سلين ..💙 ( جارة القمر )

الجزء الواحد والثلاثون

صباح جديد ..
وبدايه جديده تتمنى سلين أن تأتى لها بالسعادة
تآمل أن يمر اليوم بسلام دون مشاكل

تستعد سلين ثم تنزل للأسفل تجد الجميع مجتمع حول مائدة الفطار تلقى عليهم السلام ثم تسحب كرسى بجانب سارة وتجلس ، يجلس على فى المقابل لها يبتسم لها وهى تبادله الإبتسام وتشعر بالقلق ..

بعد ساعتين ..
تنتظر سلين فى غرفتها وتترقب أتصال من على لكى تذهب له للحديث مع الجد وليلى
حتى أتاه الإتصال
أستجمعت شجاعتها ونزلت ووجدته يقف ينتظرها
وقفت أمامه
على : جاهزة
سلين : قلقانه
أمسك يدها ثم قال : متقلقيش كلو هيبقى تمام
أبتسمت له
على : يلا
سلين : يلا

وصلوا أمام غرفه جدهم وكانت ليلى بالداخل أيضآ تنتظرهم
أستأذنوا ثم دخلو

الجد : ها ياسى على خير
على : كل خير يا جدى
ليلى : قلقتونى فى حاجه والا ايه
نظر على لسلين وهى بادلته بالإبتسام
على : أنا عارف أنى قلقتك لما طلبتك وخليتك تيجى بسرعه بس دى حاجه مهمه بالنسبه ليا
الجد : بلاش مقدمات
على : تمام ، أنا عاوز نسرع الفرح شويه وأتجوز أنا وسلين
دق الجد بالعصا على الأرض أعتراضآ على ما سمعه
سلين : ممكن تهدى يا جدو وتسمعنا
ليلى : نعم ، وأنتى موافقه كمان
على : عمتو ممكن تسمعينى
ليلى : أتفضل
على : أنا عارف أنك خايفه عليها وعلى مستقبلها وهتشوفينى برجع فى كلامى بس والله أبدآ أنا كل الحكايه عاوزها تكون معايا وجمبى فى القاهرة (ونظر إلى جده ) وأنا عمر ما قولت كلمه ورجعت فيها بس دى حاله تانيه ..
وأنا لما اقترحت الموضوع على سلين أنا قولتلها براحتك لو موفقتيش أنا مش هعترض ولا هدايق بس هى موافقه وأنا كمان عاوز كدا يبقى ايه المشكله

تنظر سلين لولدتها تجدها تنظر لها ببعض الغضب
الجد : يعنى دلوقتى عاوزنى أوافق
تقف ليلى بغضب ثم تقول : بعد إذنكم أنا عاوزة أتكلم مع بنتى لوحدنا
ثم تذهب
تشعر سلين ببعض الإرتباك
ينظر لها على بنظره حانيه ويطمئنها ثم يحثها على الذهاب وراء والدتها

ذهبت سلين إلى غرفه والدتها
وأقترب على من جده ثم أمسك يده وقبلها
أبتسم الرفاعى ونسى غضبه منه
الجد : يعنى المفروض كدا أوافق
على : أنت طول عمرك من وأنا صغير كنت بتقولى عمرك ما طلبت منى حاجه
الجد : صح ، الكل كان بيطلب منى إلا أنت
على : أنا دلوقتى بقا عاوزك توافق هو طلبى الوحيد منك
الجد وهو ينظر لعلى ليس من عادته أن يطلب من أحد شيئآ منذ صغره وهو يعتمد على ذاته
ما يريده يفعله ولا يأبى لرأى أحد
الجد : ولو رفضت
على وهو يبتسم : هتوافق ياجدى
الجد : ازاى بقا
على : أزاى دى عليا أنا مستعد أعمل أى حاجه

الجد وهو يضع يده على يد على : عارف ياعلى الفرق بينك وبين حسام كنت لما أرفض طلبه من جوازه مى كان بيخاف يناقشنى أو يفرض رأيه عليا عكسك أنت عارف أنت عاوز ايه وعارف أزاى تأخد الحاجه اللى عاوزها
عارف أنى هبان بفرق بين أحفادى بس ( لك ما طلبت يا ولدى ) أنا موافق