امونه استحمت وغيرت هدومها وغسلت التوب عشان ينشف قبل ما امها تجي امونه زهجت من روتينها اليومي نفسها تعمل حاجه مختلفه نفسها تشتغل بقت تفكر كتير في شغل يناسبها وامها توافق عليو. .عماد قال لي محمد ماقلت لينا العروس اسمها منو قال ليهو اسمها امنه عماد قال ليهو امنه عباس الساكنين قريب مننا قال ليهو انا مابعرف اسم ابوها بس هي جارتكم اي قال ليهو ماشاء الله بت جميله ومؤدبه مافيها كلام بس اهلك ما اظن يرضو
محمد قال ليهو ما بهمني لو بس هي قالت موافقه حااعمل اي شي عشانها❤️احمد قال ليهو انت مجنون ممكن تخلي اهلك عشان واحده عجبك شكلها!محمد قال ليهو لو اتكلمت من هنا لي بكره ما حاتفهمني لانو انت بتستخدم عقلك وبس والا انا حااقولو ليهو علاقه بالقلب والحب احمد قال ليهو طوالي سميتو حب ده إعجاب ساي وحا تنساها مع الزمن المهم اتناقشو كتير الا عماد أدخل وقال ليهم خلوني اعرس اول بعداك نشوف عرس محمد😂طبعا ام عماد عاجباها امونه شديد وكانت متمنيه واحد من اولادها يعرسها بس عماد بحب بت عمو وعبدالله قال مابفكر في عرس اسي ..
ام عماد قالت لي زينب وين اموونه ما جات معاكم قالت ليها مصدعه عشان كده قلت ليها ارتاحي قالت ليها كانت تجي تفطر انا برسل واحده من البنات تناديها تجي تشجعني وتاكل معاي واحده من الحريم قالت ليها اي والله خليها تجي تشجع أسيا على الأكل الظهر اذن ولسه مافطرت وبعدين أسيا بتريد امونه ولو عندها ولد تالت كانت عرستها ليو اسي عبد الله ده لاقي ذي امونه وين رشحيها ليو امكن يدورها أسيا قالت ليها امونه انا دايره ليها دكتور وعبدالله لسه ماجاهز لي عرس حسي امونه سمعت الباب بدق فتحتو لقتها شافعه قالت ليها خالتو أسيا قالت ليك تعالي افطري معاها لسه مافطرت راجياك وفاتت الشافعه امونه قالت بس شعري لسه مانشف شعرها كان حلو بعد غسلتو لانو ناعم بقى ملفلف لبست توب وطلعت دخلت بيت العرس مشت مكان الشغله سلمت علي الحريم وقالت ليهم دايرين شنو أساعدكم قالو لي زينب ماشاء الله بنت الهنا الوحيده البتساعد وهميمه ما ذي بناتتا ديل اليوم كلو قدام المرايا واريتو بفائده كلهن ما بجن حاجه جنب جمال امونه امونه خجلت وخالتو أسيا قالت ليهم ماتخجلو لي بتي وساقتها الغرفه ياكلو زينب خشمها مافتحتو امونه قالت ليها يا خالتو أسيا انتي عندك سكري الجوع ما كويس وانتي ما بتسمعي كلامي وما بتاخدي علاجك آسيا قالت ليها الحافظ الله يابتي وبدو ياكلو امونه نزلت التوب من راسها وبتاكل مبسوطه لأنها بتريد أسيا شديد اسيا لاحظت شعرها مبلول قالت ليها فكي الكعكه خلي ينشف ما يصدع بيك يا بتي امونه فكتو آسيا قالت ليها ماشاء الله يابتي اتحصني طوالي من عين النسوان ديل وما تعملي شغله جنبهم عينهم ما بترحم امونه قالت ليها حاضر أثناء ما بياكلو جاء داخل محمد قال ليهم اسف كنت قايلك براك يا خاله امونه قامت ولبست التوب بعدها محمد دخل وقعد يعاين في امونه أسيا انتبهت ليو منتظراو يقول الجابو شنو غرفتها بس هو مركز مع أمنه قال ماشاء الله تبارك الله البت دي جميله كده لي وفيها أدب ما شفتو في بت حااعمل اي حاجه عشان اكون معاك ما حاافرض فيك ياامونه يادوب انتبه لي خالتو أسيا بتسالو عايز شنو قال ليها عايز عايز وبحاول يجمع عايز شنو شوفه امنه طيرت الجاي عشانو قال ليها اي عماد قال داير جلابيه الحنه عشان بعدين البيت بجاي حايتملي حريم قال يختها في الصالون خالتو أسيا مشت الدولاب تجيبها محمد قال لي امونه امنه هي اتخلعت رفعت رأسها قال ليها كيفك قالت ليهو كويسه قال ليها الحمد لله امونه ابتسمت وقالت مع نفسها الود ده عفوي شديد محمد قال ليها امنه هي رفعت رأسها بس خالتو أسيا جات وقطعت كلامو قالت لي ياولدي ما كفاكم حفلات كل يوم حنه كملتو تيابنا😂قال ليها عندنا عماد واحد يا خاله ولازم نعزو قالت ليو ماقصرتو ياولدي شال الجلابيه وطلع خالتو أسيا قالت ماشاء الله محمد ده بقى الزيو ماف الزمن ده راجل مع الصغير والكبير معنو ود وزير بس ما بشوفو نفسو اصلو على زول
