بداخلى فتاة تائهة ، أضلت الطريق ..
هل ستجد الطريق ام ستبقى تائهة فى الطرقات ..
_________
بعدما أنتهى على و سلين من قهوتهم
على : تحبى ارجعك المزرعة دلوقتى
سلين : لو عندك شغل خلصه متعطلش نفسك وانا هستنى مش مشكلة
على : طيب أنا هروح المصنع ازاى وأسيبك
سلين : ممكن أقعد فى اى كافيه لما تخلص
على : لا طبعآ مينفعش أنا قدامى يجى ٣ ساعات إيه رأيك تيجى معايا
سلين : أممم مش هيبقى فيها إزعاج
على : دا الحل الوحيد اللى هيخلينى مطمن
سلين : تمام
( يدخل على إلى المصنع وهى وراءة وكل من يقابله يلقى عليه السلام يجلسها فى مكتبه ويذهب لكى يمر على العمال استغرق حوالى ساعة ثم ذهب إلى مكتبه .. )
طرق الباب وبعدها دخل ..
على : أكيد زهقتى
سلين : يعنى شوية بس بسلى نفسى بالموبايل
على : تمام هراجع شويه أوراق وهنمشى
سلين : اوك
على : تشربى ايه
سلين : عصير برتقال
( يطلب على لها العصير ويجلس على مكتبه ويلبس نظارته ويدقق فى الاوراق التى أمامه هى بين الحين والآخر تنظر له وهو يدرك ذالك ويبتسم كلما نظرت إليه ..
لكن لا يريد أحراجها ..
عندما أنتهى ..
ذهبوا فى طريقهم للرجوع إلى المزرعة
.......................
فى المساء تجلس سلين أمام ولدتها وهى تنهرها
ليلى : أنتى واعية أنتى عملتى ايه مش فاهمه أزاى تتنازلى كدا عن القضيه ، مقولتليش حتى أنك هتعملى كدا
سلين : كنت عارفه أنك مش هترضى وهتمنعينى
ليلى : أه همنعك اللى عملتيه دا غباء
سلين : يا ماما أفهمينى
ليلى : مش عاوزة أفهم حاجه ولا عاوزة أتكلم معاكى
سلين : ماما أنا مش عاوزة أفضل عايشه فى الماضى مش انتى اللى قولتى خليكى قوية وأنسى وكملى حياتك أنا بحاول أحرر نفسى عاوزة أحس بالسلام النفسى عشان أقدر أكمل
ليلى : أنا فعلآ عوزاكى تنسى بس انا خايفة عليكى مقدرش مقلقش
ايه اللى يخليكى تثقى انه مش هيحاول يأذيكى تانى ؟
سلين : انا مش بثق فيه يا أمى أنا عملت اللى يريحنى أنا وهو حر عاوز يفضل زى ما هو دا إختياره
ليلى : بتمنى أنه يبعد عننا بقا ويسافر
سلين : اتمنى
تذهب سلين إلى سارة ..
( كانت تجلس وامامها لوحة ترسمها فهو إحدى المشاريع المطلوبة منها ..
وفجأة سلين : ممكن أدخل
سارة مبتسمة : لأ
سلين تتصنع الحزن : ههون عليكى يا تؤامتى
سارة : أه زى ما انا هونت
سلين : طيب ولو فى الشكولا دى
سارة : أمممم كدا ممكن أفكر
سلين : أنا أسفة ، انا عارفة أنى بعدت عنك الفترة دى وكنت قليله الذوق معاكى بس كنت فعلآ محتاجه أبقى لوحدى
سارة : انا اللى دايقنى دا أنك كنتى لوحدك ، مكنتيش عوزانى معاكى ..
سلين : لا ابدآ بالعكس بس مكنتش عاوزة أشغلك وانتى وراكى إمتحانات ودروس أنا أسفة وسامحينى
سارة : هسامحك بشرط متحاوليش تبعدينى عنك تانى
سلين : حاضر
( أحتضنتها سلين : من حسن الحظ أنك تؤأمتى
سارة : من حسن حظى أنى خلقت تؤأمتك
سلين : هسيبك بقا تكملى مشروعك لو احتجتى مساعدة قوليلى
سارة : اوك
سلين : موفقة حبيبتى
أنت تقرأ
سلين ..💙 ( جارة القمر )
Romanceسأهرب من هنا .. لم أخطط لذلك نعم فأنا أضع الخطط قبل القدوم على اى شئ ، ولكن .. لا بد أن أذهب من هنا أنا مجبرة .. ليس بيدى حيلة هذه المدينة لم اعد أشعر بالسكينة والأمان فيها سأرحل قبل الضياع سأترك خلفى ما مضى أتمنى فقط أن أجد هناك ما يطيب خاطرى...
