احمد كان راقد وماجاهو نوم بفكر في أمنه وكانت على وشو ابتسامه بس كان عايز يتأكد انو البحس بيهو ده صاح..اتصل يسأل محمد عن احساسو ده شنو محمد كان موجوع وبحاول ينوم بس ماقدر ينوم لا علي جنبتو ولا ظهرو💔رد على احمد من الو القالها احمد سالو صوتك مالو انت كويس قال ليهو كويس بس جمبتي واجعاني شويه احمد قام من السرير طوالي قاليهو دي المرة التانيه جمبتك توجعك اسي تمشي المستشفى وماتسوق انت خلي السواق يوديك وانا بكره بجي الخرطوم محمد قال ليهو لالا انت مجنون انت المشرف ماينفع ترجع بعداك انا كويس بس عشان ماشربتا مويه كتير الليله واسي بلعت مسكن حاانوم واصحى احسن ولو مابقيت كويس بمشي افحص احمد كان مصر على كلامو انو حايرجع محمد حاول معاو كتير لحدي مااقتنع سالو قال ليهو اتصلت لي وبعدين انت مابتساهر قال ليهو ولاشي بس قلت اسلم عليك وبعد خلصو كلام وقفلو محمد قال شايل همك ياصحبي لو حصل لي حاجه الحايصبرك منو انا خايف عليك اكتر مني كفايه فقدت امك واختك ولحدي الان حابس نفسك في زكريات اليوم المشئوم يارب لطفك بينا ياالله..احمد ماكان مرتاح بعد قفل من محمد كل ماتجيهو أفكار كعبه يستغفر وبعدين حتى لو مرتين حصلت عليهو محمد لو تعب حايمشي يفحص اكيد ماتفكر في حاجه كعبه محمد كويس ان شاءالله ..عبد الله كان بفكر في كلام لينا هو اتعود عليها خصوصا انها بتسمع كلامو قال انا خسرت نهله مره ماحااخسر لينا كمان حااسامحها بس برضو حااخليها تعرف غلطها حتى اسامحها وانا برضو غلط في حق نهله ما لينا بس الغلطانه انا وهي بنتشابه..البنات صحو وقت الصلاه بعد خلصو صلاه وبدو يجهزو في نفسهم امنه كانت بتساعد في احسان مراه العمده عملو الشاي والزلابيه جاء العمده واحمد يشيلو الشاي العمده قال لي احسان شغلتي الدكتورة وتعبتيها امنه قالت ليهو لالا بالعكس انا بحب اساعدها واتونس معاها قال ليها أي كلامها كتير صاح امنه ضحكت قالت ليهو اي احسان ضربتها قالت ليها بعتيني سريع كلهم بقو يضحكو حتى احمد امنه استغربت انو بعاين ليها وبضحك وطوالي اتزكرت كلام احسان وخافت انو يكون صاح استاذنت منهم ومشت لبست اسكيرت اسود وبلوزة مشكله وطرحه سودا وطلعت تلحق البنات بدأ اليوم في العياده وكانت في زحمه امنه طلعت تشم هو بعد خلصت المرضى العندها جنب الوحده في شجر وترعه وهي ماشه كان في صوت شافعه بتبكي عمر10سنوات امنه سألتها مالك قالت ليها امي ماتت امنه اتخلعت قالت ليها وقفي بكاء فهميني امك وين وانتي ساكنه البت ساقت امنه من يدها ومشت توريها البيت امنه اتأخرت شديد واحمد بقى يسال عنها ويفتش وماف زول قال شافها وبقى متعصب شديد ويشاكل فيهم انتو مامسئولين كيف حاتبقو دكاترة هم ماكان عندهم زنب بس هو كان خائف على امنه الحرس الفي البوابه قالو ليهو قبل ساعتين في دكتوره طلعت مشت على الترعه ديك طوالي جرى على المكان وبقى يكورك ليها سمع صوت بكى مشى لقاها بتبكي شديد نسى كل العصبيه الكان فيهو وطوالي مسكها من يدها وبقى يقول ليها مالك امنه في شنو قالت ليهو ماتت ماقدرتا الحقها قال ليها منو هي وهي لسه بتبكي قال ليها وقفي بكاء عشان افهمك ماتخوفيني عليك قالت ليو جات تستنجد بي الحق امها كانت خاتا فيني الأمل انا ماقدرتا انا ماعرفتا اعمل شنو المرأه كانت بتطلع في الروح انا مشيت اشوفها ماكان في زول معاها غير بتها الصغيره المرأه كانت محمومه شديد وبتتنفس بصعوبه كنت عايزة اعمل ليها مكمدات ولا اي حاجه بس ماعرفتا اتصرف بس قالت لي اهتم بي بتها وماتت طلعت الروح جنبي يا احمد لو كانت الشافعه دي صادفت اي دكتور من الفي الوحده غيري كان لحق امها بس انا ماعرفتا اتصرف أحمد دمع بعداك ماقدر وبكى امنه كانت محتاجه يواسيها بس رد فعلو صدمها بعد سكت قال ليها قبل15سنه حصل معاي نفس الحصل للبت دي ..انا ابوي متزوج مرتين امي الأولى في الأول قعدو فتره من غير أطفال وأهل ابوي عرسو ليهو قريبتو بعد العرس امي عرفت انها حامل بس امي مارضت ابوي يطلق مرتو كانت كويسه معاها امي كانت طيبه مع القريب والغريب❤️حتى مراه ابوي كانت كويسه شديده البشوفهم مابقول معرسين راجل واحد ابوي كان مسكنهم قريب لي بعض يعني في نفس الشارع امي ولدتني انا وبعدها بي تلاته سنه جابت نون اختي الصغيره انا كنت شافع صعب شديد حتى نون برضو ابوي بقول انها اتعلمت مني مراه ابوي عندها ولد واحد كن التلاته اخوان ومبسوطين مره ابوي كان مسافر بلد البلد لي شغل وانا كنت بلعب في كورة في الشارع فجأه سمعت الناس بتكورك حريق جريت اشوف في شنو كان معاي اخوي شفت بيتنا بتحرق💔كلو مولع نار ياامنه قعدت اصرخ اختي وامي جوا بس ماف زول دخل يساعدهم ولاخلوني ادخل كانو ماسكني وكل السامعو اتصلو بالاطفاء ربنا يلطف بيهم الحريق كبير اتخيلي شافع عمر10سنه يشوف جثت امو محروقه جنبو كل الوجع الفي الدنيا مابصف اللحظه دي لمن طلعوهم محروقين امي كانت حاضنه نون عليها وكانت محرقه وماقدرو يلحقوها بس نون لسه ماكانت ماتت امي ضحتبي نفسها عشان تحمي نون من الحريق مراه ابوي كانت حاضناني وبتبكي وتترحم علي امي الشرطه قالت الانبوبه حقت الغاز اتفجرت انا عارف انو نون فتحتها لانو طوالي بتقولي عايزة تعمل البيض زي ما انا بعملو كانت بتقولي اعلمها ما كانت بتاكلو إلا مني انا يوم ماشي العب الكورة طلبت مني اعملو ليها بس انا اتزهجت وكوركت فيها قلت ليها ماشي الحق اصحابينون كان رأسها قوي ولو ماعملتو كانت بتحرد ومرات بتمشي المطبخ تفتح الغاز بجي اشاكلها وفي النهايه بعملو ليها انا السبب يا امنه نون ماقدرو ينقذوها لانو جسمها ضعيف ما استحمل الحروق وماتت بعد يومين عمري ماانسى نظرت ابوي لمن عرف انو السبب كان الانبوبه كانو بقولي انت السبب انت العملت في امك واختك كده ابوي كان قوي كل الكان بقولو لاحولا ولاقوة إلا بالله انا لله وانا اليه راجعون انا قعدت شهور مااتكلم وعرضوني على دكاترة كنت بصحى بي امي ونون بصرخو احمد كان بحكي وببكي وامنه بتبكي قال ليها انا ماقاعد انوم يا امنه انا تعبت من الكوابيس البشوفها تعبت من منظر امي وأختي محروقين جنبي الله لا ضوق الوجع ده لي زول انا كنت صغير يا امنه ماقدرتا استحمل انو ده كلو مني لو كان عملتو ليها ماكان دخلت المطبخ انا متاكد انها انتظرت امي تصلي ومشت فتحت الغاز هي لي شيلتني زنبهم كل البكاء الفي الدنيا ماريحني اعمل شنو يا امنه عشان انسى اليوم داك اعمل شنو عشان اعيش طبيعي ذي باقي الناس انا كل الناس بتقول علي غامض وطبيعي عصبي بس انا ماعندي ذنب انا ماقادر بفضي الجواي في اني اكورك واشاكل ماف زول عندو زنب بس انا انا اعمل شنو قولي انا بقيت دكتور عشان امي كان حلمها ابقى دكتور باطنيه عشانها حاولتا كتير عشان اصل ماف زول غير محمد عارف بي قصتهم كان في حاله حريق جات المستشفى وانا انهرتا بعد شفتهم ورجعت مئه خطوة لي ورا بس محمد وقف معاي وقال اني لازم انقذهم انا انقذتهم يا امنه بس ماف زول انقذ لي امي ماف زول لحقها💔امنه غلبها الكلام بس قالت ليهو صدقني امك حاتكون فخورة بيك❤️انت قادر تتجاوز الحصل ده بس ماعارف تبدأ من وين ربنا بدي كل واحد فينا طاقه من الوجع بقدر يتحملها ربنا مابشيلنا اكتر من طاقتنا ربنا رحيم وعوضك بي مراه ابوك وبي محمد صحبك وبي اسمك بين الناس ونجاحك ربنا كريم وعوضو جميل❤️خليك قوي وخليك قدر الاختبار اتصدق لي امك اعمل عمره ليها❤️ادعي ليها طوالي اتزكر الحاجات السمحه المعاهم اتجاوز عشان تقدر تكمل امك ما حاتكون مرتاحه في قبرها لانك بتعذبها انت ماعندك ذنب في حاجه اسمها اليوم وده قضاء وقدر حتى البت دي ربنا حايكون داسي ليها حاجات حلوة لقدام دائما ربنا بعوض وبجيك العوض في الوقت المناسب بس هو بمتحن صبرنا وقوة تحملنا خليك قدر الامتحان❤️احمد مسح دموعو قال ليها شكرا قالت لي على شنو قال ليها اول مره احكي الحاسيهو وأول مره احس اني عايز اسمع كلامك ده انا كنت محتاجو شديد ان شاء الله حااعمل بيهو ارح قومي نمشي نقيف مع اهل المتوفيه حايكونو محتاجين لينا وبتها بالذات لازم نهتم بيها ونشوف لو عندها اهل او لا احمد مشى الوحده وقال ليهم لقى امنه وانو بعد يخلصو شغل يرجعو وماينتظرو حايرجع مع امنه بعدين. .لجين قالت ليهم مش قلت ليكم البت دي عندها قصه وهي اختفت وين واسي ساقت الدكتور ومشو وين ولي قال نرجع من غيرهم الوقت لسه بدري قالو ليها ماتدخلي ياخ ماتفكري فيهم كتير اررح علي شغلنا. .البيت كان ظاهر انو حالتهم صعبه وعرفو من الجيران انو الراجل مطلقها وماقاعد يصرف عليهم وهي البتصرف على نفسها وبتها وعندها قلب وشكلها تعبت وماف زول عارف البت كانت بتبكي شديد امنه قعدت ليها في الأرض قالت ليها انتي بتحبي امك صاح البت هزت رأسها امنه قالت ليها امك حاتزعل لو انتي بكيتي وهي اسي فوق عند ربنا وانا وانتي حاندعي ليها سوا انو ربنا يدخلها الجنه البت قالت ليها بس انا حااشتاق ليها وماعندي غيرها امنه قالت ليها انا برضو امي ماتت بس انا ماقاعده ابكي وبدعي ليها طوالي وبعدين انتي مابراك انا وعمو الدكتور حانكون معاكوحانوديك لي بابا لانو بحبك شديد وحايهتم بيك. .امنه والدكتور قعدو لحدي المساء لمن جاء ابو البت وساقو احمد اتكلم معاو واتفق انو يرسل ليهو كل شهر مصاريف مدرستها وانو بقى مسئول عنها الاب ولا حاول يرفض بالعكس فرح انو جاتو قروش من السماء وشكر الدكتور أحمد كان مغيوظ منو شديد معقول اب يجدع بتو ومايسال عنها ..امنه واحمد ودعو البت وقالو ليها حانجي نزورك امنه بعد اتحركو بكت قالت ليهو شايف أبوها قلبو قاسي كيف ماخلى البت تحضنو وتبكي اسي حاتعيش كيف معاو قال ليها ربنا ارحم مننا عليها ومابنسى عبادو❤️
