لما أرى ألوان الربيع تملآ المكان
لما أشعر أن قلبى يرقص فرحآ مثل تلك الفراشات
هل أنا أحلم
أنا أراه بجوارى يبتسم لى تلك الإبتسامة التى طالما أحببتها ..
يده ممسكة بيدى ، لما أشعر بالآمان بقبضه يده
لا أصدق ما يحدث
هل هذا واقعى .. ام أنه من نسج خيالى
لا يهم
هذا كاف بالنسبة لى
_________
أنظر لها بين الحين والآخر لا أصدق أنها منذ قليل اعترفت لى بما تكنه فى قلبها ..
لا أريد ترك تلك اليد
ها هى من أستولت على عقلى وقلبى منذ رأيتها
أشعر بالراحة عندما انظر لعينيها
كنت انتظر هذا اليوم عندما تكون بقربى
ولكن لم أعلم أن القرب يزيد إشتياق قلبى
على : سلين بصى ليا
سلين : تنظر له لثوانى ثم تبعد نظرها عنه
على : اوقف السيارة
سلين : على أنت وقفت ليه ؟
على : بصى ليا
سلين : أنت واقف عشان تقولى أبص ليك انت مجنون صح
على : ضغط على يديها ، سلين إياكى تكونى معايا وتبعدى عينك عنى .. فاهمة ؟
سلين : حاضر .. ممكن تمشى بقا عشان أتاخرنا
يكمل على وسلين طريقهم
..........
هناك من ينتظرهم ويسأل عنهم ليلى بين الحين والآخر
الجد : سلين متكلمتش يا ليلى
ليلى : بعتتلى رسالة وجايين فى الطريق ..
الجد : لما يوصلوا خليهم يجولى المكتب
ليلى : حاضر يا بابا
بعد ساعة وصلو
سلين : سيب إيدى بقا ممكن حد يشوفنا
على : خايفة ليه ومين اللى هيشوفنا يعنى هنا
سلين : مامتك مثلآ الله اعلم لو شافتنا هتعمل ايه
على : دى فريدة طيبة
سلين : أه اوى أنت أكيد عرفت عملت فيا ايه لما لقتنى خارجة من أوضتك اول مرة أتحط فى موقف بايخ كدا بسببك
على : بسببى ، طيب ما هو أنت السبب بردو
سلين : أنا !! السبب فى ايه
على : عشان أول مرة أحب حد كدا
سلين : أحم .. طيب خليك قاعد انت هنا أنا داخلة
ذهبت وهى تهرول إلى الداخل ووراءها على عندما دخلت ووجدت ليلى تنتظرها ..
سلين : ماما
ليلى : اهلآ يا حبيبتى ونظرت إلى على ازيك يا حبيبى
على : بخير يا عمتو وانت
ليلى : الحمد لله بخير .. جدكم عاوزك
سلين : أحنا الأتنين
ليلى : أه
سلين : ليه يا ماما
ليلى : معرفش لما تروحى هتعرفى يلا
ذهب على ووراءه سلين
على : اهدى انت متوترة ليه
سلين : بجد يعنى أنت مش متوتر
على : لا .. عشان أنا عارف هو عاوزنا ليه
سلين : ليه طيب
على : هندخل وهتعرفى يلا
طرق على الباب وأذن له جده بالدخول ثم دخلوا
الجد : تعالو أقعدو هنا قدامى
على : ازيك يا جدى
الجد : بخير يا ولدى ، وأنت
على : حلو جدآ
الجد : طيب كويس ربنا يروق مزاجك
على : احم مأظنش هيفضل حلو كتير
تجلس صامته تنظر لهم وهم يتحدثون بالألغاز لكى لا تفهم
الجد : ساكته ليه يا بنتى
سلين : مين أنا لا أبدآ مفييش
الجد : طيب وسكت
ظل ينظر لى أنا وعلى لعده دقائق وهو صامت لا يتحدث بشئ لا افهم ماذا يجب أن أفعل
على : جدى
الجد : نعم يا على
على : هو حضرتك عاوزنا ليه
الجد : أنت مش عارف
على : لا يعنى عارف
الجد : طيب مستنيك تتكلم أنت والأ أتكلم أنا
على : لا هتكلم أنا
الجد : اتفضل
على : من الأخر يعنى وعشان حضرتك مبتحبش اللف والدوران .. ( ونظر لى ) أنا بحب سلين
نظرت له بصدمة ماذا فعل هذا
الجد : وبعدين
على : أنا جاى أصلآ عشان كنت هقول لحضرتك وعشان أطلبها رسمى
الجد : طيب يومين وهقولك ردى
على : ماشى
الجد : يلا أطلع برا بقا وسيبنى مع سلين
على : حاضر
أنت تقرأ
سلين ..💙 ( جارة القمر )
Romanceسأهرب من هنا .. لم أخطط لذلك نعم فأنا أضع الخطط قبل القدوم على اى شئ ، ولكن .. لا بد أن أذهب من هنا أنا مجبرة .. ليس بيدى حيلة هذه المدينة لم اعد أشعر بالسكينة والأمان فيها سأرحل قبل الضياع سأترك خلفى ما مضى أتمنى فقط أن أجد هناك ما يطيب خاطرى...
