اتونسو كتير إلا خالتو أسيا هرشتم انو ماينفع يساهرو بكرة اليوم طويل عماد اتصل علي خطيبتو وقام منهم خالتو أسيا قالت ليهم انو يقفلو الأنوار معاهم قبل يطلعو فوق ودخلت غرفتها فضل محمد ونهله وامنه جاء داخل عبد الله البيت وقال السلام عليكم طوالي نهله طلعت فوق هو زعل من حركتها ومشى على غرفتو محمد امنه كانت طالعه فوق محمد قال ليهاممكن اتكلم معاك هي كانت مترددة تقعد تتكلم معاو ولاتطلع لانو الوقت اتأخر بس هي نفسها تتكلم معاو وتعرفو قعدت أمنه وسمعت كلام قلبها..عند أحمد في الخرطوم خلص دوامو وراجع على البيت فتحت لي الباب مرأه ابوهو سلم ودخل على غرفتو ابوهو قال ليها ده احمد رجع قالت ليهو اي بس كالعاده قال السلام وطلع انا قلبي واجعني عليهو ماعايز يطلع من صدمتو الزمان نفسي اساعدو تعال نغرضو على دكتور نفسي قال ليها ده كلام شنو البتقولي فيهو ده انتي ناسيه انو هو دكتور والموضوع ده حا يا أثر على سمعتو وشغلو ماعندنا حل غير انو ندعي ليهو ربنا يهديهو ويجبر كسرو. .
محمد قال لي أمنه انتي كان قلتي لي انك عايزة تدرسي طب والتقديم قفل انا ممكن اساعدك وتدخلي الجامعه الدايراها قالت ليو شكرا ليك بس انا ابوي محتاج لي الايام دي ولمن الوضع يتصلح حااقدم السنه الجايه ان شاء الله قال ليها انا عايز اتكلم مع ابوك قبل اسافر امنه رفعت رأسها مستغربه بتعاين ليو عايزة تفهم قاصد شنو قال ليها ان شاء الله بتحل الموضوع ده وحايتحقق حلمك بإذن الله بس انتي اتمسكي بيهو ..قال ليها امشي نومي ماعايز زول يشوفك معاي وتحصل ليك مشكله قالت لي تمام وعايزة تمشي وقفها قال ليها أمنه ماعارف عايز افتح معاك موضوع بس متردد قالت ليهو معناها ماتفتحو قال ليها لي!قالت ليهو لازم تكون واثق انو الحاجه الحاتقولها مفروض تتقال من غير حساب وتفكير قال ليها صح كلامك هي طلعت وهو بقى يفكر في كلامها انو مامفروض يتردد ويكون قدر اختيارو
لينا كانت واقفه بتعاين لي محمد وامنه وقالت امنه بتلعب علي الأصحاب في وقت واحد..شكلو أحمد ماعبرها قالت تشوف محمد اسي انا عبد الله اتكلم معاو كيف واطلعو من غرفتو كيف وبقت واقفه ومقاصده غرفه عبدالله ..محمد وعبدالله كانو بتونسو محمد قال ليهو شكلك ماعاجبني مالك عبدالله قال ليهو متشاكل مع حبيبتي قال ليهو طيب صالحها حتى لو هي الغلطانه ماتخليها تزعل البنات ديل حنينات وضعيفات نحن القلوبنا قاسيه كلمه واعتذار بينسو لانو بكونو متمسكين وبحبو بجد عبدالله اشتاق لي نهله وقال حايتصل عليها طلع برا يتصل نهله هناك ماجاها نووم ولاحتى امنه كانو بتونسو وأمنه حكت ليها انو حاسه بااعجاب ناحيه محمد نهله قالت ليها انا كنت ملاحظه ليهو وحسيت انك عاجباهو بس انتي اصلو ماحسيت انك عندك ليهو شي امنه حكت ليها انو سمعتو بتكلم بالتلفون وافتكرتها حبيبتو بس هو قال ليها مامرتبط نهله فرحانه لي صحبتها انو بدأت تحب وتفكر في نفسها بس خافت عليها لانو امنه مسكينه ومابتتحمل كسره القلب..سمعت تلفونها بضرب وهي خاته في التربيزة ..ماشه على التلفون عينها وقعت على اتنين بتكلمو في الحوش ،عبدالله كان منتظر نهله ترد ظهرت ليو لينا قال ليها المصحيك لحدي اسي شنو قالت ليهو فوق ماقدرتا ارتاح في النومه قلت انزل تحت نهله كانت بتراقب فيهم من فوق وماسكه دموعها لينا قربت من عبد الله قالت ليهو وانت صاحي لي عبدالله ماخت في بالو انو لينا قاصده تتقرب منو قال ليها طلعت اشرب سجارة وراجع لينا بدأت تفتح في مواضيع وتضحك عبدالله كان زهجان بس حس انو هي ظريفه وبدأ يركز مع كلامها وشكلها كانت لابسه بجامه وخاته الطرحه في نص رأسها كان شكلها حللو لينا مقارنه مع نهله احلى منها لمن لقت عبدالله منتبه معاها قالت ليو انا نعستا وماصاح نقيف اكتر تصبح على خير وفاتت كان هدفها تعلقو فيها عشان ينسى نهله..
