قالي اسف بس ماعارف انو في زول هنا حاصل معاك حاجه يااخت قلت ليهو لالا بس انا مابحب جو الحفلات عشان كده قاعده هنا وصلحت التوب في راسها قال ليها والله معاك حق حتى انا مابحب الزحمه والجوطه نسيت ماعرفتك بي نفسي انا دكتور محمد صاحب عماد وجيت أحضر العرس ومد يدو لي امونه وهي مدت يدها من تحت التوب قالت ليو اسمي امنه وانا جارت ناس عشوشه قال ليها اتشرفت بي معرفتك عن أذنك طالع للشباب قالت لي اتفضل هو فات وامنه ابتسمت قالت شكلو زول ظريف وزوق ما زي المتخلف داك استغفر الله العظيم انا مالي وملو اقوم اصلي العشاء مشت اتوضت وفرشت المصلايه وبدأت تصلي محمد ما كان طلع كان براقب فيها من بعيد وقال ماشاء الله تبارك الله عليها وقرر في نفسو قرار حانعرفو لي قدام..لينا بتتونس برا مع صحبتها برضو من نفس طينه لينا مابحبو الخير لي زول قالت لي لينا اسي انا افهم شنو الولدين عاجبنك حاتختاري ياتو عشان نخطط كويس يابت العرس كلها كم يوم وينتهي لينا ساكته وسرحانه قالت ليها باخد الليل الليله تفكير وبوريك بكرة الصباح الحانعملو..انا خلصت صلاه وقاعده بسبح جاتني نهله قلت ليها وين انتي يابت قالت لي مشيت البيت أجهز للحفله بس انتي عارفه امي كبيرة ولقيت اخواتي موسخين الفجه قعدت انضف واهدي جيتك بس قالن لي البنوت فاصل كامل فاتني💔وشايفه من بعيد عبد الله مظبط خلقتو اتقول هو العريس قعدت اضحك على غيرتها قلت ليها نان دايرة يتبشتن في عرس اخو يابت ..جو داخلين البنات عشان يحشو السندوتشات للضيوف جزء شغال منهن وجزء يتمكيج ويصلحن في طرحن قمت اساعد البنات في الشغله جاء داخل عبدالله ومعاو الولد الكشحت في العصير سامعه البنات يتوسوسن عان ليو حلو كيف بس ما ببتسم كلو كلو عكس الدكتور التاني داك ياخ بشوش وظريف وسممح بختهن بنات الخرطوم طبعا انا اشيل واحمر ليو هو ولا مفتكر لي لمن جاء طالع ماعارفه لحقتو كيف قلت لي لو سمحتا قالي نعم قلت لي انتظر دقائق وبجيك دخلت جبت القميص وجيت قالي اخلصي انا مابحب حركات البنات دي وانا ماعندي ليك شي ولا بعاين للذيك اصلا ماتضيعي زمني ساي حرقني الكلام وجدعت القميص في وشو قلت لي عاين هنا يا بابا شوف نفسك علي بنات غيري اصلا انا ماشايلاك من ارضك وانت تطلع منو عشان ما عندك لي زمن اصلا الذيك ديل ماعارفه اخدو لقب دكتور كيف الدكاترة طبعهم الانسانيه وجبر الخواطر بس منعول القروش البتخلي الذيك يشوفو نفسهم علينا ويااخ انا مابشرفني اعرفك كل الكنت عايزة اقولو اني اسفه على العملتو قبيل واني صلحت غلطي وغسلت القميص الفرق بينا اني اتعاملت بتربيتي وانت اتعاملت بتربيتك ومشيت خليتو واقف مخلوع وفي كم بت شافونا وكلهم يتهامسو دي امونه معقوله وهي بتعرفو من وين والمهم بدأ الكلام والتأليف انا دخلت الاوضه ببكي على الحصل لي وانا لي حظي كده دائما في مشاكل اسي امي لو عرفت حاتضبحني وما حاتصدقني لو اتكلمت لي باكر حسبي الله ونعم الوكيل
