أصبح الصباح علي ابطالنا وكل واحد فيهم مقرر حايعمل شنو ..نهله عصرت على قلبها وعلي وجعها وحاتتجاهل عبد الله لحدي ما العرس يخلص. .امونه اتسوكت وصلت وسوت الشاي بدري شديد وبدأت تنظف وكنست الحوش ودخلت استحمت واستاذنت من امها انها تمشي تساعد خالتو أسيا لانو بكره العرس وتشوف العروس لو دايره يعملو ليها حاجه امها وافقت ليها امونه كانت عندها فكره بس عايزة مساعده خالتو أسيا كانت لابسه عبايه سودا وطرحه سودا وماعامله حاجه في وشها بس لونها الابيض وعيونها النعسانه بتسحر اي زول هي وماشه ماانتبهت وضربت في زول أحمد تلفونو وقع ماانتبه منو الخبط فيو امونه دنقرت رفعت التلفون مدتو ليهو هو بقى سرحان فيها وقال ماشاء الله❤️قالت ليو معليش قال ليها لازم لمن اشوفك تحصل مصيبه انتي مالك معاي في زول بمشي ومابعاين قدامو قالت ليو انت برضو ماشي وبتعاين في تلفونك ودخلت خلتو بتستغرب كيف مع كل الناس خجوله الا معاو هو بتبقى عدوانيه ..
آسيا لاقت امونه جنب الباب قالت ليها مالك زهجانه قالت ليها ماف شي ياخاله بس دايره مساعدتك امونه حكت ليها وضع ابوها وانو هي عايزة تشتغل بس ماعارفه تعمل شنو خالتو أسيا حنت على حاله امونه وانو هي شايله هم اختها وامها وأبوها وهم مابستاهلو آسيا قالت ياربي لو امونه عرفت الحقيقه الحايحصل فيها شنو. .أسيا كانت سرحانه وامونه منتظراها زي الفريق البتعلق بي قشه. .جات مراه لي آسيا قالت ليها المرأه الكلمتيها تجي تخبز ما جات ومن امبارح تلفونها مغفول آسيا قالت ليها كيفن الكلام ده وبكره العقد ولسه ماعارفين عنها شي نخليها طوالي ونشوف واحده تانيه أسيا اتجرست عشان الزمن ضايق وهي ماعندها البساعدها نسوان الحله كلهن بجن ياكلن ويشربن وما بساعدن عشان آسيا عندها خدامه وحالتهم الماديه كويسه وراجلها مغترب قالن ليها اي شي تجيبو جاهز ..امونه قالت ليها انا بعملو ليك ياخالتي آسيا فرحت شديد قالت ليها فكره ياامونه انتي تعمليو بس بقروش امونه رفضت أسيا قالت ليها انا كنت حاادفع للمراه أولى انتي ويبقى ليك مشروع وتترزقي منو لقدام انتي ماشاء الله عليك يدك طاعمه وفالحه ما ذي بناتنا..
امونه فرحت شديد ووافقت اسيا قالت ليها بس انا المواد ماعندي كنت متفقه مع المرأه تشتري وانا بحاسبها آسيا لمن حست انو امونه زعلت قالت ليها ماف مشكله اصحاب عماد عندهم عربيه تمشي معاهم السوق تشتري الاحتياجات كلها ونبدأ اصلا الوقت بدري حسه وانا عندي فرن غاز بنخلص سريع ان شاء الله كدي اتصل لي عماد اشوفهم وين
اتصلت علي عماد قال ليها انا واحمد طلعنا مشوار بس محمد فاضي وقاعد في الديوان وعربيتو موجودة قالت ليو خلاص بشوفو قفلت منو وقالت لي امونه انتي امشي البيت كلمي امك وتعالي بس ماتتاخري امونه طلعت واسيا مشت لي محمد الديوان لمن دخلت لقتو راقد قالت ليهو ده كلو نوم قال ليها مانمت لي وش الصبح وبعد جيت من الجامع قلت اخد نومه عايزة حاجه ياخالتي قالت ليو لالا شكلك تعبان قام من السرير قال ليها مامشكله اطلبي وانا في الخدمه قالت ليو كنت دايراك تمشي مع امونه السوق هو لمن سمع اسمها طوالي ابتسم واسيا كانت بتراقب فيو عايزه تتاكده قالت لي لكن ما مشكله بشوف عبدالله يوديها طوالي اتكلم قال ليها لالا انا بوديها اصلا عندي حاجات دايره من السوق..
