في قرى بعيده من قرى الجزيرة صحت من نومها على صوت امها بتكورك ليها انتي لسه نايمه تنوم فيك حيطه الصبح اذن قومي احلبي البقرة وجهزي الشاي ابوك بطلع بعد شويه مابعرف انا عملت شنو الله ابتلاني بيك😒بطلتنا قشت دموعها وقامت اتسوكت وصلت الصبح وقعدت تدعي انو ربنا يسهل عليها حياتها ويحنن قلب امها عليها بعد صلت مش الزريبه حقت ابوها فيهم كم بقرة عايشين من البطلع ليهم من اللبن ومرة مرة الزراعه بعد خلصت ولعت الفحم في المنقد وختت الشاي وسرحت في حالتها وصحت بي صوت امها بتشاكل فيها لانو الشاي دفق وهي ماحاسه بيو قالت ليها مسئوليه ماقادرة تشيلي عايزة تخشي جامعه وتمشي البندر عشان تعملي لينا مصيبه وتجي زي بت حسنه جاتهم حامل قرايه شنو كمان ليك😒بطلتنا زعلت شديد من الكلام بقت تستعغر وتدعي ماعندها غير رب العالمين يسمعها كملت الشاي وودتو الديوان لي ابوها وبدأت شغلها اليومي من نظافه لي غسيل ومكوة ماف زول يساعدها. .اثناء مابتغسل جاتها نهله وبقت تلف في البيت تفتش عليها وتكورك امنه يابت وين انتي قالت ليها انا هنا يابت تعالي قالت ليها ده شنو ياخ طبيعي انتي في الطش وين الزفته لينا مالا مابتعمل شي امك دي ماشايفها امنه قالت ليها اسكتي عليك الله هي كل مرة بتسمعك وبتقعدو تتشاكلو وتقع في راسي انا💔الغسيل ماصعب وانا اتعودتا خلاص تعالي اقعدي ونسيني اها العرس كان كيف قالت ليها وااي ياامونه برااك دافنه نفسك في البيت ده وماف زول شايفك كان عررس رهييب والله 😍فاقداك والله نفسي يوم تمشي معاي مكان كفاك حبسه عيشي زي البنات اسي لينا مابتخلي عرس طائر ما بتمشيهو😒اتقول ماشافعه ماعايشه عمرها وانتي المفروض تكوني مكانها بس اقول شنو عبيطه ومسكينه المهم نهله قعدت تتكلم كتير وامونه ساكته..في مكان تاني في الحله كان في تلاته اولاد اتنين منهم من الخرطوم والتالت من البلد دي واصحابو ديل جو يباركو لي العرس ويقيفو معاو كانو بضحكو وبتونسو احمد (دكتور اخصائي باطنيه زول جنتل مان والنوع الهادئ جدا وماتفهمي هو بفكر في شنو غامض لونو اسمو وشعرو ناعم واسود عيونو كبار ونظراتو حاده من اول لحظه تخاف منو ونادر مايضحك )
محمد(عكس احمد خالص دمو خفيف وبتاع نكت ونفسو يوم محمد يضحك ويبطل الغموض الفيهو احمد لونو قمحي وسممح شديد دكتور برضو بس أخصائي أطفال وبحب اصحابو شديد ومسكين ومن النوع الحبيب)
عماد(ده العريس داير بت عمو بحبها من صغار لونو قمحي وطويل وحلاتو بس احمد ومحمد احلى منو دكتور اخصائي نساء وتوليد )
امنه بطلتنا عمرها19سنه بت جمميله شديد عيونها كبار ونعسانه شعرها طويل حواجبها غزيرة وخشمها صغير وجسمها حلو كل بنات الحله بغيرو منها حتى اختها لينا بطلتنا امتحنت الشهاده السودانيه بعد معانا كانت ممنوعه انها تطلع جابت89.6كان نفسها تقرا الجامعه بس رفضو ليها لحدي ماالتقديم خلص وبطلتنا ماقدمت كانت زعلانه شديد بس هي مسكينه بس قلبها ابيض وناس الحله بريدوها ..نتابع الحايحصل لي بطلتنا وشنو الحايتغير في حياتها
بعد صلاه العصر امونه استحمت ولبست جلباب لونو اسود فيو خرز عاجبها شديد طوالي بتلبسو جابو ليها ابوها هديه النجاح بعد خلصت صلاه سمعت الباب بدق فكرتها نهله رجعت كانت عامله ضفيره وجايباها بالجنبه وهي اصلا شعرها ببدا من قدام وماعمله شي غير فازلين فتحت الباب وماختت في بالها انو راجل لانو نادر مايخشو عندهم كلهم بمشو لي ابوها محل شغلو من شافت الفي الباب تنحت مخلوعه بعداك ادست ورا الباب قال ليها معليش يااخت بس انا كنت عايز راجل البيت قالت ليهو ابوي ماف في الحواشات قال ليها طيب يااخت انحنا بنركب في الصيوان وبيتكم حايبقي مكشوف لينا من فوق ممكن بس تدخلو الغرف جوا لحدي ما نخلص معليش علي الازعاج قالت لي تسلم يااخوي ماف ازعاج هو فات وهي دخلت بتتكلم مع نفسها اول مرة في حلتنا دي زول يحترم حرمه البيوت وهو زاتو ماشاء الله عليه شكلو ود ناس وما من هني فجأه ضحكت قالت لو شافتو نهله كان حاتتجنن لي فيهو مابعرف البت دي الحايملا عينها منو الله يهديها ،هو ماشي واحمد وعماد بكوركو ليهو بعد زمن حتى اتلفت قالو لي مالك سرحان وين قال ليهم فيها قالو لي في منو قال ليهم فيها ياخ ماشاء الله تبارك الله مكمله والكمال لله قعدو يضحكو فيهو شفتها وين دي قال ليهم في بيتها قالو لي كككيف قال ليهم هووي سرحتو وين مشيت اقول ليهم انو حانطلع نركب الصيوان مادايرين نزعج الناس احمد قال ليهو سبقتني كنت حااعمل كده محمد قال ليهو اررح نكمل شغلنا الغداء جهز والرجال كانو بطلعو في الصواني احمد داخل مستعجل عشان يكمل توزيع الغداء ويمشي يشوف عماد طقش لي بت قال ليها معليش يااخت وكمل طريقو حتى ماعاين في وشها هو جسمو عريض وكانت ضربتو حاره بس هو ماوقف حتى يشوف البت كيف صحباتها قالو ليها ده شنو الثقيل الما عندو زوق ده بس البت كان عندها كلام تاني..امونه بعد جهزت الغداء لي امها وابوها عندها كتاب طلعتو وبقت تقرأ فيو قبل المغرب لانو بعد المغرب القرايه صعبه بي الفانوس هم عندهم كهرباء بس امها عامله لمبه بس في غرفتها بتقول الكهرباء غاليه ماف داعي للصرف
نهله جات لي امنه حنست خالتو زينب ام امنه انهم خمسه دقائق وبرجعو زينب قالت ليهم انا زاتي ماشه ام عماد جاتني قبيل عزمتني الحنه طيب امرقن معاي نهله قالت لي خلي امونه تغير هدومها امونه قالت ليها لالا بمشي بي جلبابي ده بس اجيب طرحه واجي لحقت نهله في الغرفه انتي عويرة يابت ماشه كده قالت ليها اي انا اصلا مابعرف زول هناك اخت عماد ماقريبه لي شديد قالت ليها برري منك بتحبي البشتنه مابتشوفي لينا انتي اسي تلقيها مستلمه العرس على حسابها طيب اعملي روج امونه قالت ليها برري مادايرة وبعدين دايرة امي تضبحني قالت ليها تضبحك لي ماشايفه عمايل لينا وبعدين ياخ الضلام مابتشوفك امونه قالت ليها انا اصلا ما عندي روج ارح امرقي ياخ نهله طلعت ليها روج امونه قالت ليها ده شنو وخاتاو هنا 😱نهله ضحكت قالت ليها انتي مسكينه شديد ياامونه اسي امشي شوفي البنات كلهم يتلامعن اسكتي وخليني اعمل ليك بعد عملت ليها امونه قالت ليها ده شنو كتير كده وخففتو نهله قالت ليها اصلك هبله امرقي امونه سحبت ليها طرح كبديه من الضلفه وطلعو. .
