نهله في شنو مالك مابتردي على تلفوناتي وحتى من قبيل بعاين ليك وانتي ماشغاله بي قالت ليهو عايز شنو اسي انا مشغوله وماف بينا كلام عبدالله اتخلع قال ليها الكلام ده لي انا قالت ليهو اي ماف بينا كلام وياريت ماتتصل علي تاني جات تطلع عبدالله مسكها من يدها قال ليها انا عايز افهم في شنو وانا عملت ليك شنو قالت ليهو عندك عين تسال كمان طيب خلي لينا تنفعك ومشت هو يادوب اتزكر لمن كان مع لينا وانو في زول شافهم غضب غضب شديد هو بحب نهله بس ماعارف غلط كيف اليوم داك طوالي طلع من البيت امنه كانت مركزة في شغلها ومحمد بعاين ليها هم مدورين الخبيز في الحوش والفرن في المطبخ امنه دخلت المطبخ تطلع الصينيه محمد جاء شايل صواني امونه كانت بتعاين ليهو ولمست الصينيه سخنه محمد مسك يدها وبقى يشاكل فيها انتي بالك وين كيف تشيليها حارة لو تعبتي ارتاحي انا بكمل عنك وبقى ينفخ في اصبعها امنه ماسكه دموعها إنها ماتبكي كانت عايزة تسالو دي منو البت الكنت بتتكلم معاها بس قالت ماعندها حق تسالو رفع راسو لقاها بتعاين ليهو كان متمني يحضنها ويقول ليها انو بحبها نفسو يشيل عنها كل الوجع بس هو لازم يتكلم مع اهلو بالاول ماعايز يخزلها 💔
لينا سمعت كلام عبدالله ونهله وكانت فرحانه انها خربت علاقتهم وانو عبدالله الايام دي محتاج ليها ولازم تتقرب ليو طوالي اتصلت عليهو عبدالله كان قاعد مع صحبو في الشارع عبدالله من النوع البحب يوري انو البنات مكسرين فيهو هو ماعارف بطريقتو دي خسر نهله لينا اتصلت مرة واتنين صحبو قال ليهو رد عبد الله قال ليهو دي واحده متلحاني واسي مارايق ليها صحبو قال لي رد ياخ ماحاتخسر شي خلينا نسمع صوتها عبدالله رد ولينا ماصدقت قالت ليهو وينك قال ليها نعم قالت لي اشتقت ليك وخفت ماترد علي وبدات تدلع عبدالله في الأول ماكان عاجبو انو يتكلم مع بت بس زعل انو نهله خلتو وحتى مااتفاهمت معاو وبدأ يتونس مع لينا ..
امنه بعد طلعت كل الصواني بمساعده محمد وعبتهم في الجردل ارتاحت انو هي خلصت وابتسمت ابتسامه إنجاز محمد قال ليها ان شاء الله فاتحه خير عليك قالت ليهو اميين وشكرا ليك ماقصرتا معاي قال ليها بالعكس انا العايز اشكرك كنت مبسوط وانا بساعدك وخليتني أتعلم طريقه جديده حااجربها لمن ارجع في ناس البيت😂امنه قالت ليهو من دون تنتبه ولي خطيبتك برضو قال ليها خطيبتي!قالت ليو قصدي يعني ممكن تعلمها الطريقه حقت الخبيز وبقت تتمتم ماعارفه تقول ليهو شنو حست انها فضحت نفسها جات تطلع من المطبخ محمد قال ليها بس انا ماعندي خطيبه ولا مرتبط حاليا..
امنه ابتسمت وحست انو الأمل رجع ليها ..كل الناس طلعت تنوم فضلو تحت خالتو أسيا ونهله وامنه ومحمد وعماد بتونسو عماد ومحمد بحكو عن مواقفهم في المستشفى انو محمد مره كان عندو طفل مريض وبكاي شديد وماعايز يدوهو حقنه محمد قعد للطفل في الأرض وطلع كل الممرضين وقال ليهو ماف حقنه انا برضو مابحب الحقن رايك شنو نلعب سوا الشافع سكت قال ليهو هنا ماف حاجه نلعب فيها محمد طلع التاب قال ليهو عندي العاب كتيره وطلع لي لعبه كده فيها شافع لابس هدوم سوبر مان وبحارب محمد قال للولد شايفو مابخاف وهو بطل والأول كمان بس انت ما زيو💔قال ليهو لالا انا زيو محمد قال ليهو انت بتخاف من الحقن وهو مابخاف الشافع قال ليهو انا برضو مابخاف محمد قالي خلاص انا حااديك ليها ولو وقفت انت حاتكون بطل وحااديك التاب هديه الشافع فرح وقالي ليهو طيب محمد اداهو الحقنه والشافع ماحس بي وجع ..
عماد قال ليهم لو انا مكان محمد كان جنيت😂بس هو ماشاء الله بالو طويل وبعرف يتعامل مع الأطفال امنه كانت بتعاين ليهو ومبسوطه انو هو حنين شديد بس هي خايفه من المجهول وأنها خلاص اتعلقت بيو.
