امنه البت الحنينه❤عارف الطريقه قديمه بس ما لقيت حل غيرها حاولت اتكلم معاك بس اليوم كان مليان وما كان فرصه كان قبل كده قلت ليك اني عايز اقول ليك حاجه بس متردد بس انتي قلتي لي لمن تكون متاكد اتكلم واسي انا متاكد 100%اني عايز اتكلم معاك فيهو انا بحبك يا امنه بحبك شديد وحبيتك من اول ماشفتك حبيت خجلك وبراءتك وطيبتك فيك نقاء بقى معدوم وانسانيه ماشفتها في زول غير ده كلو كمان انتي جمييله جدا ❤️انا حااكون محظوظ لو انتي من نصيبي انا اتكلمت مع ابوك وطلبت يدك منو وقلت ليهو انو ابوي ماحايرضى بس انا شاري بتك ومستعد اخلي اي حاجه عشانها وابوك اداني كلمه اني لمن ابقى جاهز هو حايعرس لينا ..انا في حاجه عايز اقولها ليك بس خايف لو عرفتيها ترفضيني بس من حقك تعرفي وحاتكوني انتي اول واحده تعرفي زينب جات داخله لينا طوالي دست الورقه امها قالت ليها القروش دي شنو وجبتيها من وين قالت ليها ده صندوق كنت داخله مع بنات الحله وصرفتا وماشى اجيب بيهن كريمات لينا طبقت الورقه ودخلتها تحت هدومها وقالت لي امها انا ماشه لي نفيسه اسوقها معاي السوق امها قالت ليها كلمتي عبدالله لينا قالت ليها اكلمو لي امها قالت ليها ماصاح هو خطيبك لازم تستاذني لينا لوت خشمها واتصلت عليهو قال ليها ماتمشي وقفلت في وشو طوالي بقت تزهج منو لانو صعب وبمنعها الطلعه ولو لقى تلفونها مشغول الشكله بتدور..الود البلعب مابكون عندو ثقه في بت💔
لينا رجعت الاوضه وفتحت الورقه ..قال ليها انا عندي فشل في الكلى وبغسل مره في الاسبوع في اليوم ده بختفي عن كل الناس لاني بتعب شديد ماعارف انا كلمتك انتي بالذات لي بس انتي الوحيده الغيرت خططي انا ماكنت مفكر اني أحب او اربط حياه انسانه بي وانا عارف انو حالتي صعبه وبتعب شديد بس انا ماقادر أبعد عنك والله وده السبب الكان مخليني اكون متردد في علاقتنا ما عايز اظلمك انا كتبت الكلام ده عشان مابقدر اقولو ليك لو شفتك انا حاانتظر ردك وماحااحاول اضغط عليك بس انا حااكون مبسوط لو انتي واقفه معاي وجنبي بس حتى لو ماف بينا نصيب حاتفضل مكانتك زي ما هي وبتمنى ليك السعاده انا حاانتظر ردك على الورقه وإذا مارديتي حااكون عرفتا جوابك وماحاازعل بتمنى ليك التوفيق في حياتك. .د/Mohamed
لينا بعد قرأت الرساله بقت ماعارفه تعمل شنو حنت عليهو وقالت شكلو بقول انو مبسوط وعايش حياتو بس الحقيقه غير كده💔ربنا يشفيهو اها يا لينا حاتعملي شنو حاتوري امنه ولالا. .
امنه واحمد وصلو المنطقه ونزل شال شنطه امنه وبدأ يعرفها على المكان والدكاترة المعاو ووراها المشرفه البتكون مع البنات ووصاها تنتبه لي امنه وقال لي امنه امشي معاها توريك الغرفه وتتعرفي على البنات المعاك ولو سالوك قولي انك بتقري طب الجزيرة ماتقولي انك من طرفي ولو سالوك حاجه عن المواد البندرسها وكده حاولي اتهربي وما تردي لانو حايفهمو غلط لو قلتي انك تبعي وانك مابتدرسي طب فاهماني يا امنه!
امنه ابتسمت وقالت لي فاهمه يا دكتور ومشت المكان الحاينومو فيهو بيت العمده حق المنطقه واداهم غرف يريحو فيها لمن يرجعو من الوحده العلاجيه قسم البيت جزء للدكاترة وجزء للدكتورات وكان مهتمي بيهم شديد لانهم جو يعالجو أكبر عدد خصوصا انو المويه في منطقتهم كعبه وبدأت تأثر على السكان والعمده جاري ورا الحكومه انها تساعدهم. .الغرفه الفيها امنه فيها سته بنات الغرفه فيها السراير النظامها فوق وتحت المشرفه عرفت أمنه على البنات وورتهم انها بتدرس في الجزيرة وقالت ليهم نفس كلام دكتور احمد وانو جات إستثناء لانها طالبه متفوقه البنات كانو روى وريان ومي ولجين وسجى وبي أمنه بقو سته بنات في الغرفه..
البنات اتعرفو على امنه وبقو يسالوها انو كيف عملو ليها الاستثناء وحاتحول جامعتهم ولا شنو حكوها مع امنه وهي كان كلامها ان شاء الله البنات قالو ليها اجهزي عشان عاملين لينا الفطور المكان حايعجبك ناس كريمين شديد وطببين❤️لمن طلعو البنات لجين قالت ليهم البت دي وراها قصه روى قالت ليها حرام عليك شكلها مسكينه..
البنات بفطرو مع مراه العمده وبناتو كانو بتونسو جاهم احمد ريان غمزت لي لجين قالت ليها حبيب القلب وصل😉روى قالت ليها الدكتور ده دمو بارد ومابتونس وشايف نفسو عكس دكتور محمد😍اححي انا ياقلبي لجين قالت ليها بالعكس كلو رزانه وعندو هيبه بس انتي الفهمك شنو ياهبله احمد قال ليهم لو خلصتو فطور نتحرك بس وين الطالبه الجديدة لجين قالت قصدك الريفيه دي جبتوها لينا من وين احمد سمعها قال ليها لو سمحتي مابتعرفي زول كويس ماتتكلمي عنو والطالبه دي انا شايف انها ممتازة امنه جات طالعه من الغرفه ومعاها المشرفه كانت حلوة شديد احمد سرح فيها لابسه فستان ابيض فيهو ورود كتيرة ملونه وطرحه كوبي وشبط ابيض وعامله كحل وقلوس مراه العمده قالت ليها ماشاء الله حلات الدنيا عليك❤️امنه قالت ليها تسلمي ياخالتي احمد قال ليها طيب نتحرك بعد ده مراه العمده قالت لي البنيه مافطرت اقعدي اكلي امنه قالت ليها ما
جعانه احمد قال ليها اكلي بننتظرك وفات امنه قعدت تاكل عصيده ونعيميه😍عجبتها شديد
وبقت تسال فيها عملتها كيف امنه قالت ليها حااحفظ الوصفه وحااعملها لي ناس البيت مراه العمده عجبتها امنه وبقت تسالها هي من وين وامنه ورتها وقالت ليها منطقتكم دي عندي فيها اهل ووصفتهم لي امنه وامنه عرفتهم جاهم احمد واتحركو علي الوحده بدو الشغل الساعه11وزع البنات على المرضى والحالات الكبيرة بخلي دكتور معاهم وهو كان بمر علي الحالات ولو في حاجه صعبه بشوفها هو الوحده كانت مليانه البنات انشغلو مع المرضى إلا لجين بتراقب في احمد وبتفتش لي سبب عشان تتكلم معاو
