سلين ..💙 ( جارة القمر )

الجزء الثالث والثلاثون

أجلس فى سكون أراقب كل شئ من حولى
أتذكر لحظه قدومى هنا
منذ عده أشهر ..
اتذكر كيف كان حالى ، وكيف صار الآن
لقد صارت أشياء كثيره تقلقنى من الماضى
وحدثت الآن أشياء جميلة تسعدنى ..
حقآ لا يدوم شئ
أنا ممتنه جدآ لكل شئ تعلمته
أتمنى أن أواجهه ما قادم فى حياتى أى كان
بنفس قوية ، وقلب ثابت

أخرج سلين من سكونها صوت والدتها وهى تنادى بإسمها فذهبت لها ..

كانت تجلس ليلى بمفردها وتحتسى بعض القهوة
سلين : نعم يا ماما
ليلى : اقعدى
جلست سلين أمامها
ليلى : قاعدة لوحدك ليه
سلين : عادى
ليلى : متأكدة مفيش حاجه شكلك مش تمام
سلين : اطمنى أنا كويسه كنت بفكر فى كذا حاجه بس ، متقلقيش
ليلى : طيب أنا كنت عاوزة أخد رأيك انتى وسارة فى حاجه
أتت سارة ...
ليلى : كويس جيتى أقعدى
سارة : خير يا ليلى
ليلى : خير يا حبيبتى
انا كنت عاوزة اشترى بيت لينا فى القاهرة
سارة بسعادة : بجد أنا كنت عاوزة اقولك يا ماما بس قولت بعد فرح سلين ابقى اقترح عليكى
سلين : ياريت يا ماما عشان تبقى جمبى
ليلى : ما أنا فكرت فى كدا وكمان سارة شغلها هيبقى هناك وأكيد هتفضل رايحه جايه كل يوم مينفعش بس لسه هقول لجدكم وأن شاء الله بعد فرحك لو ربنا يسر الأمور هدور على بيت
سلين : أن شاء الله يا ماما
سارة : هروح أنا أكمل شغلى
سلين : وأنا وريا شويه دروس هراجعها عن أذنك يا ماما
ليلى : أتفضلوا يا حبايبى

.................

تقف سارة ممسكه ببعض الألوان وتتذكر ما حدث منذ أسبوعين ..

( فلاش بالك )
فى القاهرة
تقف سارة تنظر للحائط أمامها
سلين : قررتى اللون
سارة : لا ، محتارة
مى : تعبتينا يا بنتى ما تخلصى
سارة : بقولك ايه انتى وهى هتقعدوا كل شويه تزعقوا فيا كدا امشوا أحسن
مى : أحنا بنساعدك يا قلبى
سارة بحزن : وأنتو كدا بتساعدونى يعنى
تحتضنها سلين وتقول بلطف : متزعليش يا حبيبتى أحنا غلطانين
سارة : طيب أنتو رأيكم إيه
مى : يالهوى ما كل الألوان اللى قلناها معجبتكش
سلين : سارة يا حبيبتى أنتى عاوزة ايه
سارة : لقيتها هسيب الركن دا أبيض وهرسم أنا عليه حاجه
سلين : فكره حلوة
مى : خلاص تمام خلصنا من دا يلا نشوف الديكورات اللى عوزاها
سارة / سلين : يلا

يقف على ويلملم بعض الأوراق
معتز : أنت ماشى والا إيه لسه مخلصناش
على : عارف ، بس أنا لازم أمشى هروح المعرض لسلين والبنات
معتز : أم شعر كستنائى هنا
على : وأنت مالك هى هنا والا لا
معتز يحك شعره : لا أبدآ مفيش
على : عليا أنا بردو يا أبو العز
معتز : طيب ما تأخدنى معاك ينوبك ثواب فيا
على : بمناسبه إيه
معتز : أخوك وحبيبك يا جدع
على : بس بلاش حركات الإستظراف بتاعتك ماشى وتلم نفسك
معتز : حاضر يا فندم
على : طيب يلا

وصل إليهم على ومعتز ومعهم بعض الأطعمه ليتناولوا الغداء معآ ..
على/ معتز : السلام عليكم
مى : وعليكم السلام
وتنظر سارة لمصدر الصوت لتقع عينيها على معتز
وينظر لها معتز بهيام ..
ترفع شعرها للأعلى على شكل كعكه ووجها ملطخ ببعض الألوان
حتى همس له على : اتلم
معتز : احم هو أنا عملت حاجه
اقتربت سارة منهم ورحبت بهم
وذهبت للإغتسال حتى تستطيع تناول الطعام
سأل على عن سلين وقالت له مى أنها بالخارج عند الحديقه المجاورة للمعرض ..