شكلو بدا يتغير احمد قال ليهو ما انا براي الكنت خايف عليك 😉محمد عاين لي امو وابتسم أحمد قال ليهو ماقصدي خالتي قصدي امنه محمد مااستوعب قال ليهو قلت منو روى ضحكت قالت لي احمد حتى انت عارف قال ليها عارف من ايام عرسكم كل شويه بقول امونه محمد قال ليهم فهموني قاصدين شنو عماد ضحك قال ليهو قلقتو بيهو احكو ليو أحمد قال ليهو امنه كانت هنا وحضرت العمليه امنه كانت السبب في اننا نلقى المتبرع كلهم اتخلعو اي هي الورتني بي حادث الطفل ناس المستشفى كانو ملخومين وماانتبهو بس امنه هي الكلمتني وقالت أحاول مع اهل الطفل محمد غصب عنو عيونو دمعو يعني هي بتحبو برضو❤️يعني ربنا استجاب دعواتو يعني امنه السبب انا من اول مره شفتها حسيت انو حياتي حاتتغير بسببها انا بحبك❤️احمد كان ملاحظ لي فرحه صحبو هو ابتسم على ابتسامتو وطلع من الغرفه مشى غرفتو وقفل الباب علي طلع كل وجعو في شكل دموع وقرر ينساها امنه ومحمد بستاهلو بعض اصلا بشبهو بعض شديد امنه ربنا ختاها في طريق محمد عشان يتمسك بالحياه انا محمد اغلى عندي من نفسي امنه كانت مختلفه عندي هي كانت صاح انا لازم اغير حياتي وابدا من نفسي انا مبسوط انو محمد جنبي وده المهم عندي هو عندي بكل الدنيا❤️الله يسعدو ان شاء الله مع امنه. .احمد قدم لي امنه وشالوها في الجامعه. .الوزير ومرتو واحمد سافرو البلد خطبو امنه لي محمد ..محمد ممنوع من السفر عشان لسه في فتره نقاهه امنه جات الخرطوم وبدأت الجامعه كان نفسها تشوف محمد بس ماف طريقه كانت معاو طوالي بالتلفون لحدي يوم محمد اتصل عليها وقال ليها انا تعبتا ورسل ليها السواق عشان تجيهو في المستشفى امنه طلعت تجري
اتصلت علي السواق وركبت العربيه تمسح في دموعها اتخلعت لمن شافتو قالت ليهو انت كويس انت طلعت لي انت مجنون قال ليها انا بحبك واشتقت ليك جنبي وماقادر اشوفك امنه بقت تبكي وهو يمسح في دموعها ويضحك قال ليها انا اسف اني خوفتك علي امنه انا عايز اننا نتزوج هي عاينت لي مخلوعه قاليها حاتخليني عشان عيان حاتتدبسي لو وافقتي قعدت تضحك وضربتو في يدو قال ليها اه ياكليتي قالت لي محمد بطل استهبال يدك الجابها للكليه شنو قعد يضحك على شكلها وانو هي صاره بالجد طلع الخاتم وقال ليها انا كل وجعي وفرحي عايزو يكون معاك ماعايز اكون بعيد منك كفانا وجع ومعانا يا امنه نحن نستحق نكون مبسوطين امنه وافقت❤️
حددو العرس بعد شهر كلهم جو الخرطوم محمد أجر ليهم شقه ايام العرس ونهله جات من السعوديه امنه سامحت لينا وعلاقتهم بقت حلوة تعبو شديد ايام العرس بس انجزو في فتره بسيطه خالتو زينب أصرت علي امنه تتحبس وكانت هي وخالتو أسيا وإحسان مراه العمده بهتمو بيها كانت بتنقنق عشان سمنت ومحمد كان بضحك فيها بقول ليها انا زول مريض مابشيل لي بقرة بعدين 😂هي كانت بتصدقو وتزعل وهو يحنس فيها❤️احمد بقى احسن كتير ومبسوط شديد انو محمد صحتو بقت احسن وكانت ضحكتو من قلبو وعيونو بتلمع❤️هو قرر يدي نفسو فرصه واتعرف علي دكتور متدربه عندو في المستشفى كانت ايه في الجمال كانت هادئه ورزينه زيو❤️من سنته سوق الجنس إلى جنسه❤️..
جاء اليوم المنتظر ومحمد مشى ساق امنه من الكوفير كانت جميله شديد بالزفاف المحجب❤️اول ماشافت محمد قعدت تضحك قال ليها معرس لي هبله بتضحكي فيني عشان عيان الله يسامحك 😂هي ميته بالضحك لانو محمد بعد القشرة بالبدله لابس كمامه😂دكتور علي حلف عليهو طلاق مايطلعها😂قال ليها اضحكي كويس اول مره اشوف عريس منقب😂😂امنه كانت حاتقعد في الأرض من الضحك قال ليها ماتفضحينا الناس كلها بتعاين لينا تقول ديل شنو العرسان السايكو ديل😂من دخلو الصاله الناس تصفر وتضحك ويصلو على النبي كانو حلوين جدا❤️امنه ومحمد سافرو أماكن كتيره وعملو كل الحركات المجنونه سوا امنه كانت كل فتره بتودي المستشفى وتتابع معاو❤️بعد سنه جابو ولد سموهو احمد قطعه من ابوهو مجنون شديد كانو بتفقو على امنه وبعذبوها شديد محمد وامنه كل مايكونو زعلانين بفتحو البوم صورهم ويموتو بالضحك على منظرهم محمد بالكمامه وهي بتضحك علي شكلو..قال ليها ماعارف يازوله لازم نعيد عرسنا تاني انا ماراضي تبقيني مضحكه😂كانت بتجضمو وتقول ليهو دي احلى حاجه كانت انو انحنا كن مختلفين❤️الحمد لله عليك يامحمد❤️
#النهايه
