جدو
حسام : أنا كلمته كام مرة ومش راضى .. أتكلمى أنتى وقوليله أنك عاوزة تكمليها وأحنا متجوزين وأكيد هيرضى
مى : لا طبعآ ، عاوزنى أروح أقوله جوزنى كدا
حسام : لا يا مى خليكى قاعدة ومتقوليش حاجه ومتبقيش تزعلى بقا وتشتكى
مى : أستنى بس يا حسام
ذهب حسام وتركها
....................
جلس الجميع على طاولة العشاء بعد مباركة الجميع لسلين وعلى وتمنى لهم السعادة
أتفق على موعد حفلة الخطوبة بعد أسبوعين
ثم ذهب الجميع للنوم ..
..............
الساعة 3:00 فجرآ فى الحديقة نائم على العشب وينظر للسماء كعادته ويحدث نفسه
ليتِ كنت معى الآن
سلين : مين دى اللى عاوزها معاك
على : لا مفيش ، أتأخرتى ليه ؟
سلين : بجد ، أنا جيت على طول على فكرة عاوزنى ليه دلوقتى ممكن جدو يشوفنا
على : كنت عاوز أشوفك
سلين : أحنا كنا لسه مع بعض من شويه
على : سلين أنا ماشى الصبح
سلين بحزن : ليه .. هو أنت لحقت تقعد ياعلى
على : الشغل هحاول أخلص وهبقى هنا وهظبط معاكى للخطوبة
سلين : اوعدى متتأخرش
على : وعد
تنام بجانبه على العشب وينظران إلى السماء
سلين : على
على : هممم
سلين : أنت كويس
على نظر لها : أه ، ليه بتسألى
سلين : مش عارفه شايفه فى عينك غير كدا
أمسك على يدها : كويس متقلقيش ، كفاية أنك موجودة جمبى
سلين : أنا دايما هكون جمبك حتى وأنت مش هنا اتأكد أن فى جزء من وجدانى هيكون معاك
نظر لها وصمت ونظر للسماء مجددآ
أنا أعلم يا على أنك لست على ما يرام
لكنك لا تريد ان تتكلم ،
وأنا سأتشارك معك صمتك
____
سامحونى على التأخير
لمن يتركون تعليقاتهم ، شكرآ 😍💚💕
أنت تقرأ
سلين ..💙 ( جارة القمر )
Romanceسأهرب من هنا .. لم أخطط لذلك نعم فأنا أضع الخطط قبل القدوم على اى شئ ، ولكن .. لا بد أن أذهب من هنا أنا مجبرة .. ليس بيدى حيلة هذه المدينة لم اعد أشعر بالسكينة والأمان فيها سأرحل قبل الضياع سأترك خلفى ما مضى أتمنى فقط أن أجد هناك ما يطيب خاطرى...
